उपदेसक 2:16 - Sunuwar Bible

¹⁶ मारदे हना जोक्‍ब तुइक्‍ब नु मूर्ख निम्‍फा आस कली नोले सुइम ममिम्‍नीम। मेको निम्‍फा आस कली प्रेंसीब। जोक्‍ब तुइक्‍ब दोदेंशो पा बेक्‍बा, मूर्ख यो मोदेंशो पा बेक्‍‍ब। भजन संग्रह ४९:११

उपदेसक 2:16 ပူးပေါင်းရင်းမြစ်များ

२ सामुएल 3:33

मिनु पिपमी आब्‍नेर आ पर्बम रोंका पशो कुम्‍सो सेला बाक्‍त। मेकोमी “मार, आब्‍नेर परमप्रभु यावे आ अरेशो मटीब खोदेंशो दुम्‍शा, बेक्‍चा माल्‍दा?

भजन संग्रह 103:16

मिनु फश पवानु, मेको जाम्‍शा लाइब। मिनु आ बाक्‍तीक यो मतुइक्‍ब।

भजन संग्रह 49:10

मिनु नेल्‍लेमी जोक्‍ब तुइक्‍ब मुर, मूर्ख नु मिम्‍तीक मपाइश्‍शो नेल्‍ल बेक्‍नीम, दे तुइश्‍शो बाक्‍नीम। मिनु आन शुश क्‍येट नेल्‍ल अरु आन कली प्रोंइशा लाइनीम। उपदेसक २:१६; उपदेसक ६:२

भजन संग्रह 88:12

मार, इन छक लाक्‍चा ङा गेय छिङछिङमी तुइक्‍नीमी? इन श्‍येत रे प्रोंइतीके बेक्‍शो मुर आन दातेमी तुइक्‍नीमी ङा?

प्रस्‍थान 1:6

मिनु नोले योसेफ नु मेको आ लोक्‍ब आन पाला ङा मुर नेल्‍ल बेक्‍मा बाक्‍त। उत्‍पत्ती ५०:२६

प्रस्‍थान 1:8

मिनु नोले योसेफ कली मतुइक्‍ब पिप काम इजीप्‍त रागी कली सासन पवा बाक्‍त।

हितोपदेस 14:8

निप्‍स पाइश्‍शो मुर आन तुइक्‍‍तीकेमी तेको लां गाक्‍चा माल्‍नीमी तुइक्‍नीम। तन्‍न मूर्ख आन मूर्ख पतीकेमी हेंथे लां कोंइब।

उपदेसक 1:11

साइ ङोंइती ङा मुर आन कली सुइम ममिम्‍नीम। मिनु मुल जाक्‍ब मुर कली नोले ङा मुरुम यो ममिम्‍नीम।

उपदेसक 2:14

रुप्‍ब मुर मारेइ मारेइ ताइनीम। तन्‍न मूर्ख चहिं छिङछिङमी गाक्‍नीम। तन्‍न नोले मेको नेल्‍ल खाल का पा लाइनीम।

उपदेसक 2:15

मिनु मूर्ख कली दुम्‍तीक आं कली यो दुम्‍ब। गो मारदे जोक्‍ब तुइक्‍ब दुम्‍ङा? मिनु गो आंमा कली ‘मेको यो जाम्‍शा लाइब बाक्‍ब’ ” देंती।

उपदेसक 6:8

मूर्ख मुर क्‍येङा जोक्‍ब तुइक्‍ब मारम रिम्‍शो बाक्‍नीमी? प्रुङग मुर अर्को आन ङोंइती रिम्‍शो पस जोक्‍शा, मार ताइबा ङा?

उपदेसक 7:2

भोज जतीक खिंम लचा क्‍येङा रोंका प‍शो खिंम ल‍चा रिम्‍शो बाक्‍ब। मारदे हना मुर नेल्‍ल मोदेंशो पा लाइनीम। मिनु मुल सम्‍म ब्रोंइशो मुरपुकीमी मेको आ पर्बम मिम्‍नीम।

उपदेसक 8:10

मिनु गो परमप्रभु आ अरेशो मटीब मुर थिम्‍चा पुंइसीशो ताता। ठीक पाइब चहिं परमप्रभु आ सहर रे ग्रुंइचा पुंइसीशो बाक्‍तेक्‍म। मिनु सहरमी सुइमी मेको आन कली ममिम्‍बाक्‍तेक्‍म। मेको यो जाम्‍शा लाइब बाक्‍ब।

उपदेसक 9:15

मेको सहरमी जोक्‍ब तुइक्‍ब प्रुङग मुर का बाक्‍माक्‍‍त। मिनु मेकोमी आ जोक्‍तीक तुइक्‍तीकेमी मेको सहर कली प्रोना बाक्‍त। तन्‍न मेको प्रुङग मुर कली सुइमी ममिम्‍‍तमे बाक्‍त।

उपदेसक 9:5

ब्रोंइशा बाक्‍शोपुकीम “गो बेक्‍नीकी” दे तुइश्‍शो बाक्‍नीम। तन्‍न बेक्‍शोपुकीम मारेइ मतुइक्‍नी‍म। मेको आन कली मारेइ इनाम मबाक्‍ब। मेको आन कली मिम्‍तीक यो जाम्‍शा लाइब।

मलाकी 3:16

मिनु परमप्रभु यावे क्‍येङा हिंब आन दातेमी लोव़ पाम्‍तेक्‍म। मिनु परमप्रभु यावेमी नोफा दाइश्‍शा, मेको आन लोव़ नेंतु। मिनु आ ङोंइती आ कली मान पा हिंब, आ नें ठेयब सेल्‍ब आन पर्बम मिम्‍तीक किताब ब्रेक्‍शो बाक्‍त।

हिब्रू 9:27

दोपा मुर खेयप का बेक्‍चा माल्‍नीमी नु मेको बेक्‍शा, निसाफ पचा पुंइसीनीम। उत्‍पत्ती ३:१९