उपदेसक 11:10 - Sunuwar Bible

¹⁰ मोपतीके सुर्ता पतीक कली इ थुं रे पा ङोन वोतो। मिनु मरिम्‍शो नेल्‍ल इ रां रे ङोन वोतो। मारदे हना ठिटा दुम्‍तीके नु बोल यो जाम्‍शा लाइब बाक्‍ब।

उपदेसक 11:10 ပူးပေါင်းရင်းမြစ်များ

अय्‍युब 11:12

मूर्ख मुर रुप्‍ब दुम्‍ने मचाप्‍ब। मेको मो दुम्‍त हना, ब्‍वाकी ङा गधा आ चाइक्‍ब मुर दुम्‍शा जरमेशो खोदेंशो दुम्‍ब।

अय्‍युब 13:26

गे आं पर्बम कशो लोव़ ब्रेक्‍नीनी। मिनु आं ठिटा ना ङा मरिम्‍शो पशो आ पर्बम सजाइ गेतीनी। भजन संग्रह २५:७

अय्‍युब 20:11

मेकोपुकी ठिटा दुम्‍शा, सक्ति पाइश्‍शो बाक्‍तेक्‍म हना यो, बेक्‍शा, तुरस ङा फुरकुम वोइक्‍चा पुंइसीनीम।

भजन संग्रह 25:7

गो ठिटा बाक्‍ङा ना आं पशो पाप नु आं मरिम्‍शो पशो प्रेंदीन। परमप्रभु यावे, इन गेना हना यो दाक्‍तीके नु रिम्‍शो पतीकेम आं कली मिम्‍तीन।

भजन संग्रह 39:5

गे आं ब्रोंइतीक नाक्‍त बित्‍ता का निक्‍शी खोदेंशो सेल्‍तीनी। आं ब्रोंइतीक नाक्‍त इन ङोंइती मारेइ ममाइ। मुर नेल्‍ले आन ब्रोंइतीके जाम्‍शा लाइब फश खोदेंशो बाक्‍नीम” देंती। भजन संग्रह ९०:५-६ ठेयब सेंदा पा।

भजन संग्रह 39:6

मुरपुकी वांकु खोदेंशो पा गाक्‍शो बाक्‍नीम। मेकोपुकी मोशा सुर्ता पाइनीम। शुश शोंप तेल्‍नीम। मेको सुम जाइबा मतुइक्‍नीम। भजन संग्रह ४९:१७-२१; उपदेसक २:१८-२१; लूका १२:१५-२१

हितोपदेस 22:15

वोंइश आल आन थुंमी मरिम्‍शो पतीक यो बाक्‍ब। तन्‍न शेंशा इच्‍का तुप्‍शोनु, आ मरिम्‍शो पतीके प्रोंइब। हितोपदेस १३:२४; हितोपदेस २३:१३-१४; हितोपदेस २९:१७

उपदेसक 1:14

गो रागीमी पशो गेय नेल्‍ल ताता। मेको नेल्‍ल जाम्‍शा लाइब बाक्‍नीम। मेको फश कली खेदा पशो खोदेंशो बाक्‍ब।

उपदेसक 1:2

मेको शेंबमी “जाम्‍शा लाइनीम, मारेइ मारेइ जाम्‍शा लाइब बाक्‍नीम। जाम्‍शा लाइनीम, नेल्‍ल जाम्‍शा लाइब बाक्‍नीम।

उपदेसक 12:1

इ ठिटा बाक्‍ना बाक्‍न इ कली सेल्‍ब कली मिम्‍तो। श्‍येत जतीक नाक्‍ती नु इ खूशो दुम्‍तीक बर्स जाक्‍मेनु “गो मेको नाक्‍त मदाक्‍नुङ” देंचा क्‍येङा ङोंइती मिम्‍तो।

२ कोरिन्‍थी 7:1

आं दाक्‍शोपुकी, गो नेल्‍लेमी परमप्रभु यावे आ गेशो लोव़ तुइश्‍शो बाक्‍नय। मोपतीके इं रां थुं नेल्‍ल मरिम्‍शो पतीक रे ङोन बाक्‍नय। मिनु इं परमप्रभु यावे कली ला मान पा हिंशा ठेयब सेल्‍नय।

२ तिमोथी 2:22

ठिटी ठिटा आन दला दाक्‍स रे ङोन बाक्‍को। रिम्‍शो थुंमी प्रभु कली लोव़ पाइबपुकी नु गारशा, ठीक पचा, थमा सुइक्‍चा, दाक्‍चा नु थुं नाइक्‍चा ला मिम्‍तो। १तिमोथी ४:१२; १तिमोथी ६:११; हिब्रू १२:१४