उपदेसक 4:8 - Sunuwar Bible

⁸ मेको मार ताता देंशा हना तमी तौ नु सुइ लोक्‍ब मपाइश्‍शो मुर का बाक्‍त। तन्‍न मेकोमी शुश श्‍येत पा गेय पाइबाक्‍त। आ गेय गेनायो मथुम्‍थु, आ शोंपोम थुं मनुइबाक्‍त। मिनु काबु मेकोमी आंम कली “गो मारदे मोदेंशो श्‍येत ङा गेय पना पन बाक्‍नुङ? गो मारदे आंम कली मारेइ रिम्‍शो मपाइनुङा?” देंत। मेको यो जाम्‍शा लाइब नु श्‍येत जतीक ला बाक्‍ब।

उपदेसक 4:8 ပူးပေါင်းရင်းမြစ်များ

उत्पत्ती 2:18

मिनु परमप्रभु यावेमी “मुर का ला बाक्‍चा मरिम्‍शो दुम्‍ब। गो मेको नु बाक्‍चा कली वारच पाइब का सेल्‍नुङ” देंमाक्‍त। उपदेसक ४:३०

भजन संग्रह 39:6

मुरपुकी वांकु खोदेंशो पा गाक्‍शो बाक्‍नीम। मेकोपुकी मोशा सुर्ता पाइनीम। शुश शोंप तेल्‍नीम। मेको सुम जाइबा मतुइक्‍नीम। भजन संग्रह ४९:१७-२१; उपदेसक २:१८-२१; लूका १२:१५-२१

भजन संग्रह 39:7

“परमप्रभु, गो मार कली रिम्‍ना रिम्‍न बाक्‍नुङा? गो इन लां ला कोव़शा बाक्‍नुङ।

हितोपदेस 27:20

बेक्‍शो मुर आन बाक्‍तीके नु जाम्‍शा लतीके गेनायो मरूशो खोदेंशो पा, मुर आ मिक्‍च यो गेनायो मरूब। उपदेसक १:८

उपदेसक 1:13

गो आं जोक्‍तीक तुइक्‍तीकेम रागीमी मार मार पांइसीबा, मेको नेल्‍ल तुइक्‍चा दाक्‍ताक्‍ङ। परमप्रभुमी मुर आन कली मोदेंशो तुइक्‍चा माल्‍तीक थुं गेशा, श्‍येत गेप्‍तु।

उपदेसक 1:8

तेकोइ आइदी रे आइक्‍था सम्‍म रिम्‍शो मबाक्‍नीम। सुइमी देंशा देंने मचाप्‍नीम। कोव़शा मिक्‍च गेनायो मरूब। नेंशा नोफा गेनायो मदाइ‍ब। भजन संग्रह ९०:१०; हितोपदेस २७:२०

उपदेसक 2:21

मारदे हना सुइमी जोक्‍ब तुइक्‍ब दुम्‍शा शुश गेय पाप्‍तु हना यो, मेको आ पशो नेल्‍ल अरु मुर आन कली प्रोंइशा वोइक्‍चा माल्‍ब। मेको ताइब मुरुमी मेको आ पर्बम मारेइ श्‍येत मपशो बाक्‍ब। एको यो जाम्‍शा लाइब नु थम मरिम्‍शो बाक्‍ब।

उपदेसक 2:23

मेको नाक्‍त किंत किंत श्‍येत जाइनीम। मिनु नाक्‍दो यो आन थुं नाइक्‍चा मताइनीम। मेको यो जाम्‍शा लाइब बाक्‍ब।

उपदेसक 4:7

मिनु गो लेंशा रागीम अरु जाम्‍शा लाइब थोव़क तातामी।

उपदेसक 5:10

सुमी क्‍येट दाक्‍बा, मेको कली क्‍येटीमी गेनायो मजाक्‍दीप्‍ब। सुम शोंप दाक्‍बा, मेको मुर आ चेम्‍शोमी गेनायो मरूब। मेको यो जाम्‍शा लाइब बाक्‍ब। हितोपदेस २८:२२; लूका १२:१५

उपदेसक 5:9

पिपमी रू ङा गेय पाइब आन कली अरेशा रिम्‍शो कोव़तु हना, मेको रागी रिम्‍शो दुम्‍ब।

यसैया 5:8

आबी, गे शुश खिं नु रू ग्‍याप्‍ब। नोले सुइ मुर इ नेक्‍था मबाक्‍नीम। मारदे हना रू नु खिं नेल्‍ल इ के बाक्‍नीम। ब्‍यवस्‍था ५:२१

यसैया 55:2

मारदे जचा मदुम्‍शो थोव़क कली क्‍येट थाप्‍नीनी? मारदे मरूपाइक्‍ब थोव़क कली इन चेम्‍शो क्‍येट थाप्‍नीनी? आं लोव़ नोफा दाइश्‍शा नेनीन। रिम्‍शो थोव़क जने। मिनु ब्रोव़शो जशा, ग्‍येरसीने।

मत्ती 11:28

गे श्‍येत जशो नु भारीम चिप्‍चा पुंइसीशोपुकी, आं गे जाक्‍कीन। मिनु नाइक्‍चा गेनन्‍नी। मत्ती १२:२०; मत्ती २३:४; येरमीया ३१:२५

लूका 12:20

मिनु परमप्रभु यावेमी मेको कली ‘गे मूर्ख नवे। मारदे हना मुलाक्‍दो बेक्‍नेवे। मिनु इ खुप्‍शा उप्‍शो शोंप सुम जाइबा?’ दे मदा बाक्‍त।

१ यूहन्‍ना 2:16

मिनु रागीमी मार बाक्‍ब देंशा हना, मेको मुर आन रांमी मार मार पचा दाक्‍नीमी, मेकोन पाइनीमी। मेको आन मिक्‍चीमी मार मार कोव़चा दाक्‍नीमी, मेकोन कोव़थ लाइनीम। आन शुश शोंप आ पर्बम ठेयब लेत्‍तीके इं आफ परमप्रभु यावे रे ममाइ, रागी ङा मुर आन पतीके बाक्‍ब।