उपदेसक 12:1 - Sunuwar Bible

¹ इ ठिटा बाक्‍ना बाक्‍न इ कली सेल्‍ब कली मिम्‍तो। श्‍येत जतीक नाक्‍ती नु इ खूशो दुम्‍तीक बर्स जाक्‍मेनु “गो मेको नाक्‍त मदाक्‍नुङ” देंचा क्‍येङा ङोंइती मिम्‍तो।

उपदेसक 12:1 ပူးပေါင်းရင်းမြစ်များ

उत्पत्ती 39:2

मिनु परमप्रभु यावे योसेफ नु बाक्‍शो बाक्‍माक्‍त। योसेफ इजीप्‍त ङा होव़प आ खिंम बाक्‍मेनु, मार मार पवा, मेको नेल्‍ल रिम्‍शो दुम्‍शा लमाक्‍त। उत्‍पत्ती २६:२४

उत्पत्ती 39:23

मेको जेल्‍खान ङा कोव़ब मुरुमी योसेफ आ पशो यो मकोव़ङा बाक्‍त। मारदे हना परमप्रभु यावे मेको नु बाक्‍शो तुइक्‍ता बाक्‍त। मेको नेल्‍ल रिम्‍शो पाइब, दे थमा सुदा बाक्‍त। मिनु परमप्रभु यावे मेको नु बाक्‍मेनु, आ गेय नेल्‍ल रिम्‍शो दुम्‍माक्‍त।

२ सामुएल 19:35

मुल गो ८० बर्स दुम्‍ती। मुल गो रिम्‍शो नु मरिम्‍शो दोपा तुइक्‍नुङा? आं जशो तूशो ब्रोव़शो नु मब्रोव़शो मारेइ मतुइक्‍नुङ। वोंइश मुर मीश मरुम कुम्‍सो पशो, गो नेंने मचाप्‍नुङ। मोपतीके गो आं प्रभु पिप इन कली मारदे श्‍येत तेम्‍नुङा?

२ सामुएल 19:36

गो इन गेय पाइ‍ब यर्दन आइक्‍ची हांबु इच्‍का सम्‍म पिप इन नु लाइ‍नुङ। पिपमी आं कली मारदे ओदेंशो रिम्‍शो इनाम गेयीनी?

१ राजा 14:13

मिनु इस्राएली नेल्‍लेमी मेको आ पर्बम रोंका पा, मेको कली थिम्‍नीम। मारदे हना मेको का ला रिम्‍शो पा थिम्‍चा पुंइसीब बाक्‍त। परमप्रभु यावे, इस्राएली आन परमप्रभुमी मेको आल कली दाक्‍ताक्‍व।

१ राजा 18:12

गो इन कली प्रोनु चोटी परमप्रभु यावे आ सोक्‍तीम इन कली लाइक्‍ब। मिनु गो लशा आहाब कली मो देंङानु, मेकोमी इन कली मथित्‍तु हना, आं कली साइक्‍ब। मो हना यो, गो, इन गेय पाइब, आं आल रेन परमप्रभु यावे कली मान पा हिंशा, थमा सुइक्‍ब बाक्‍नुङ।

नेहेम्‍याह 4:14

मिनु गो मेको आन कली हिंशो तशा “महिनीन। नेल्‍ल क्‍येङा ठेयब नु मान पा हिंचा माल्‍शो परमप्रभु कली मिम्‍तीन। मिनु आंम लोक्‍ब, तमी तौ, मीश नु आंम खिं आ पर्बम लडाइ पने” दे ठेयब मुरपुकी, सासन पाइबपुकी नु मुर नेल्‍ल आन कली माइक्‍ता‍मी। नेहेम्‍याह १:५

अय्‍युब 30:2

मेको आन गेय आं कली शोर गाक्‍शो बाक्‍त। मारदे हना मेको आन सक्ति ग्‍युम्‍ने थुम्‍शो बाक्‍‍त।

भजन संग्रह 119:55

परमप्रभु यावे, गो नाक्‍दो इन कली मिम्‍शा, इन अरेशो लोव़ पाइनुङ।

भजन संग्रह 34:11

आलपुकी, एक जाक्‍कीन। मिनु आं लोव़ नेनीन। गो इन कली परमप्रभु यावे कली मान पा हिंतीके आ पर्बम शेंनन्‍नी।

भजन संग्रह 63:6

गो आं ब्राख्‍येम बाक्‍ङानु, इन कली मिम्‍नुङ। मिनु नाक्‍दो यो इन कली मिम्‍शा बाक्‍नुङ। येरमीया २६:९

भजन संग्रह 90:10

आंइ ब्रोंइतीके ७० बर्स ला बाक्‍ब। बोल पा ब्रोंइतक हना, ८० बर्स सम्‍म ब्रोंइनीकी। मो हना यो आंइ ब्रोंइतीक नाक्‍ती नेल्‍ल श्‍येत नु मरिम्‍शो दुम्‍तीके ला बाक्‍ब। ब्रोंइतीक नाक्‍ती रीब पा नुप्‍ब। मिनु गो बेक्‍शा लाइनीकी। उपदेसक १:३

हितोपदेस 22:6

इ तौ कली गारचा ङा पा रिम्‍शो शेंदो। मेकोमी खाल्‍पा दुम्‍चा सम्‍म मेको लां मप्रोंइब। हितोपदेस २०:११

हितोपदेस 8:17

सुमी आ कली दाक्‍नीमी, गो यो मेको आन कली दाक्‍नुङ। सुम आं कली शुश माल्‍नीमी, मेकोमी आं कली थित्‍नीम।

उपदेसक 11:10

मोपतीके सुर्ता पतीक कली इ थुं रे पा ङोन वोतो। मिनु मरिम्‍शो नेल्‍ल इ रां रे ङोन वोतो। मारदे हना ठिटा दुम्‍तीके नु बोल यो जाम्‍शा लाइब बाक्‍ब।

उपदेसक 11:2

गे इं के बाक्‍शो क्‍येट ७, ८ जना आन कली वोइक्‍चा गे‍मी। मारदे हना रागीम दोदेंशो ठेयब श्‍येत जाक्‍बा, मेको गे मतुइक्‍नेवे।

उपदेसक 11:8

मुर शुश बर्स ब्रोंइत हना यो, मेको आ ब्रोंइतीकेमी ग्‍येरसेक्‍ल। तन्‍न मेकोमी छिङछिङ ङा नाक्‍त कली यो मिम्‍तल। मारदे हना मेको शुश बाक्‍नीम। मुल दुम्‍ब मारेइ मारेइ जाम्‍शा लाइब बाक्‍नीम।

यसैया 26:8

परमप्रभु यावे, गो इन निसाफ पतीके कली रिम्‍नीकी। आंइ थुं नेल्‍लेमी इन नें नु इन कली मिम्‍शा बाक्‍नीकी।

बिलाप 3:27

ठिटा बाक्‍शो ना आंम जुवा कुरचा रिम्‍शो दुम्‍ब।

दानीएल 1:17

मिनु परमप्रभुमी मेको ४ जना आन कली नेल्‍ल ब्रेक्‍तीकेमी नु तुइक्‍तीकेमी जोक्‍ब तुइक्‍ब सेला बाक्‍त। मिनु दानीएल कली मार पचा, दे ततीके नु ङोमु रुप्‍तीक थुं यो गेप्‍तु। इजीकीएल २८:३

होसे 7:9

अर्को रागी ङा मुरपुकीमी मेको आ बोल नुप्‍पाइक्‍नीम। तन्‍न मेकोमी मतुइक्‍ब। मेको आ चां का निक्‍शी बोइश्‍शो बाक्‍ब। तन्‍न मेकोमी मतुइक्‍ब।

लूका 1:15

मारदे हना मेको परमप्रभु आ ङोंइती ठेयब दुम्‍ब। मेकोमी शांबु राकसी मतूब। मेको कोव़जम बाक्‍मेनुन, परमप्रभु यावे आ सोक्‍तीम ब्रीशो बाक्‍ब। न्‍यायाधीस १३:४-५

लूका 18:16

तन्‍न येसुमी मेको आन कली ब्रेश्‍शा “आल आन कली आं बाक्‍तीके चाक्‍चा मतेक्‍कीन। मारदे हना परमप्रभु यावे आ राज्‍य आल आन केन बाक्‍ब।

एफिसी 6:4

गे आफपुकी, इन आल आन कली मगाइक्‍पतीन। तन्‍न मेको आन कली रिम्‍शो थुल्‍शा कोल्‍पतीन। मिनु मेको आन कली शेंशा, प्रभु सु बाक्‍बा मेको तुइक्‍पतीन। ब्‍‍यवस्‍था ६:२०-२५

ब्‍यवस्‍था 8:18

तन्‍न परमप्रभु यावे, इन परमप्रभुमी आंइ कली शोंप चेम्‍तीक सक्ति गेप्‍तु, दे मिम्‍तीन। मेकोमी इन किकी पिपी नु कसम जशा पशो कबल गेना हना यो लीपाइक्‍ब। मोदेंशो पा मुलाक्‍त बाक्‍ब, दे तुइक्‍नीनी। ब्‍यवस्‍था ४:३१

२ तिमोथी 3:15

गे आल रे ना परमप्रभु यावे आ लोव़ तुइश्‍शो बाक्‍नेवे। मेको लोव़मी ख्रीस्‍त येसु कली थमा सुइश्‍शा “दोपा पाप रे प्रोंइचा” दे इ कली शेंने चाप्‍ब। यूहन्‍ना ५:३९

१ सामुएल 1:28

मोपतीके गो एको कली परमप्रभु यावे कली जिम्‍मा गेनुङ। एको ब्रोंइशा बाक्‍म सम्‍म परमप्रभु यावे कली जिम्‍मा गेंसीशो बाक्‍ब” देंमाक्‍त। मिनु मेकोपुकी यो परमप्रभु यावे आ ङोंइती बाप्‍शा, मेको कली ठेयब सेल्‍मे बाक्‍त। १सामुएल १:११

१ सामुएल 16:7

तन्‍न परमप्रभु यावेम मेको कली “मेको दारशो नु लाइश्‍शो बाक्‍त हना यो, मेको कली ममिम्‍तो। गो मेको कली पिप मसेल्‍नुङ। गो, परमप्रभु यावेम मुरुम खोदेंशो पा मकोव़नुङ। मुरुम रां दारशो कोव़शा मिम्‍नीम। गो मुर आ थुं कोव़नुङ” देंमाक्‍त। येरमीया १७:१०; प्रकाश २:२३; प्रेरित १०:३४

१ सामुएल 2:18

मिनु सामुएल परमप्रभु यावे आ ङोंइती गेय पाइक्‍बाक्‍माक्‍त। मेको वोंइश आल सुती वा के कुचु तार चढ़ेब आ फेक्‍तीके फेक्‍शा, गेय पाइबाक्‍माक्‍त। १सामुएल २२:१८; प्रस्‍थान २८:४-६ हिब्रू लोव़मी एफोद देंशो कुचु आ फेक्‍तीक बाक्‍त।

१ सामुएल 2:26

मिनु सामुएल कोल्‍ना कोल्‍न लमेनु, परमप्रभु यावे नु मुर आन ङोंइती दाक्‍शो दुम्‍माक्‍त। लूका २:५२