उपदेसक 3:18 - Sunuwar Bible

¹⁸ गो आं थुंमी मुरपुकी बस्‍तु भाव खोदेंशो नकी, दे तुइक्‍तमेक्‍ल, दे परमप्रभुमी मेको आन कली नाक्‍शा कोव़ब” दे यो मिम्‍ताक्‍ङ।

उपदेसक 3:18 ပူးပေါင်းရင်းမြစ်များ

अय्‍युब 15:16

मेको आन क्‍येङा ग्रांग्रा दिशो नु खराप दुम्‍शो कली दोपा थमा सुइक्‍बा ङा? मेकोमी मरिम्‍शो पतीक ब्‍वाक्‍कु तूशो खोदेंशो पा तूब कली दोपा थमा सुइक्‍बा ङा?

अय्‍युब 40:8

गो आं कली ‘दूली पाइब’ देंनेवे? मिनु गे आंमा ठीक पाइब बाक्‍नुङ देंचा कली आं कली दोस गेनेवे?

भजन संग्रह 49:12

गिश क्‍येट थीब बाक्‍तेक्‍म हना यो, मुरपुकी मलीनीम। मेकोपुकी बेक्‍शा लाइब जन्‍तु खोदेंशो बाक्‍नीम। उपदेसक ३:१९

भजन संग्रह 49:14

मेकोपुकी भेडा खोदेंशो पा बेक्‍चा कली बाक्‍नीम। बेक्‍पाइक्‍बमी मेको आन कली दाक्‍ब। सुनी कना रिम्‍शो थुं पाइश्‍शो मुरपुकीमी मेको आन कली हुकुम पाइनीम। मेको आन बाक्‍तीके रे ङोन दुम्‍शा, आन रां तुरसुम राक्‍शा लाइनीम।

भजन संग्रह 51:4

गो इन ङोंइती ला पाप पाता। इन ङोंइती इन मदाक्‍शो पाता। गे आं कली निसाफ पा, ठीक पाइब बाक्‍नीनी। आं कली निसाफ पा सजाइ गेतीनी, गे मेको आ पर्बम दोस मताइब बाक्‍नीनी।

भजन संग्रह 73:22

गो ममिम्‍ब नु मारेइ मतुइक्‍ब बाक्‍ती। इन ङोंइती जन्‍तु खोदेंशो बाक्‍ती।

रोमी 3:4

मुर आन देंशो लोव़ मजाक्‍दीप्‍ब। परमप्रभु यावे आ देंशो चहिं गेना हना यो थमा दुम्‍ब। “इन लोव़ ठीक बाक्‍ब। इन मुर आन कली निसाफ पतीक यो ठीक बाक्‍ब” दे ब्रेक्‍शो बाक्‍ब। भजन संग्रह ५१:६; भजन संग्रह ११६:११

रोमी 9:23

मेकोमी आ ठेयब गेय कोंइचा कली का निक्‍शी आन कली शिशी पशा, गेना हना यो काथा बाक्‍शा, आ छेङछेङ कोंइ‍चा कली योव़तीमी। एफिसी १:३-१२

हिब्रू 9:27

दोपा मुर खेयप का बेक्‍चा माल्‍नीमी नु मेको बेक्‍शा, निसाफ पचा पुंइसीनीम। उत्‍पत्ती ३:१९

१ पत्रुस 1:24

परमप्रभु यावे आ देंशो लोव़ मार बाक्‍त देंशा हना, रागी ङा मुर नेल्‍ल घांस खोदेंशो बाक्‍नीम। मेको आन दार‍स बोइश्‍शो फू खोदेंशो बाक्‍ब। आ घांस सोव़ब, मिनु फू यो हेम्‍ब। याकूब १:१०-११

२ पत्रुस 2:12

मेको दूली शेंब ममिम्‍ब ग्‍याइक्‍चा नु साइक्‍चा पुंइसीचा कली जरमेशो बस्‍तु भाव खोदेंशो पा, आन तुइश्‍शो ला पाइनीम। मेकोपुकीम काइ मरुप्‍नीम। तन्‍न शुक्‍शी पाइनीम। मिनु बस्‍तु भाव खोदेंशो पा खतम दुम्‍नीम।