उपदेसक 11:9 - Sunuwar Bible

⁹ ए ठिटा मुर, गे ठिटा बाक्‍ङेनु ग्‍येरसो। इ थुंमी गे ठिटा बाक्‍ङेनु ग्‍येरपदल। इ त‍शो नु इ थुंमी मिम्‍शो आस नोले खोतो। तन्‍न परमप्रभुमी मेको नेल्‍ल तुइश्‍शा निसाफ पाइब, दे मिम्‍तो। उपदेसक २:२४

उपदेसक 11:9 ပူးပေါင်းရင်းမြစ်များ

उत्पत्ती 3:6

मिनु मीश मुरुम मेको रवा तशा ब्‍वशोनु, ब्रोव़चा ङा कोव़शोनु, दारशो, रुप्‍तीक थुं गेचा ङा तवा बाक्‍त। मोपतीके फल सेक्‍शा, ब्‍ववा बाक्‍त। मेको आ नेक्‍था बाक्‍ब आ वोंइश कली यो गेवा बाक्‍त। मेकोमी यो ब्‍ववा बाक्‍त। याकूब १:१४-१५; १तिमोथी २:१४

उत्पत्ती 6:2

मिनु परमप्रभु आ तौपुकीमी मुर आन तमी आन कली तशा “दारशो बाक्‍नीम” दे मिम्‍तमे बाक्‍त। मिनु मेको आन दाते रे योव़शा चाक्‍ग्‍मे बाक्‍त। अय्‍युब १:६; २पत्रुस २:४; यहूदा ६

१ राजा 18:12

गो इन कली प्रोनु चोटी परमप्रभु यावे आ सोक्‍तीम इन कली लाइक्‍ब। मिनु गो लशा आहाब कली मो देंङानु, मेकोमी इन कली मथित्‍तु हना, आं कली साइक्‍ब। मो हना यो, गो, इन गेय पाइब, आं आल रेन परमप्रभु यावे कली मान पा हिंशा, थमा सुइक्‍ब बाक्‍नुङ।

१ राजा 18:27

मिनु नाक्‍त उइक्‍थ दुम्‍मेनु, एलीयाम मेको आन कली “मुल यो ठेयब सेंदा पा ग्रीङीन। मेको थमा पा देवता बाक्‍ब। मेको मिम्‍ना मिम्‍न बाक्‍म माइ, ना हिरथ गाक्‍म कों? ना ङोन लम कों? ना इप्‍शा बाक्‍म कों? मेको कली पोक्‍चा माल्‍ब” दे शुक्‍शी पा लोव़ पवा बाक्‍त।

१ राजा 22:15

मिनु मीकाया पिप आ ङोंइती जाक्‍मेनु, पिपमी मेको कली “मीकाया, गो रामोथ-गिलाद कली लडाइ तोङ देय मतोङ?” दे हिल्‍लो पवा बाक्‍‍त। मिनु मेकोमी “लडाइ तोने। मिनु ग्राङीन। मारदे हना परमप्रभु यावेमी मेको इन गुइमी गे‍ब” देंमाक्‍त।

अय्‍युब 31:7

गो ठीक लां रे ग्‍येत्‍थ लुक्‍च लशो बाक्‍ती हना, आं थुंम आं मिक्‍चीम दाक्‍शो खोदेंशो पा पशो बाक्‍ती हना, आं गुइमी ग्रांग्रा दिशो गेय पशो बाक्‍ती हना,

भजन संग्रह 81:12

मोपतीके गो ‘आन दाक्‍स पामेक्‍ल’ दे आन दला दाक्‍स पचा गेतामी।

उपदेसक 12:1

इ ठिटा बाक्‍ना बाक्‍न इ कली सेल्‍ब कली मिम्‍तो। श्‍येत जतीक नाक्‍ती नु इ खूशो दुम्‍तीक बर्स जाक्‍मेनु “गो मेको नाक्‍त मदाक्‍नुङ” देंचा क्‍येङा ङोंइती मिम्‍तो।

उपदेसक 12:14

मारदे हना परमप्रभुमी इं पशो रिम्‍शो नु मरिम्‍शो गेय नेल्‍ल नु ख्रुइश्‍शा पशो नेल्‍ल निसाफ पाइब। रोमी २:१६; २कोरिन्‍थी ५:१०

उपदेसक 2:10

गो मार कोव़चा दाक्‍ङा, मेकोन कोव़ता। आं दाक्‍शो नेल्‍ल पाता। मोपा आं पशो गेय नेल्‍लेमी आं थुं कली ग्‍येरपाइक्‍तु। मेको आ श्‍येत पा पशो गेय रे ताता।

उपदेसक 3:12

मुर ब्रोंइमा सम्‍म ग्‍येरशा नु रिम्‍शो पा बाक्‍चा माल्‍नीम। मेको क्‍येङा रिम्‍शो अरु मारेइ यो मबाक्‍ब, दे तुइक्‍नुङ। उपदेसक २:२४

उपदेसक 3:17

गो आं थुंमी “परमप्रभुमी ठीक पाइब नु आ अरेशो लोव़ मटीब निम्‍फा आस कली निसाफ पाइब। मारदे हना मेकोमी मारेइ मारेइ नेल्‍ल कली नु गेय नेल्‍ल कली आ पतीक ना सेल्‍तु। उपदेसक १२:१४

उपदेसक 6:9

मार मार माल्‍नुङ, दे शुश मिम्‍चा क्‍येङा आ तशोम ग्‍येरसीशा बाक्‍चा रिम्‍शो बाक्‍ब। मेको यो जाम्‍शा लाइब नु फश कली खेदा पशो खोदेंशो बाक्‍ब।

उपदेसक 7:14

नाक्‍त रिम्‍शो दुम्‍मेनु ग्‍येरसीन। तन्‍न नाक्‍त मरिम्‍शो दुम्‍मेनु मिम्‍तीन। मेको निम्‍फा परमप्रभुमी सेल्‍शो बाक्‍ब। मोपा मुरुमी नोले आंम कली मार दुम्‍बा, दे मतुइक्‍नीम।

येरमीया 23:17

मेकोपुकीम आं लोव़ मदाक्‍ब आन कली गेना हना यो ‘परमप्रभु यावे इन कली थुं नाइश्‍शा बाक्‍तीक दुम्‍ब’ देंनीम। मिनु मेकोपुकीम मटिथु आन थुं ङा मिम्‍शोम गाक्‍ब आन कली ‘इन कली मारेइ हिंचा ङा श्‍येत मदुम्‍ब’ देंनीम।

येरमीया 7:24

तन्‍न मेकोपुकीमी आं अरेशो मटीम। आं लोव़ मनेनेम। मेको आन खकटा थुं ङा मरिम्‍शो पतीकेमी आंम दला दाक्‍स पाम्‍तेक्‍म। आन ची हिरताक्‍म, आं कुल गे मकोव़यीमी। येरमीया ११:८; यसैया ६५:२

बिलाप 3:27

ठिटा बाक्‍शो ना आंम जुवा कुरचा रिम्‍शो दुम्‍ब।

गन्‍ती 15:30

तन्‍न इस्राएली बाक्‍त हना यो, अर्को रागी ङा मुर बाक्‍त हना यो, तुइश्‍शा यो, मटिथु पाप पाप्‍तु हना, मेको परमप्रभु यावे कली पाप पाइब बाक्‍ब। मेको मुर कली ग्रुम्‍तीके रे तिल्‍चा माल्‍ब। प्रेरित १३:३८; हिब्रू १०:२६-२९

गन्‍ती 15:39

मारदे मोदेंशो पचा माल्‍तीनी देंशा हना, गे मेको फेने तशा, परमप्रभु यावे आ शेंतीके नेल्‍ल मिम्‍शा, टिचा कली मोदेंशो पचा माल्‍नीनी। इन थुं ङा द‍ला दाक्‍स मपचा कली नु इन मिक्‍च कली पाप मपपाइक्‍चा कली मोदेंशो पचा माल्‍नीनी।

गन्‍ती 22:32

मिनु मेको परमप्रभु यावे आ स्‍वर्ग ङा गेय पाइबमी मेको कली “मारदे इ गधा कली खेयप सां तुबी? कोव़ङो, गो इ लां तेक्‍चा कली जाक्‍शो बाक्‍नुङ। मारदे हना गे आं ङोंइती इ द‍ला दाक्‍स पाप्‍तीवी।

मत्ती 5:28

गो मार देंनुङ देंशा हना, ग्‍युंबे पशो मुरुमी अर्को मीश मुर तशा वाल्‍त हना, आ थुंमी मीश वोंइश आस नाता ख्रोइक्‍ब। २सामुएल११:२; अय्‍युब ३१:१; २पत्रुस २:१४

लूका 12:19

मिनु मेकोमी ‘शुश बर्स कली जाक्‍दीप्‍ब। शुश शोंप गे नु बाक्‍ब। मोपतीके जशा तूशा ग्‍येरशा बाक्‍को’ दे आंम थुं कली देंमाक्‍त। भजन संग्रह ४९:१-२०

प्रेरित 14:16

साइ ङोंइती रे मुल सम्‍म परमप्रभु यावेमी रागी नेल्‍ल आन कली आन दला दाक्‍स पचा गेशो बाक्‍त। प्रेरित १७:३०

प्रेरित 24:25

मिनु पावलमी “ठीक पशो नु ठीक मपशो मार बाक्‍बा, इं थुं नु रां कली दोपा अरेचा नु परमप्रभुमी मुर नेल्‍ल आन कली निसाफ पाइब” दे शेंदानु, फेलीक्‍स हिंशा “लो मोक्‍ल, मुलाक्‍ती ओशो ला लोव़ पय। इ लोव़ दीसा नित्‍थ लेंशा नेंनुङ” दे सोइक्‍ता बाक्‍त।

रोमी 14:10

मिनु मार, इं लोक्‍ब आन कली नाक्‍चा दुम्‍बा ङा? आइक्‍च सेल्‍चा दुम्‍बा ङा? काबु नाक्‍ती परमप्रभु यावेमी नेल्‍ल इं कली आ ठेयब नित्‍तीक आ ङोंइती खुप्‍शा, का का पा निसाफ पाइब। मत्ती २५:३१-३२; प्रेरित १७:३१; २कोरिन्‍थी ५:१०

१ कोरिन्‍थी 4:5

मोपतीके प्रभु आ निसाफ पतीक नाक्‍त मजाक्‍म सम्‍म मुर आन कली मनाक्‍तीन। आ निसाफ नाक्‍ती जाक्‍मेनु, ख्रुइश्‍शा वोइश्‍शो लोव़ नेल्‍ल तुइक्‍पाइक्‍ब। छिङछिङम ख्रुइश्‍शो थुं ङा थोव़क नेल्‍ल छेङछेङम तांइसीनीम। मिनु परमप्रभु यावेमी मुर आन कली “गे रिम्‍शो पाइतीनी” देंब। १कोरिन्‍थी ३:८

२ कोरिन्‍थी 5:10

मारदे हना गो नेल्‍ल ख्रीस्‍त आ ङोंइती निसाफ पची ना जाक्‍चा माल्‍नीकी। रांम बाक्‍यानु, इं रांम पशो रिम्‍शो नु मरिम्‍शो नेल्‍ल ताइनीकी। प्रेरित १७:३१; रोमी २:१६; रोमी १४:१०; यूहन्‍ना ५:२९; एफिसी ६:८

ब्‍यवस्‍था 29:19

मिनु मोदेंशो पाइब मुर मेको कसम ङा लोव़ नेंशा, आ थुंमी ‘गो आंम मिम्‍तीके पशा बाक्‍ती हना यो, गो सराप मराइनुङ। गो आसीक ताइब बाक्‍ती’ दे मिम्‍ब। मोदेंशो मिम्‍तीके नेल्‍ल आन कली खतम सेल्‍ब।

हिब्रू 9:27

दोपा मुर खेयप का बेक्‍चा माल्‍नीमी नु मेको बेक्‍शा, निसाफ पचा पुंइसीनीम। उत्‍पत्ती ३:१९

यहोसु 7:21

गो खतम सेल्‍चा माल्‍शो थोव़क रे पा शिनार रागी ङा रिम्‍शो फेक्‍तीक वा, सहे निक्‍शी शेकेल चांदी नु ५० शेकेल हेल्‍शो सुन के कोक्‍के का ताता। गो मेको साप्‍पा दाक्‍ताक्‍ङ ङा मिन लांइसाक्‍यी। मिनु मेको आं ताम्‍बु आगाम थिम्‍शा वोइक्‍ता। मेको चांदी नेल्‍ल क्‍येङा आगाम बाक्‍ब” देंत। शेकेल का ११.५ ग्राम बाक्‍ब।

२ पत्रुस 3:7

मुल सम्‍म बाक्‍ब सरीङ नु रागी कली “बाक्‍ल” दे परमप्रभु यावेमी खाल का ङा लोव़ पशा, वोदा बाक्‍त। परमप्रभु यावेमी रागी नु मटीब मुर नेल्‍ल आन कली मीम क्रोइक्‍चा, दे निसाफ पची नाक्‍त सम्‍म कली वोइश्‍शो बाक्‍त।