उपदेसक 2:14 - Sunuwar Bible

¹⁴ रुप्‍ब मुर मारेइ मारेइ ताइनीम। तन्‍न मूर्ख चहिं छिङछिङमी गाक्‍नीम। तन्‍न नोले मेको नेल्‍ल खाल का पा लाइनीम।

उपदेसक 2:14 ပူးပေါင်းရင်းမြစ်များ

भजन संग्रह 19:10

मेको सुन क्‍येङा यो शुश माल्‍चा ङा, क्‍येख सुन क्‍येङा यो क्‍येट लाइब खोदेंशो बाक्‍ब। मेको चाका रे याप्‍शो खुदो क्‍येङा यो जिज बाक्‍ब।

भजन संग्रह 49:10

मिनु नेल्‍लेमी जोक्‍ब तुइक्‍ब मुर, मूर्ख नु मिम्‍तीक मपाइश्‍शो नेल्‍ल बेक्‍नीम, दे तुइश्‍शो बाक्‍नीम। मिनु आन शुश क्‍येट नेल्‍ल अरु आन कली प्रोंइशा लाइनीम। उपदेसक २:१६; उपदेसक ६:२

भजन संग्रह 49:11

मिनु आन तुरस गेना हना यो मेको आन खिं दुम्‍ब। मोदेंशो पाला नेल्‍ल आन कली दुम्‍ब। मिनु मेकोपुकीमी आन नें आन रू कली वोइश्‍शो बाक्‍तेक्‍म हना यो, मोदेंशो दुम्‍नीम।

हितोपदेस 14:8

निप्‍स पाइश्‍शो मुर आन तुइक्‍‍तीकेमी तेको लां गाक्‍चा माल्‍नीमी तुइक्‍नीम। तन्‍न मूर्ख आन मूर्ख पतीकेमी हेंथे लां कोंइब।

हितोपदेस 17:24

रुप्‍ब मुरुम आ तुइक्‍तीके माल्‍‍ब। तन्‍न मूर्खमी रागी आ सुर सम्‍म कोव़शो बाक्‍ब। हितोपदेस ४:२५

उपदेसक 2:16

मारदे हना जोक्‍ब तुइक्‍ब नु मूर्ख निम्‍फा आस कली नोले सुइम ममिम्‍नीम। मेको निम्‍फा आस कली प्रेंसीब। जोक्‍ब तुइक्‍ब दोदेंशो पा बेक्‍बा, मूर्ख यो मोदेंशो पा बेक्‍‍ब। भजन संग्रह ४९:११

उपदेसक 3:19

मुर नु बस्‍तु भाव आन लां खाल का ङा बाक्‍ब। मेको खाल का ङा पा बेक्‍नीम। का दोपा बेक्‍बा, अर्को यो मोपान बेक्‍ब। मेको नेल्‍ल खाल का ङा पा सोक्‍त कीनीम। मुर आन ततीके बस्‍तु भाव आन क्‍येङा रिम्‍शो मबाक्‍ब। मारदे हना नेल्‍ल जाम्‍शा लाइब बाक्‍नीम। भजन संग्रह ४९:१३,२१

उपदेसक 6:6

मेको मुर हजार का बर्स ब्रोंइ‍शा यो आ दाक्‍शो पने मचाप्‍तु हना, मेको मार नाइक्‍चा ताइबा ङा? मेको नेल्‍ल मबेक्‍नीमी ङा?

उपदेसक 6:8

मूर्ख मुर क्‍येङा जोक्‍ब तुइक्‍ब मारम रिम्‍शो बाक्‍नीमी? प्रुङग मुर अर्को आन ङोंइती रिम्‍शो पस जोक्‍शा, मार ताइबा ङा?

उपदेसक 7:2

भोज जतीक खिंम लचा क्‍येङा रोंका प‍शो खिंम ल‍चा रिम्‍शो बाक्‍ब। मारदे हना मुर नेल्‍ल मोदेंशो पा लाइनीम। मिनु मुल सम्‍म ब्रोंइशो मुरपुकीमी मेको आ पर्बम मिम्‍नीम।

उपदेसक 8:1

जोक्‍ब तुइक्‍ब मुर खोदेंशो सु बाक्‍बा? एको लोव़ आ अर्थ सुम तुइ‍क्‍बा ङा? जोक्‍तीक तुइक्‍तीकेमी मुर आन कुल हाक्‍शो सेल्‍ब। मिनु मेको आ किक्‍शो कुल फाइश्‍शा रिम्‍शो सेल्‍ब।

उपदेसक 9:11

गो रागीमी अर्को थोव़क का यो त‍शो बाक्‍नुङ। रीब पा दोरब मग्रा‍ब। सक्ति पाइश्‍शो लडाइ पाइबमी लडाइ मग्रा‍ब। जोक्‍ब तुइक्‍बमी जचा मताइब। शुश निप्‍स पाइश्‍शो मुरुमी क्‍येट मचेम्‍ब। जोक्‍ब मुरुमी मान मताइब। तन्‍न नेल्‍लेमी आन गेय पतीक ना नु रागी दोपा बाक्‍बा, मुर आन गेय दुम्‍बा देय मदुम्‍बा मेको ताइ‍नीम। हितोपदेस १६:९

उपदेसक 9:16

मिनु गो “सक्ति क्‍येङा जोक्‍तीक तुइक्‍तीक ठेयब बाक्‍ब” देंती। तन्‍न मेको प्रुङग मुर आ जोक्‍तीक तुइक्‍तीक कली आइक्‍च मिम्‍ताक्‍म। मेको आ लोव़ कली सुइमी यो ममिम्‍तेम।

१ यूहन्‍ना 2:11

सु चहिं आ लोक्‍ब आन कली मदाक्‍बा, मेको मुर छिङछिङमी गाक्‍ब। मिनु ते लाइबा मतुइक्‍ब। छिङछिङमी मेको कली मिक्‍च मताइब सेल्‍ब।