उपदेसक 2:17 - Sunuwar Bible

¹⁷ मोपतीके गो ब्रोंइचा मदाक्‍तु। मारदे हना रागीमी पशो गेय नेल्‍ल श्‍येत ला बाक्‍त। मेको नेल्‍ल जाम्‍शा लाइब बाक्‍तेक्‍म। मेको फश कली खेदा पशो खोदेंशो ला बाक्‍त।

उपदेसक 2:17 ပူးပေါင်းရင်းမြစ်များ

१ राजा 19:4

मिनु आं चहिं काबु ङा लां ङोन गोरशो रागीम ओव़माक्‍त। मिनु मेको बुटा आगाम निश्‍शा, परमप्रभु यावे कली “मुल नुप्‍त। आ सोक्‍त ब्रने। मारदे हना गो आं किकी पिपी आन क्‍येङा रिम्‍शो मनङ” देंमाक्‍त। अय्‍युब ७:१५; योना ४:३

अय्‍युब 14:13

गे आं कली बेक्‍शो मुर आन बाक्‍तीकेम ख्रुइक्‍तीन। इन गाइश्‍शो मनाइक्‍तीनी सम्‍म आं कली ख्रुइक्‍तीन। मिनु नोले आं कली फ्रुक्‍शा, गो नु ग्रुम्‍तीक नाक्‍त का वोतीन। यसैया २६:२०

भजन संग्रह 89:47

परमप्रभु, आं ब्रोंइशा बाक्‍तीक नाक्‍त इच्‍का ला बाक्‍ब। गे मुर नेल्‍ल आन कली जाम्‍शा लाइब सेल्‍शो बाक्‍नीनी।

उपदेसक 1:14

गो रागीमी पशो गेय नेल्‍ल ताता। मेको नेल्‍ल जाम्‍शा लाइब बाक्‍नीम। मेको फश कली खेदा पशो खोदेंशो बाक्‍ब।

उपदेसक 1:17

गो जोक्‍तीक तुइक्‍तीक रुप्‍चा, बौला दुम्‍तीक नु मूर्ख दुम्‍तीक तुइक्‍चा थुं पाता। तन्‍न मेको दा फश कली खेदा पशो खोदेंशो ला बाक्‍त, दे तुइक्‍ताक्‍ङ। उपदेसक २:१२; उपदेसक ७:२५

उपदेसक 2:11

मो हना यो मेको आं पशो गेय नेल्‍ले नु आं मार मार तचा कली श्‍येत पा पशो गेय नेल्‍ल कोव़ङुनु, मेको नेल्‍ल जाम्‍शा लाइब बाक्‍तेक्‍म। मेको नेल्‍ल फश कली खेदा पशो खोदेंशो शोर गाक्‍शो गेय ला बाक्‍तेक्‍म।

उपदेसक 2:22

मुरुमी रागीम बाक्‍शा शुश श्‍येत गेय पा, मार ताइनीमी ङा?

उपदेसक 3:16

मिनु गो रागीम अर्को का यो ताता। मार ताता देंशा हना, ठीक निसाफ पतीक आ पा ङा काइ मरिम्‍शो पतीक बाक्‍बाक्‍त। ठीक पतीक आ पा ङा जोल पतीक बाक्‍बाक्‍त।

उपदेसक 4:2

बेक्‍शो मुर, ब्रोंइशो आन क्‍येङा ग्‍येरसीशो बाक्‍नीम, दे तुइक्‍ताक्‍ङ।

उपदेसक 4:3

तन्‍न मेको निम्‍फा आस क्‍येङा मुल मजरमेशो मुर ग्‍येरसीशो बाक्‍ब। मारदे हना मेकोमी रागीम मरिम्‍शो दुम्‍शो मतशो बाक्‍ब। उपदेसक ६:३

उपदेसक 6:9

मार मार माल्‍नुङ, दे शुश मिम्‍चा क्‍येङा आ तशोम ग्‍येरसीशा बाक्‍चा रिम्‍शो बाक्‍ब। मेको यो जाम्‍शा लाइब नु फश कली खेदा पशो खोदेंशो बाक्‍ब।

इजीकीएल 3:14

मिनु सोक्‍तीम आं कली क्‍युक्‍शा लाइक्‍ती। मिनु गो कशो थुं दुम्‍शा, गाइश्‍शा लती। मेना परमप्रभु यावे आ बोल्‍यो गुइम आं कली दिप्‍ती।

योना 4:3

मुल परमप्रभु यावे, आं कली साइय्‍यीनी। मारदे हना गो ब्रोंइचा क्‍येङा बेक्‍चा दाक्‍नुङ” दे परमप्रभु यावे नु लोव़ पवा बाक्‍त। १राजा १९:४

योना 4:8

मिनु नां दाम्‍मेनु, परमप्रभुमी योना आ बाक्‍तीकेम पूर्ब रे होश फश सोइक्‍ता बाक्‍त। मिनु नांमी योना आ पिया नाप्‍शा, योना ओले पेते दुम्‍शा, गोल्‍माक्‍त। मिनु योनामी “ब्रोंइचा क्‍येङा बेक्‍चा दाक्‍नुङ” देंमाक्‍त।

हबकुक 1:3

गे मारदे आं कली मरिम्‍शो पशो तपाइक्‍नीनी? गे मारदे आं कली श्‍येत जशो तपाइक्‍नीनी? खतम सेल्‍तीके नु जिचा पोक्‍तीक आं ङोंइती बाक्‍नीस। तेइ तेइ राम्‍शी पचा नु जिचा ला पोक्‍नीम।

गन्‍ती 11:15

मिनु गे आं कली ओदेंशो पाइक्‍तीनी। मिनु गो इन शिशी ताता हना, साइय्‍यीनी। मिनु गो आं खतम दुम्‍तीके तचा ममाल्‍नुङ” देंत। प्रस्‍थान ३२:३२