उपदेसक 2:13 - Sunuwar Bible

¹³ मिनु गो मार ताता देंशा हना, दोपा छिङछिङ क्‍येङा छेङछेङ रिम्‍शो बाक्‍बा, मोपान मूर्ख दुम्‍चा क्‍येङा जोक्‍तीक तुइक्‍तीक रिम्‍शो बाक्‍ब।

उपदेसक 2:13 ပူးပေါင်းရင်းမြစ်များ

भजन संग्रह 119:105

इन लोव़ आं खोइली कली छेङछेङ बाक्‍ब, आं लां तचा कली रांको खोदेंशो बाक्‍ब। २पत्रुस १:१९

भजन संग्रह 119:130

इन लोव़ नेंशोनु, रुप्‍तीक थुं गेब। मतुइक्‍ब आन कली तुइक्‍ब सेल्‍ब।

हितोपदेस 14:8

निप्‍स पाइश्‍शो मुर आन तुइक्‍‍तीकेमी तेको लां गाक्‍चा माल्‍नीमी तुइक्‍नीम। तन्‍न मूर्ख आन मूर्ख पतीकेमी हेंथे लां कोंइब।

हितोपदेस 16:16

क्‍येख सुन तचा क्‍येङा तुइक्‍‍तीक तचा रिम्‍शो बाक्‍ब। चांदी तचा क्‍येङा रुप्‍‍तीक तचा रिम्‍शो बाक्‍ब।

उपदेसक 10:10

खा महेश्‍शो बाक्‍त हना, मेको कली शुश बोल माल्‍ब। तन्‍न जोक्‍तीक तुइक्‍तीकेम मेको कली रिम्‍शो सेल्‍ब।

उपदेसक 11:7

हाम्‍सो रिम्‍शो बाक्‍ब। मुरुमी नां कली तचा दाक्‍ब।

उपदेसक 7:19

जोक्‍तीक तुइक्‍तीकेमी जोक्‍ब तुइक्‍ब मुर कली सहर ङा १० जना हुकुम पाइब आन क्‍येङा यो सक्ति पाइश्‍शो सेल्‍ब।

उपदेसक 9:16

मिनु गो “सक्ति क्‍येङा जोक्‍तीक तुइक्‍तीक ठेयब बाक्‍ब” देंती। तन्‍न मेको प्रुङग मुर आ जोक्‍तीक तुइक्‍तीक कली आइक्‍च मिम्‍ताक्‍म। मेको आ लोव़ कली सुइमी यो ममिम्‍तेम।

उपदेसक 9:18

लडाइ पतीक या क्‍येङा जोक्‍तीक तुइक्‍तीक रिम्‍शो बाक्‍ब। तन्‍न पाप पाइब कामी शुश रिम्‍शो गेय आन कली खतम सेल्‍ब।

मलाकी 3:18

मेको नाक्‍त ठीक पाइब नु परमप्रभु आ अरेशो मटीब खाल का ङा मदुम्‍नीम। मेको ताइनीनी। परमप्रभु कली गेय पाइब नु गेय मपाइब खाल का ङा मदुम्‍नीम। मेको यो ताइनीनी” देंत।

मत्ती 6:23

मिक्‍च ब्राब्रा दुम्‍शो बाक्‍त हना, इन रां नेल्‍ल छिङछिङ दुम्‍‍ब। इन रां ङा छेङछेङ नेल्‍ल छिङछिङ दुम्‍त हना, शुश छिङछिङ दुम्‍ब। यूहन्‍ना ११:१०

एफिसी 5:8

गेपुकी यो ङोंइती छिङछिङ ङा गेय पाइब बाक्‍तीनी। मुल चहिं प्रभु कली थमा सुइश्‍शा, छेङछेङ ङा गेय पाइब दुम्‍तीनी। मोपतीके गेपुकी छेङछेङ ङा तमी तौ खोदेंशो दुम्‍शा बाक्‍कीन। एफिसी २:१; १पत्रुस २:९; मत्ती ५:१४; यूहन्‍ना १२:३६; १थिस्‍सलोनिकी ५:५