उपदेसक 3:11 - Sunuwar Bible

¹¹ मेकोमी मारेइ मारेइ आन कली गारपाइश्‍शा सेल्‍तु। मेकोमी गेना हना यो ब्रोंइशा बाक्‍तीके मुर आन थुंम वोइक्‍तु। मो हना यो मेकोपुकीमी परमप्रभुमी ङोंइती रे नोले सम्‍म मार पवा, मेको रुप्‍ने मचाप्‍नीम। उपदेसक ८:१७

उपदेसक 3:11 ပူးပေါင်းရင်းမြစ်များ

उत्पत्ती 1:31

मिनु परमप्रभुमी आ सेल्‍शो नेल्‍ल तशा “शुश रिम्‍शो दुम्‍त” देंमाक्‍त। मिनु नां रिक्‍शा, नां सोव़शा, मेको ६ नाक्‍त दुम्‍माक्‍त। मत्ती १९:१७; १तिमोथी ४:४

अय्‍युब 11:7

मार, गे परमप्रभु आ ख्रुइश्‍शोम मिम्‍शो तुइक्‍ने चाप्‍नीनी? गे नेल्‍ल क्‍येङा ठेयब सक्ति पाइश्‍शोम मार पने चाप्‍बा, मेको तुइक्‍ने चाप्‍नीनी?

अय्‍युब 37:23

तन्‍न गो नेल्‍ल क्‍येङा ठेयब सक्ति पाइश्‍शो कली थिन्‍ने मचाप्‍नीकी। मेको आ नेल्‍ल क्‍येङा सक्तिम गेय पाइब बाक्‍ब। मेकोमी निसाफ पशो नु ठीक पतीके गेनायो दूली मपाइब।

अय्‍युब 5:9

मेकोमी ठेयब, रुप्‍ने मचाप्‍चा ङा नु छक लाक्‍चा ङा गेय हिक्‍ने मचाप्‍चा ङा पा पाइब। अय्‍युब ९:१०

भजन संग्रह 104:24

परमप्रभु यावे, इन गेय ठेयब नु शुश बाक्‍नीम। गे जोक्‍ब तुइक्‍ब दुम्‍शा, नेल्‍ल सेल्‍तीनी। रागी नेल्‍ल इन सेल्‍शो मारेइ मारेइम ब्रीशो बाक्‍ब। उत्‍पत्ती १:३१

हितोपदेस 16:4

परमप्रभु यावेमी मारेइ मारेइ नेल्‍ल गेय पचा कली सेल्‍तु। आ अरेशो मटीब कली यो नोले ङा श्‍येत नाक्‍त कली सेल्‍तु। रोमी ९:२२

उपदेसक 1:13

गो आं जोक्‍तीक तुइक्‍तीकेम रागीमी मार मार पांइसीबा, मेको नेल्‍ल तुइक्‍चा दाक्‍ताक्‍ङ। परमप्रभुमी मुर आन कली मोदेंशो तुइक्‍चा माल्‍तीक थुं गेशा, श्‍येत गेप्‍तु।

उपदेसक 11:5

गे फश ते रे जाक्‍‍‍बा नु ममा आ कोव़जमी आल दोपा ब्रोंइतीक सोक्‍त ताइबा, मेको मतुइक्‍नेवे। मोपा मारेइ मारेइ सेल्‍ब परमप्रभु आ गेय रुप्‍ने मचाप्‍नेवे। यूहन्‍ना ३:८; भजन संग्रह १३९:१३; उपदेसक ८:१७

उपदेसक 7:13

परमप्रभु आ गेय मिम्‍तीन। मेको आ रोप्‍शो थोव़क कली सुमी दिंपाइक्‍ने चाप्‍बा ङा? उपदेसक १:१५

उपदेसक 7:23

गो मारेइ मारेइ जोक्‍तीक तुइक्‍तीकेम नाक्‍शा कोव़ता। मिनु गो “थमा पा जोक्‍ब तुइक्‍ब दुम्‍नुङ” देंती। तन्‍न रुप्‍ने मचबु।

उपदेसक 7:29

परमप्रभुमी मुर आन कली ठीक पाइब सेल्‍तु। तन्‍न मुरपुकीम आन दाक्‍शो पाइनीम” देंत। उत्‍पत्ती १:२७

उपदेसक 8:17

मिनु परमप्रभुमी पशो गेय नेल्‍ल ताता। रागीम मार दुम्‍बा, मेको सुइमी तुइक्‍ने मचाप्‍‍नी‍म। मुरपुकीमी मेको तुइक्‍चा कली शुश श्‍येत पाम्‍तेक्‍म हना यो, मेको नेल्‍ल रुप्‍ने मचाप्‍नीम। तेकोइ जोक्‍ब तुइक्‍ब मुरुमी “गो मेको तुइक्‍नुङ” देंत हना यो, मेकोम थमा पा मतुइ‍श्‍शो बाक्‍ब। उपदेसक ३:११; यसैया ५५:८-९

मत्ती 11:27

आं आफोमी मारेइ मारेइ तुइक्‍पाइक्‍ती। सुइमी आं कली, आ तौ कली मतुइक्‍नीम। आं आफोमी ला तुइक्‍ब। सुइमी आं आफ कली मतुइक्‍नीम। आ तौमी ला तुइक्‍ब। मिनु तौमी सु सु आन कली योव़ङमी, मेको आन कली आ आफ आ पर्बम तुइक्‍पाइक्‍ब। मत्ती २८:१८; यूहन्‍ना ३:३५; यूहन्‍ना १७:२; फिलिप्‍पी २:९

मत्ती 13:22

चू घारीम जुक्‍शा सुम्‍शो खोदेंशो बाक्‍त हना, लोव़ नेंब। तन्‍न दोपा ठेयब दुम्‍नुङा? दोपा क्‍येट चेमु? दे मिम्‍शा, आ थमा सुइक्‍तीके देक्‍ब। मिनु नेंशो लोव़मी फल मसिप्‍ब। मत्ती ६:१९-३४; १तिमोथी ६:९

मर्कूस 7:37

मिनु आ लोव़ नेंबपुकी थाम्‍पा छक लाक्‍शा “मेकोमी नेल्‍ल रिम्‍शो सेल्‍बाक्‍त। नोफा मनेंब आन कली नोफा नेंब सेल्‍बाक्‍त। लोव़ पस मजोक्‍ब आन कली लोव़ पाइब सेल्‍बाक्‍त” दें‍मा बाक्‍त।

रोमी 1:28

आन थुंमी “परमप्रभु यावे कली तुइक्‍चा ममाल्‍ब” दे मिम्‍ताक्‍म। मोपतीके परमप्रभु यावेमी मेको आन कली आन मरिम्‍शो मिम्‍शो पचा गेशा, प्रोंइतु।

रोमी 11:33

परमप्रभु यावेमी नेल्‍ल तुइक्‍ब। परमप्रभु यावे सक्ति पाइश्‍शो नेल्‍ल क्‍येङा ठेयब बाक्‍ब। मुरपुकीमी परमप्रभु यावे आ निसाफ पशो, मुर आन कली पाइश्‍शो, सुइमी रुम्‍ने मचाप्‍नीम। यसैया ४५:१५; यसैया ५५:८-९

ब्‍यवस्‍था 32:4

मेको सेरथे फुल्‍लु बाक्‍ब। मेको आ गेय नेल्‍ल क्‍येङा रिम्‍शो बाक्‍ब। आ लां नेल्‍ले ठीक बाक्‍नीम। मारदे हना मेको आ देंशो पाइब परमप्रभु बाक्‍ब। जोल मपाइब, कुल मकोव़ब नु ठीक पाइब बाक्‍ब।