उपदेसक 5:10 - Sunuwar Bible

¹⁰ सुमी क्‍येट दाक्‍बा, मेको कली क्‍येटीमी गेनायो मजाक्‍दीप्‍ब। सुम शोंप दाक्‍बा, मेको मुर आ चेम्‍शोमी गेनायो मरूब। मेको यो जाम्‍शा लाइब बाक्‍ब। हितोपदेस २८:२२; लूका १२:१५

उपदेसक 5:10 ပူးပေါင်းရင်းမြစ်များ

भजन संग्रह 52:1

गे थम बोल्‍यो मुर, मारदे मरिम्‍शो पचा आ पर्बम बोरनीनी? परमप्रभु आ शिशी नाक्‍त रे लीब।

भजन संग्रह 52:7

एको मुर कली कोव़ङीन। एकोमी परमप्रभु कली जिम्‍मा मगेंसे। आ शुश शोंपोम “गो मारेइ मारेइ पने चाप्‍नुङ देंशा, अरु आन कली खतम पोक्‍शा, बोल्‍यो दुम्‍त” दे रिश्‍शा, कोव़नीम।

भजन संग्रह 62:10

मुर आन कली दिप्‍शा “रिम्‍शो दुम्‍नुङ” दे ममिम्‍तीन। खुइ पशो मार मार तशा, ठेयब मलेतीन। इन शोंप शुश दुम्‍त हना यो, मेको कली थमा मसुतीन। मत्ती १९:२२; लूका १२:१५-२१; १तिमोथी ६:९,१७

उपदेसक 1:17

गो जोक्‍तीक तुइक्‍तीक रुप्‍चा, बौला दुम्‍तीक नु मूर्ख दुम्‍तीक तुइक्‍चा थुं पाता। तन्‍न मेको दा फश कली खेदा पशो खोदेंशो ला बाक्‍त, दे तुइक्‍ताक्‍ङ। उपदेसक २:१२; उपदेसक ७:२५

उपदेसक 1:8

तेकोइ आइदी रे आइक्‍था सम्‍म रिम्‍शो मबाक्‍नीम। सुइमी देंशा देंने मचाप्‍नीम। कोव़शा मिक्‍च गेनायो मरूब। नेंशा नोफा गेनायो मदाइ‍ब। भजन संग्रह ९०:१०; हितोपदेस २७:२०

उपदेसक 2:10

गो मार कोव़चा दाक्‍ङा, मेकोन कोव़ता। आं दाक्‍शो नेल्‍ल पाता। मोपा आं पशो गेय नेल्‍लेमी आं थुं कली ग्‍येरपाइक्‍तु। मेको आ श्‍येत पा पशो गेय रे ताता।

उपदेसक 2:11

मो हना यो मेको आं पशो गेय नेल्‍ले नु आं मार मार तचा कली श्‍येत पा पशो गेय नेल्‍ल कोव़ङुनु, मेको नेल्‍ल जाम्‍शा लाइब बाक्‍तेक्‍म। मेको नेल्‍ल फश कली खेदा पशो खोदेंशो शोर गाक्‍शो गेय ला बाक्‍तेक्‍म।

उपदेसक 2:26

परमप्रभुमी आ दाक्‍शो मुर कली जोक्‍तीक तुइक्‍तीके नु रुप्‍शा ग्‍येरतीक थुं गेब। तन्‍न मरिम्‍शो पाइब आन कली खुप्‍तीक नु तेल्‍तीक गेय पपाइक्‍ब। मिनु नोले मेको नेल्‍ल आ दाक्‍शो मुर आन कली गेब। मेको यो जाम्‍शा लाइब नु फश कली खेदा पशो खोदेंशो ला बाक्‍ब। हितोपदेस १३:२२; हितोपदेस २८:८

उपदेसक 3:19

मुर नु बस्‍तु भाव आन लां खाल का ङा बाक्‍ब। मेको खाल का ङा पा बेक्‍नीम। का दोपा बेक्‍बा, अर्को यो मोपान बेक्‍ब। मेको नेल्‍ल खाल का ङा पा सोक्‍त कीनीम। मुर आन ततीके बस्‍तु भाव आन क्‍येङा रिम्‍शो मबाक्‍ब। मारदे हना नेल्‍ल जाम्‍शा लाइब बाक्‍नीम। भजन संग्रह ४९:१३,२१

उपदेसक 4:16

मेकोमी शुश मुर आन कली वारच पाप्‍तु। तन्‍न मेको क्‍येङा नोले जाक्‍बपुकी मेको तशा मग्‍येरसम। मेको थमा पा जाम्‍शा लाइब नु फश कली खेदा पशो खोदेंशो बाक्‍ब।

उपदेसक 4:4

मिनु गो मार ताता देंशा हना, मुरपुकी श्‍येत पा अरु आन कली गेहे पतीके रे जोक्‍ब दुम्‍नीम। मेको यो जाम्‍शा लाइब नु फश कली खेदा पशो खोदेंशो ला बाक्‍ब।

उपदेसक 4:8

मेको मार ताता देंशा हना तमी तौ नु सुइ लोक्‍ब मपाइश्‍शो मुर का बाक्‍त। तन्‍न मेकोमी शुश श्‍येत पा गेय पाइबाक्‍त। आ गेय गेनायो मथुम्‍थु, आ शोंपोम थुं मनुइबाक्‍त। मिनु काबु मेकोमी आंम कली “गो मारदे मोदेंशो श्‍येत ङा गेय पना पन बाक्‍नुङ? गो मारदे आंम कली मारेइ रिम्‍शो मपाइनुङा?” देंत। मेको यो जाम्‍शा लाइब नु श्‍येत जतीक ला बाक्‍ब।

उपदेसक 5:9

पिपमी रू ङा गेय पाइब आन कली अरेशा रिम्‍शो कोव़तु हना, मेको रागी रिम्‍शो दुम्‍ब।

उपदेसक 6:7

मुर आ श्‍येत पशो नेल्‍ल आ कोव़ज प्रिंचा कली ला बाक्‍ब। मो हना यो मेको आ शोव़लु बेक्‍तीक गेनायो मनुप्‍ब। उपदेसक १:८

मत्ती 6:19

एको रागीमी शोंप खुप्‍शा, खेक्‍शा मवोतीने। मारदे हना बुस्‍सुम ख्रोइक्‍ब, खिया जोइब, खुइपुकीमी खुइ पाइनीम।

मत्ती 6:24

सुइमी होव़प निक्‍शी आस गेय पने मचाप्‍ब। मारदे हना का कली मदाक्‍ब, का कली दाक्‍ब। का कली मान पा टीब, का कली मान मपथु मटीब। परमप्रभु यावे नु शोंप निम्‍फा आस कली गेय पने मचाप्‍नीनी। लूका १६:१३; याकूब ४:४

लूका 12:15

मिनु नोले मुर आन कली “नेनीन, होस पा बाक्‍कीन। शिंम मदुमीन। मारदे हना शुश शोंप बाक्‍शा ला ब्रोंइशा बाक्‍चा मतांइसीब” देंमाक्‍त। उपदेसक ५:९; १तिमोथी ६:९-१०

१ तिमोथी 6:10

क्‍येट कली दाक्‍ब मरिम्‍शो आन क्‍येङा यो मरिम्‍शो बाक्‍ब। मोपा क्‍येट दाक्‍ब का निक्‍शीमी थमा सुइक्‍तीके प्रोंइशा, आंम थुं कली तूशो खोदेंशो पा शुश खाइक्‍पाइक्‍तेक्‍म। एफिसी ५:५; १तिमोथी १:१९