उपदेसक 2:24 - Sunuwar Bible

²⁴ मुरुमी जचा, तूचा नु आंम गेयमी ग्‍येरशा बाक्‍चा क्‍येङा लाक्‍शा अरु मारेइ रिम्‍शो मबाक्‍ब। मेको यो परमप्रभु रे जाक्‍शो तशो बाक्‍नुङ। उपदेसक ३:१२,२२; उपदेसक ५:१७; उपदेसक ८:१५; उपदेसक ९:७

उपदेसक 2:24 ပူးပေါင်းရင်းမြစ်များ

१ राजा 4:20

यहूदा नु इस्राएल ङा मुरपुकी समुन्‍द्र ङा बाल्‍वा खोदेंशो पा शुश बाक्‍मा बाक्‍त। मेकोपुकी जशा तूशा ग्‍येरशा बाक्‍बाक्‍मा बाक्‍त। १राजा ३:८; उत्‍पत्ती १३:१६

नेहेम्‍याह 8:10

मिनु मेकोपुकीमी मुर आन कली “मुल गे नेल्‍ल लने। ब्रोव़शो ब्रोव़शो जने ब्‍वने, तूङीन। मिनु मथीब आन कली यो मार मार सोइक्‍तीने। मारदे हना मुलाक्‍ती आंइ परमप्रभु आ ठेयब नाक्‍त बाक्‍ब। हिशेक मपने। मारदे हना परमप्रभु यावे आ गेशो ग्‍येरतीकेमी इन थुं बारपाइक्‍ब” देंतेक्‍म।

उपदेसक 2:10

गो मार कोव़चा दाक्‍ङा, मेकोन कोव़ता। आं दाक्‍शो नेल्‍ल पाता। मोपा आं पशो गेय नेल्‍लेमी आं थुं कली ग्‍येरपाइक्‍तु। मेको आ श्‍येत पा पशो गेय रे ताता।

उपदेसक 2:25

मारदे हना परमप्रभु रे मजाक्‍त हना, सुम जचा नु रिम्‍शो पा बाक्‍चा ताइ‍बा ङा?

उपदेसक 2:3

गो आंम कली ग्‍येरपाइक्‍चा कली इच्‍का अङगुर शांबु तूता। मो पङानु आं थुंम बाक्‍शो जोक्‍तीक तुइक्‍तीक मला। मूर्ख आ गेय रुप्‍चा कली मोदेंशो पाता। मिनु गो मुर आन कली इच्‍का नाक्‍त रागीम ब्रोंइचा कली रिम्‍शो गेय मार बाक्‍बा, दे रुप्‍चा माल्‍ता। हितोपदेस ३१:४

उपदेसक 3:22

मोपतीके मुर नेल्‍ले आंम गेयमी ग्‍येरसीशा बाक्‍कीन। मेको नेल्‍ल क्‍‍येङा रिम्‍शो बाक्‍ब। मारदे हना मुरुमी आ नोले मार दुम्‍बा, दोपा तुइक्‍ने चाप्‍बा ङा?

उपदेसक 5:17

मुरुमी आन ब्रोंइतीक नाक्‍त सम्‍म श्‍येत पा जशा तूशा, हिंशा, रोइ पा, सुर्ता पाइनीम।

उपदेसक 6:12

मुर इच्‍का नाक्‍त ब्रोंइब बाक्‍ब, मार रिम्‍शो बाक्‍मे, मेको सुम तुइक्‍बा ङा? मुर आ नाक्‍त वांकु खोदेंशो पा लाक्‍ब। मेको बेक्‍शा लम नोले मार दुम्‍बा, दे सुम देंने चाप्‍बा ङा? १इतिहास २९:१५; भजन संग्रह १४४:४

उपदेसक 6:2

परमप्रभुमी मुर आन कली शोंप, रू नु मान ततीक गेब। मोपा मेको कली आ दाक्‍शो प‍चा कली मारेइ श्‍येत मदुम्‍ब। तन्‍न परमप्रभुम मेको कली मेको ग्‍येरशा जचा मगेथु, अर्को मुर कली ग्‍येरशा जचा गेब। मेको यो जाम्‍शा लाइब बाक्‍ब।

उपदेसक 8:15

मोपतीके गे ग्‍येरसीशा बाक्‍कीन। मारदे हना रागीमी मुर आन कली जचा तूचा नु ग्‍येरशा बाक्‍चा ङा लाक्‍शा, अरु मारेइ रिम्‍शो मबाक्‍ब। परमप्रभुमी गेशो ब्रोंइतीकेमी गिश श्‍येत बाक्‍त हना यो, मेको पने चाप्‍नीम। उपदेसक २:२४

यसैया 56:12

मेकोपुकीमी ‘जाक्‍कीन, अङगुर शांबु ग्‍याप्‍य। राकसी तूशा, दुक्‍य। दीसा यो मुलाक्‍त ङा खोदेंशो दुम्‍ब। मेको क्‍येङा यो रिम्‍शो दुम्‍ब’ देंनीम” देंत।

मलाकी 2:2

गे इन नोफा मदाइक्‍ताक्‍नी नु आं नें कली मान पचा कली ममिम्‍ताक्‍नी हना, गो इन कली सराप पाइनन्‍नी। इन कली गेशो आसीक सराप दुम्‍ब। मारदे हना गे काइ मटीब बाक्‍नीनी। गो थमा पा इन आसीक कली सराप सेल्‍नुङ। ब्‍यवस्‍था २८:१५

प्रेरित 14:17

आन दला दाक्‍स पा बाक्‍तेक्‍म हना यो, परमप्रभुमी मेको आन कली तुइक्‍पांइसीन सीन बाक्‍त। दोपा तुइक्‍पांइसीन सीन बाक्‍त देंशा हना, रेउ यिपा मार मार वापा इन कली जाक्‍दीत्‍चा ङा पा जचा नु फेक्‍चा गेशा, ग्‍येरशा बाक्‍चा गेशो बाक्‍त” देंसा बाक्‍त।

१ कोरिन्‍थी 15:32

एफिसस सहरम शेंना शेंन बाक्‍ङानु, मेकेर ङा मुरपुकीमी जोइ वां खोदेंशो पा खेदा पतीमी। मुर बेक्‍शो रे मसेंसीनीम हना, जय तू्‍य मारदे हना दीसा बेक्‍नय। यसैया २२:१३

ब्‍यवस्‍था 12:12

मिनु गेपुकी, इन तमी तौ, वाइलीम वाइल, इन सहरम बाक्‍शो आंम कली शोंप मतशो लेवी नेल्‍ल परमप्रभु यावे, इन परमप्रभु आ ङोंइती ग्‍येरसीचा माल्‍नीनी। ब्‍यवस्‍था १०:९

ब्‍यवस्‍था 12:18

तन्‍न परमप्रभु यावे, इन परमप्रभु आ ङोंइती, आ योव़शो बाक्‍तीकेमी मेको गेपुकी नु इन तमी तौ, वाइलीम वाइल नु इन सहरम बाक्‍शो लेवीपुकी नु जने ब्‍वने। गेपुकी इन पशो नेल्‍लेमी परमप्रभु यावे, इन परमप्रभु आ ङोंइती ग्‍येरसीने। ब्‍यवस्‍था १४:२३

१ तिमोथी 6:17

गे मुल शुश क्‍येट थीब आन कली “ठेयब लेश्‍शो मदुमीन। जाम्‍शा लाइब शोंप कली आस मपथु, परमप्रभु यावे कली आस पने। मारदे हना परमप्रभु यावेमी इं कली शुश तेम्‍शा गेब। आ गेशो तशा ग्‍येरसीन” दे माइक्‍मी। भजन संग्रह ६२:११; लूका १२:१५-२१