उपदेसक 5:16 - Sunuwar Bible

¹⁶ एको यो श्‍येत लाक्‍चा ङा मरिम्‍शो का बाक्‍ब। मुर दोपा जाक्‍बा, मोपान लेश्‍शा लाइ‍ब। मिनु मेको कली मार रिम्‍शो दुम्‍बा ङा? मारदे हना मेको आ पशो श्‍येत नेल्‍ल फश खोदेंशो दुम्‍ब।

उपदेसक 5:16 ပူးပေါင်းရင်းမြစ်များ

हितोपदेस 11:29

आंम खिं ङा मुर आन कली श्‍येत चाक्‍बमी मारेइ मथेरब। मिनु मूर्खपुकी जोक्‍ब तुइक्‍ब आन वाइल दुम्‍नीम।

उपदेसक 1:3

मुरुम रागीम श्‍येत पा गेय पा, मार ताइनीमी ङा? नांम दुप्‍शा श्‍येत पा गेय पा, मार दुम्‍बा ङा? उपदेसक २:२३

उपदेसक 2:11

मो हना यो मेको आं पशो गेय नेल्‍ले नु आं मार मार तचा कली श्‍येत पा पशो गेय नेल्‍ल कोव़ङुनु, मेको नेल्‍ल जाम्‍शा लाइब बाक्‍तेक्‍म। मेको नेल्‍ल फश कली खेदा पशो खोदेंशो शोर गाक्‍शो गेय ला बाक्‍तेक्‍म।

उपदेसक 3:9

गेय पाइबमी आन श्‍येत पा गेय पशो रे मार ताइनीमी ङा?

उपदेसक 5:13

गो रागीमी थम श्‍येत लाक्‍चा ङा मरिम्‍शो पशो का तशो बाक्‍नुङ। मेको मार बाक्‍ब देंशा हना मुरुमी आंमा खतम दुम्‍चा कली शोंप तेल्‍शो बाक्‍ब। मत्ती १९:२२

यसैया 26:18

मिनु गोपुकी यो कोव़ज कुरशा रोम्‍साक्‍क। तन्‍न फश ला थीतक। गोपुकी आंइ रागी कली प्रोंइने मचाप्‍क। मिनु आल थिशा यो शुश दुम्‍ने मचाप्‍क।

येरमीया 2:8

चढ़ेबपुकीम ‘परमप्रभु यावे ते बाक्‍बा?’ मदेंम। आं अरेशो लोव़ शेंबपुकीम आं कली मतुइक्‍तीमी। सासन पाइबपुकी आं कली ममिम्‍थु, हेंथे गाक्‍तेक्‍म। आं लोव़ पाइबपुकीम बाल देवता आ नेंम नोले दुम्‍ब लोव़ पाम्‍तेक्‍म। मिनु शोर गाक्‍शो मूर्ति आन नोले खोइक्‍तेक्‍म” देंत।

होसे 8:7

मेकोपुकीमी फश शोक्‍नीम। मिनु ठेयब फश गिवार खुप्‍नीम। मेको आन चेरब बोटमी बाला मबाक्‍नीम। मिनु मेकोपुकीमी फस सेल्‍ने मचाप्‍नीम। आन बाला बाक्‍तेक्‍म हना यो, रागी रागी ङा मुरपुकीमी मेको खुप्‍शा जाइनीम। येरमीया १२:१३

मर्कूस 8:36

रागी नेल्‍ल आंम के सेल्‍ने चाप्‍ब, तन्‍न बेक्‍त हना, मेको मार रिम्‍शो दुम्‍बा ङा?

यूहन्‍ना 6:27

राक्‍चा ङा जचा थोव़क कली श्‍येत मपने। मराक्‍चा ङा जचा थोव़क कली चहिं गेय पने। मराक्‍चा ङा जचा थोव़क मार बाक्‍मे देंशा हना, गेना हना यो ब्रोंइशा बाक्‍चा बाक्‍ब। रागीमी जरमेशोमी इन कली मेको जचा थोव़क गेब। मारदे हना आ आफोमी रागीम जरमेशो कली आ छाप थोक्‍ताक्‍व” दे येसुमी शेंताक्‍व। यूहन्‍ना ५:३६

१ कोरिन्‍थी 16:16

मेको आन पशो खोदेंशो पा शेंना शेंन गाक्‍ब नेल्‍ल आन कली मान पा आन लोव़ नेंशा टिने।

१ सामुएल 12:21

मो मपाइतीनी हना, गे शोर गाक्‍शो दुम्‍नीनी। मेकोम इन कली वारच मपाइब। श्‍येत रे यो मप्रोंइब। ब्‍यवस्‍था ३२:३७-३८; यसैया ४१:२९