उपदेसक 10:5 - Sunuwar Bible

⁵ गो रागीमी मरिम्‍शो का तशो बाक्‍नुङ। मेको ठेयब दूली गेय सासन पाइबम ला पने चाप्‍ब।

उपदेसक 10:5 ပူးပေါင်းရင်းမြစ်များ

हितोपदेस 19:10

मूर्ख मुर क्‍येट थीब मुर खोदेंशो पा बाक्‍चा मशिरब। मिनु वाइलमी ठेयब मुर आन कली हुकुम पचा यो मशिरब।

हितोपदेस 28:12

ठीक पाइबपुकी ग्रामानु, नेल्‍ल ग्‍येरसीनीम। तन्‍न परमप्रभु यावे आ अरेशो मटीबपुकी ठेयब दुम्‍तेक्‍म हना, मुरपुकी ख्रुंइसीनीम। हितोपदेस ११:११

उपदेसक 10:4

इ ठेयब मुर इ तशा गाइक्‍ताक्‍व हना यो, इ गेय प‍चा मप्रोनो। सिक्‍सी पा बाक्‍शोनु, ठेयब मरिम्‍शो प‍शो यो जाम्‍शा लाइब।

उपदेसक 10:6

मूर्ख आन कली ठेयब मुर सेल्‍नीम। तन्‍न शोंप पाइश्‍शोपुकी आइक्‍च दुम्‍शा बाक्‍नी‍म।

उपदेसक 3:16

मिनु गो रागीम अर्को का यो ताता। मार ताता देंशा हना, ठीक निसाफ पतीक आ पा ङा काइ मरिम्‍शो पतीक बाक्‍बाक्‍त। ठीक पतीक आ पा ङा जोल पतीक बाक्‍बाक्‍त।

उपदेसक 4:1

मिनु गो रागीम कोव़ङुनु, मेकेर थम मरिम्‍शो पशो ताता। गो दिप्‍चा पुंइसीशो आन ङाक्‍शो ताता। मेको आन कली लेम्‍ब सुइ मबाक्‍म। मेको मरिम्‍शो पाइब सक्ति पाइश्‍शो बाक्‍तेक्‍म। दिप्‍चा पुंइसीब आन कली चहिं लेम्‍ब सुइ मबाक्‍म।

उपदेसक 4:7

मिनु गो लेंशा रागीम अरु जाम्‍शा लाइब थोव़क तातामी।

उपदेसक 5:13

गो रागीमी थम श्‍येत लाक्‍चा ङा मरिम्‍शो पशो का तशो बाक्‍नुङ। मेको मार बाक्‍ब देंशा हना मुरुमी आंमा खतम दुम्‍चा कली शोंप तेल्‍शो बाक्‍ब। मत्ती १९:२२

उपदेसक 6:1

गो रागीमी अर्को मरिम्‍शो का यो तशो बाक्‍नुङ। मेकोमी मुर आन कली थाम्‍पा दिप्‍शो बाक्‍ब।

उपदेसक 9:3

रागीम दुम्‍तीक गेय नेल्‍लेमी मरिम्‍शो पतीक बाक्‍ब। मेको नेल्‍ल बेक्‍शा लाइनीम। मुर नेल्‍ल आन थुं मरिम्‍शो पतीकेमी ब्रीशो बाक्‍ब। मिनु मेकोपुकी ब्रोंइमा सम्‍म आन थुं हेंथे पतीकेम ब्रीशो बाक्‍ब। मिनु मेको नोले मेको बेक्‍शोपुकी नु बाक्‍थ लाइ‍नी‍म। उपदेसक ८:११