उपदेसक 4:4 - Sunuwar Bible

⁴ मिनु गो मार ताता देंशा हना, मुरपुकी श्‍येत पा अरु आन कली गेहे पतीके रे जोक्‍ब दुम्‍नीम। मेको यो जाम्‍शा लाइब नु फश कली खेदा पशो खोदेंशो ला बाक्‍ब।

उपदेसक 4:4 ပူးပေါင်းရင်းမြစ်များ

उत्पत्ती 26:14

मेको आ क्‍यारश भेडा नु बी ब्‍यफ शुश दुम्‍मा बाक्‍त। मिनु वाइलीम वाइलपुकी यो शुश दुम्‍मा बाक्‍त। मोपतीके पलिस्‍तीपुकीमी गेहे पामे बाक्‍त।

उत्पत्ती 31:1

मिनु लाबान आ तौपुकीमी “याकूबमी आंइ आफ आ मारेइ मारेइ नेल्‍ल रोइक्‍ताक्‍व। आंइ आफ आ शोंप रे शोंप पाइश्‍शो दुम्‍त” देंशो, याकूबमी नेना बाक्‍त। उत्‍पत्ती ३०:३५

हितोपदेस 27:4

गाइक्‍चा मरिम्‍शो बाक्‍ब। चुरचा मेको क्‍येङा मरिम्‍शो बाक्‍ब। रुश पतीके कली सु फाल्‍ने चाप्‍बा ङा?

उपदेसक 1:14

गो रागीमी पशो गेय नेल्‍ल ताता। मेको नेल्‍ल जाम्‍शा लाइब बाक्‍नीम। मेको फश कली खेदा पशो खोदेंशो बाक्‍ब।

उपदेसक 1:17

गो जोक्‍तीक तुइक्‍तीक रुप्‍चा, बौला दुम्‍तीक नु मूर्ख दुम्‍तीक तुइक्‍चा थुं पाता। तन्‍न मेको दा फश कली खेदा पशो खोदेंशो ला बाक्‍त, दे तुइक्‍ताक्‍ङ। उपदेसक २:१२; उपदेसक ७:२५

उपदेसक 2:21

मारदे हना सुइमी जोक्‍ब तुइक्‍ब दुम्‍शा शुश गेय पाप्‍तु हना यो, मेको आ पशो नेल्‍ल अरु मुर आन कली प्रोंइशा वोइक्‍चा माल्‍ब। मेको ताइब मुरुमी मेको आ पर्बम मारेइ श्‍येत मपशो बाक्‍ब। एको यो जाम्‍शा लाइब नु थम मरिम्‍शो बाक्‍ब।

उपदेसक 2:26

परमप्रभुमी आ दाक्‍शो मुर कली जोक्‍तीक तुइक्‍तीके नु रुप्‍शा ग्‍येरतीक थुं गेब। तन्‍न मरिम्‍शो पाइब आन कली खुप्‍तीक नु तेल्‍तीक गेय पपाइक्‍ब। मिनु नोले मेको नेल्‍ल आ दाक्‍शो मुर आन कली गेब। मेको यो जाम्‍शा लाइब नु फश कली खेदा पशो खोदेंशो ला बाक्‍ब। हितोपदेस १३:२२; हितोपदेस २८:८

उपदेसक 4:16

मेकोमी शुश मुर आन कली वारच पाप्‍तु। तन्‍न मेको क्‍येङा नोले जाक्‍बपुकी मेको तशा मग्‍येरसम। मेको थमा पा जाम्‍शा लाइब नु फश कली खेदा पशो खोदेंशो बाक्‍ब।

उपदेसक 6:11

मेको शुश लोव़ पाप्‍तु हना यो, मेको क्‍येङा शोर गाक्‍शो बाक्‍ब। मिनु तेको रिम्‍शो बाक्‍बा?

उपदेसक 6:9

मार मार माल्‍नुङ, दे शुश मिम्‍चा क्‍येङा आ तशोम ग्‍येरसीशा बाक्‍चा रिम्‍शो बाक्‍ब। मेको यो जाम्‍शा लाइब नु फश कली खेदा पशो खोदेंशो बाक्‍ब।

मत्ती 27:18

मारदे हना आन थुं चोशा, येसु कली ग्‍याइक्‍पदमे बाक्‍त, दे तुइक्‍ता बाक्‍त, मोपतीके येसु कली प्रोंइचा माला बाक्‍त। यूहन्‍ना १२:१९

प्रेरित 7:9

मिनु याकूब आ तौ आन लोक्‍ब योसेफ कली गेहे पा, मेको कली इजीप्‍त रागी ङा मुर आन कली लेयङमे बाक्‍त। तन्‍न परमप्रभु यावेमी मेको कली कोव़शो बाक्‍माक्‍त।

याकूब 4:5

परमप्रभु यावेमी ब्रेक्‍पाइश्‍शो लोव़मी “परमप्रभु यावेमी आ सोक्‍त इं रांमी वोइक्‍तु। तन्‍न मुरुमी दला दाक्‍स पशो तशा, मेकोमी शुश रुश पाइब” दे यो ब्रेक्‍पाइश्‍शो बाक्‍ब।

१ यूहन्‍ना 3:12

काइन खोदेंशो दुम्‍चा मदुम्‍ब। काइनमी सैतान आ मुर दुम्‍शा, आ लोक्‍ब कली सदा बाक्‍त। काइनमी आ लोक्‍ब कली मारदे सदा बाक्‍त देंशा हना, आ थुं ङा गेय मरिम्‍शो बाक्‍माक्‍त। आ लोक्‍ब आ गेय चहिं परमप्रभु यावे आ ङोंइती ठीक बाक्‍माक्‍त। उत्‍पत्ती ४:८