उपदेसक 2:18 - Sunuwar Bible

¹⁸ रागीमी आं श्‍येत पशो गेय नेल्‍ल आन कली गो काइ मदाक्‍तु। मारदे हना मेको गो आं नोले जाक्‍ब आन कली प्रोंइचा माल्‍नुङ। उपदेसक २:२१; भजन संग्रह ३९:७

उपदेसक 2:18 ပူးပေါင်းရင်းမြစ်များ

भजन संग्रह 17:14

परमप्रभु यावे, इन गुइमी रागी दाक्‍ब मुर आन गुइ रे प्रोंइ‍यीनी। मेकोपुकी मबेक्‍मा सम्‍म रिम्‍शो ला ताइनीम। गे मेको आन कोव़ज ब्रोव़शो थोव़कम प्रिंनीनी। मेको आन तौपुकी यो रूथ्री जाइनीमी। मिनु आन लीशो मारेइ मारेइ आन तौपुकीम ताइनीम।

भजन संग्रह 39:6

मुरपुकी वांकु खोदेंशो पा गाक्‍शो बाक्‍नीम। मेकोपुकी मोशा सुर्ता पाइनीम। शुश शोंप तेल्‍नीम। मेको सुम जाइबा मतुइक्‍नीम। भजन संग्रह ४९:१७-२१; उपदेसक २:१८-२१; लूका १२:१५-२१

भजन संग्रह 49:10

मिनु नेल्‍लेमी जोक्‍ब तुइक्‍ब मुर, मूर्ख नु मिम्‍तीक मपाइश्‍शो नेल्‍ल बेक्‍नीम, दे तुइश्‍शो बाक्‍नीम। मिनु आन शुश क्‍येट नेल्‍ल अरु आन कली प्रोंइशा लाइनीम। उपदेसक २:१६; उपदेसक ६:२

उपदेसक 1:13

गो आं जोक्‍तीक तुइक्‍तीकेम रागीमी मार मार पांइसीबा, मेको नेल्‍ल तुइक्‍चा दाक्‍ताक्‍ङ। परमप्रभुमी मुर आन कली मोदेंशो तुइक्‍चा माल्‍तीक थुं गेशा, श्‍येत गेप्‍तु।

उपदेसक 1:3

मुरुम रागीम श्‍येत पा गेय पा, मार ताइनीमी ङा? नांम दुप्‍शा श्‍येत पा गेय पा, मार दुम्‍बा ङा? उपदेसक २:२३

उपदेसक 2:11

मो हना यो मेको आं पशो गेय नेल्‍ले नु आं मार मार तचा कली श्‍येत पा पशो गेय नेल्‍ल कोव़ङुनु, मेको नेल्‍ल जाम्‍शा लाइब बाक्‍तेक्‍म। मेको नेल्‍ल फश कली खेदा पशो खोदेंशो शोर गाक्‍शो गेय ला बाक्‍तेक्‍म।

उपदेसक 2:21

मारदे हना सुइमी जोक्‍ब तुइक्‍ब दुम्‍शा शुश गेय पाप्‍तु हना यो, मेको आ पशो नेल्‍ल अरु मुर आन कली प्रोंइशा वोइक्‍चा माल्‍ब। मेको ताइब मुरुमी मेको आ पर्बम मारेइ श्‍येत मपशो बाक्‍ब। एको यो जाम्‍शा लाइब नु थम मरिम्‍शो बाक्‍ब।

उपदेसक 2:26

परमप्रभुमी आ दाक्‍शो मुर कली जोक्‍तीक तुइक्‍तीके नु रुप्‍शा ग्‍येरतीक थुं गेब। तन्‍न मरिम्‍शो पाइब आन कली खुप्‍तीक नु तेल्‍तीक गेय पपाइक्‍ब। मिनु नोले मेको नेल्‍ल आ दाक्‍शो मुर आन कली गेब। मेको यो जाम्‍शा लाइब नु फश कली खेदा पशो खोदेंशो ला बाक्‍ब। हितोपदेस १३:२२; हितोपदेस २८:८

उपदेसक 3:22

मोपतीके मुर नेल्‍ले आंम गेयमी ग्‍येरसीशा बाक्‍कीन। मेको नेल्‍ल क्‍‍येङा रिम्‍शो बाक्‍ब। मारदे हना मुरुमी आ नोले मार दुम्‍बा, दोपा तुइक्‍ने चाप्‍बा ङा?

उपदेसक 4:3

तन्‍न मेको निम्‍फा आस क्‍येङा मुल मजरमेशो मुर ग्‍येरसीशो बाक्‍ब। मारदे हना मेकोमी रागीम मरिम्‍शो दुम्‍शो मतशो बाक्‍ब। उपदेसक ६:३

उपदेसक 5:18

मिनु गो मार ताता देंशा हना, परमप्रभुमी गेशो एको इच्‍का नाक्‍ती ब्रोंइतीकेमी रागीम जचा, तूचा नु आंम श्‍येत पा पशो गेयमी ग्‍येरसीचा मुर कली रिम्‍शो बाक्‍त। मारदे हना मेकोन, मेको आ भाग बाक्‍ब।

उपदेसक 9:9

परमप्रभुमी गेशो इच्‍का नाक्‍त ब्रोंइशा बाक्‍तीकेमी आंम दाक्‍शो मीश नु ग्‍येरशा बाक्‍को। मारदे हना रागीमी इ श्‍येत पा पशो गेय ङा भाग मेको बाक्‍ब। हितोपदेस ५:१८-१९

लूका 12:20

मिनु परमप्रभु यावेमी मेको कली ‘गे मूर्ख नवे। मारदे हना मुलाक्‍दो बेक्‍नेवे। मिनु इ खुप्‍शा उप्‍शो शोंप सुम जाइबा?’ दे मदा बाक्‍त।

१ कोरिन्‍थी 3:10

परमप्रभु यावेमी आं कली रिम्‍शो दारशो खिं सेल्‍ब सेल्‍ती। मिनु आ देंशो टिशा, खिं ङा जग दोशा, बोल्‍यो पा वोइक्‍ता। मेको जग तारी अरुमी प्रोव़ना प्रोव़न लाइक्‍नीम। मेको प्रोव़बपुकीमी दोपा रिम्‍शो दुम्‍बा, मेको मिम्‍शा गेय पामेक्‍ल।