उपदेसक 12:5 - Sunuwar Bible

⁵ मुरपुकी लाइश्‍शो खिं ङोइक्‍चा नु लांम श्‍येत दुम्‍बा कों, दे हिंनीमी। बदाम बोइश्‍शा सिप्‍ब। घांस ब्‍वाइब माले आ कोव़जमी ग्रे‍शा गाक्‍ब। मारेइ ममाल्‍ब दुम्‍चा क्‍येङा ङोंइती इ कली सेल्‍ब परमप्रभु कली मिम्‍तो। मारदे हना मुर नेल्‍ल बेक्‍नीम। मिनु रोंका पाइब लांम गाक्‍नीम।

उपदेसक 12:5 ပူးပေါင်းရင်းမြစ်များ

उत्पत्ती 42:38

मेकोमी “आं तौ गे नु लचा मगेनुङ। आ लोक्‍ब बेक्‍त, आ का ला बाक्‍ब। मेको कली लांमी मार मार दुम्‍ने चाप्‍ब। बेक्‍त हना, गेपुकीमी चां बोइश्‍शो आं कली ठेयब श्‍येत जपाइश्‍शा तुरसुम वोइक्‍चा माल्‍नीनी” दे याकूबम आ तौ आन कली माइक्‍मी बाक्‍त।

उत्पत्ती 44:29

मिनु गे एको कली यो लाइक्‍तीनी हना, लांम बेक्‍बा कों, बेक्‍त हना, गे आं बोइश्‍शो चां श्‍येतम प्रिंशा, तुरसुम वोइक्‍चा माल्‍नीनी’ दे लोव़ पाप्‍तु। उत्‍पत्ती ४२:३८

उत्पत्ती 44:31

मेको तशा, आ आफ बेक्‍ब। मिनु गोपुकीमी आंइ आफ, चां बोइश्‍शो इन गेय पाइब कली सुर्ता पपाइश्‍शा, श्‍येत जपाइश्‍शा तुरसुम वोइक्‍चा माल्‍नीकी।

अय्‍युब 15:10

मिनु खाल्‍पा नु खूशोपुकी गो नु बाक्‍नीमी। इन आफ क्‍येङा यो खूशो मुर गोपुकी नु बाक्‍नीम।

अय्‍युब 17:13

गो आं आस पशो खिं बेक्‍शो मुर आन बाक्‍तीक बाक्‍त हना, आं ब्राख्‍ये छिङछिङम सेल्‍ता हना यो,

अय्‍युब 30:23

गे आं कली साइक्‍नीनी, गो मेको तुइश्‍शो बाक्‍नुङ। ब्रोंइशो नेल्‍ल मेको लां लाइनीम।

भजन संग्रह 71:18

परमप्रभु, गो खूशो दुम्‍शा, आं चां बोइक्‍म सम्‍म यो, आं कली मप्रोंइयीनी। मिनु गो आं नोले ङा पाला ङा मुर आन कली इन सक्ति नु इन ठीक पतीके आ पर्बम शेंनुङ। यसैया ४६:४

हितोपदेस 16:31

बोइश्‍शो चां मान ततीक सिरपेच खोदेंशो बाक्‍ब। मेको ठीक पाइब मुर आन लांम ला थीसीब। हितोपदेस २०:२९

हितोपदेस 20:29

ठिटा आन दारस आन बोल्‍यो रां बाक्‍ब। मिनु खाल्‍पा आन दारस आन बोइश्‍शो चां बाक्‍ब।

उपदेसक 9:10

इ ङोंइती मार गेय बाक्‍मे, मेको इ सक्ति नेल्‍लेमी पावो। मारदे हना बेक्‍शो मुर आन बाक्‍तीकेम मारेइ मिम्‍तीके, जोक्‍तीके नु तुइक्‍तीके मबाक्‍ब।

यसैया 46:4

गेपुकी खूशो दुम्‍नी सम्‍म गो खाल का ङा बाक्‍नुङ। इन चां बोइक्‍म सम्‍म यो इन कली कुरनन्‍नी। गो इन कली सेल्‍शा, कुरनुङ। इन कली कुरशा, पाप रे प्रोंइनन्‍नी। भजन संग्रह ७१:१८

येरमीया 1:11

मिनु परमप्रभु यावेमी आं कली “येरमीया, गे मार, तवी?” देंत। मिनु गो “देसी बदाम रवा आ राशी का ताता” देंती।

येरमीया 9:16

गो मेको आन कली रागी रागी ङा मुर आन दातेमी फ्राइनुङमी। मेकेर आन मतुइश्‍शो नु आन किकी पिपी आन मतुइश्‍शो मुर बाक्‍नीम। मिनु गो मेको आन कली मसदुमी सम्‍म मेको आन नो‍नोले तरवार सोइक्‍नुङ” देंत। लेवी २६:३३

लेवी 19:32

गे खूशो आ ङोंइती बोक्‍कीन। खाल्‍पी खाल्‍पा आन कली मान पने। मिनु इन परमप्रभु कली मान पा हिनीन। गो परमप्रभु यावे नङ।

हिब्रू 9:27

दोपा मुर खेयप का बेक्‍चा माल्‍नीमी नु मेको बेक्‍शा, निसाफ पचा पुंइसीनीम। उत्‍पत्ती ३:१९