उपदेसक 3:4 - Sunuwar Bible

⁴ ङाक्‍तीक ना बाक्‍ब। मिनु रित्‍तीक ना बाक्‍ब। रोंका पतीक ना बाक्‍ब। मिनु सिल पतीक ना बाक्‍ब।

उपदेसक 3:4 ပူးပေါင်းရင်းမြစ်များ

उत्पत्ती 21:6

मिनु सारामी “परमप्रभुमी आं कली रिप्‍पाइक्‍ती। सु सुम एको नेंनीमी, मेको यो गो नु रित्‍नीम। उत्‍पत्ती १८:१२

२ सामुएल 6:16

मिनु परमप्रभु यावे आ सन्‍दोस दाऊद आ सहरमी चाक्‍गमेनु, सावल आ तमी मिकालमी झेल रे कोव़ङा बाक्‍त। मिनु पिप दाऊद कली परमप्रभु यावे आ ङोंइती प्रेक्‍ना प्रेक्‍न, सिल पशो तशा, आ थुंमी ग्रांग्रा दिमाक्‍त।

भजन संग्रह 30:11

गो रोंका पाइब मुर, सिल पाइब दुम्‍ती। आं रोंका पतीक अरन्‍डी प्रुइश्‍शा, ग्‍येरतीक किप्‍शुर खोदेंशो पा किप्‍ताक्‍यीनी।

भजन संग्रह 30:5

मारदे हना आ गाइक्‍तीक इच्‍का ला बाक्‍ब। तन्‍न आ शिशी पतीके ब्रोंइशो सम्‍म लीब। मुर नाक्‍दो रे ङाक्‍चा माल्‍ताक्‍व हना यो, सुनी ग्‍येरपाइक्‍चा पुंइसीब। यसैया ५४:७-८

प्रस्‍थान 15:20

हारून आ समी मिरयाम परमप्रभु आ लोव़ पाइब यो बाक्‍त। मेकोमी खैजडी ताप्‍शा, कुम्‍सो पथ लमेनु, अरु मीश मुरपुकी यो खैजडी ताप्‍शा, सिल पना पन मेको आ नोले खोइक्‍तेक्‍म। भजन संग्रह ६८:२६

उपदेसक 3:5

फुल्‍लु फ्रतीक ना बाक्‍ब। मिनु मेको खुप्‍तीक ना बाक्‍ब। मुप्‍तीक ना बाक्‍ब। मिनु ममुप्‍तीक ना बाक्‍ब।

उपदेसक 7:14

नाक्‍त रिम्‍शो दुम्‍मेनु ग्‍येरसीन। तन्‍न नाक्‍त मरिम्‍शो दुम्‍मेनु मिम्‍तीन। मेको निम्‍फा परमप्रभुमी सेल्‍शो बाक्‍ब। मोपा मुरुमी नोले आंम कली मार दुम्‍बा, दे मतुइक्‍नीम।

यसैया 40:1

इन परमप्रभुमी “आं मुर आन कली लेम्‍दीन, लेम्‍दीन।

यसैया 40:2

यरूसलेम कली आ थुं बारपाइक्‍तीके लोव़ पने। आ श्‍येत नुप्‍त। आ मरिम्‍शो पशो क्‍याम्‍शो बाक्‍ब। मारदे हना परमप्रभु यावे रे पा आ मरिम्‍शो पशो आ पर्बम निक्‍शी खेयप सजाइ ताप्‍तु” देंत। होसे २:१६; येरमीया १६:१८

मत्ती 11:17

‘ताप्‍तीक ताप्‍कानु, गे सिल मपनी, रोंका पा ङाक्‍कानु, गे मङाक्‍नी’ दे ब्रेम्‍मुशो खोदेंशो बाक्‍नीम। यूहन्‍ना ५:३५

मत्ती 9:15

मिनु येसुमी “जन्‍तीपुकी ग्‍युम्‍ले नु काथा बाक्‍मानु, हिशेक पा ङाक्‍नीमी ङा? काबु ग्‍युम्‍ले नु फ्राचा पुंइसीनीम। मिनु मेना बर्त बाक्‍नीम। यूहन्‍ना ३:२९

लूका 1:58

आ एर ओंथ बाक्‍ब नु आ खिं ङा मुर नेल्‍लेमी “परमप्रभुमी मेको कली शिशी पा, तौ थीब सेल्‍तु” देंशो नेंशा, नेल्‍ल मेको नु ग्‍येरसमा बाक्‍त।

रोमी 12:15

ग्‍येरसीशोपुकी नु ग्‍येरसीने, ङाक्‍शोपुकी नु ङाक्‍कीन। भजन संग्रह ३५:१३-१४; २कोरिन्‍थी ११:२९

२ कोरिन्‍थी 7:10

परमप्रभु यावेमी थुं खाइक्‍पाइश्‍शो आन कली रिम्‍शो दुम्‍मल, दे मो पशो बाक्‍ब। रागी ङा थुं खाइक्‍पाइक्‍मुशोमी चहिं थुं साइक्‍ब। मत्ती २६:७५; लूका १५:१७-२४; मत्ती २७:३-५

याकूब 4:9

मिनु सुर्ता पने। रोंका पा ङाक्‍कीने। इन रित्‍चा आ पा ङा रोंका पने। इन ग्‍येरचा आ पा ङा सुर्ता पने।