उपदेसक 10:20 - Sunuwar Bible

²⁰ इ मिम्‍तीकेमी यो पिप कली सराप मपावो। शोंप पाइश्‍शो मुर कली इ कोठाम सराप मपावो। मारदे हना सरीङ ङा चिक्‍बीम इ लोव़ लद। मिनु बेरशो चिक्‍बीम इ लोव़ शेंद।

उपदेसक 10:20 ပူးပေါင်းရင်းမြစ်များ

२ राजा 6:12

मिनु मेको लडाइ पाइब आन ठेयब मुर आन दाते ङा काम “आं प्रभु पिप, आं प्रभु, गो सुइम मो मपक। तन्‍न इस्राएल ङा परमप्रभु यावे आ लोव़ पाइब एलीशाम गे इन इप्‍तीक कोठाम ब्‍वाक्‍शो यो शेंब” देंमाक्‍त।

एस्‍तर 2:22

मिनु मेको आस लोव़ मोरदेकैमी नेंशा तुइश्‍शा, एस्‍तर कली शेंदा बाक्‍त। मिनु एस्‍तरमी मोरदेकै आ नेंमी पिप कली लोव़ नेल्‍ल शोव़तु।

प्रस्‍थान 22:27

मारदे हना मेको आन रां ङा सुम्‍तीक का ला बाक्‍ब। इप्‍ची ना दोपा सुम्‍सीनीमी? आं कली ब्रेत्‍तेक्‍म हना, गो आन पुंइशो गेनुङ। मारदे हना गो शिशी पाइब नङ।

प्रस्‍थान 22:28

परमप्रभु आ पर्बम मरिम्‍शो लोव़ मपचा। इन कली सासन पाइब कली सराप मपचा। लेवी २४:१४-१६; प्रेरित २३:५

प्रस्‍थान 8:3

नील खोलाम शुश क्रुक्‍क्रु ग्रूपाइक्‍नुङ। मेकोपुकी इन खिंम बाक्‍थ जाक्‍नीम। इन इप्‍तीक कोठामी यो ओव़नीम। इन खाट तार ङोइक्‍नीम। मिनु इन दरवार ङा गेय पाइब आन खिंमी यो ओव़नीम। मुर आन तार नु आन चुप्‍लुमी यो बाक्‍नीमी। आन फस नित्‍तीके बोस आगाम ओव़नीम।

यसैया 8:21

मेकोपुकी एको रागीम श्‍येत जशा, शोव़लु बेक्‍शा हिरनीम। मिनु शोव़लुमी गाइश्‍शा, ग्‍येत्‍थ गे कोव़शा, आन पिप नु परमप्रभु कली सराप पाइनीम।

लूका 10:40

मारथामी शुश गेय पा श्‍येत पशा “प्रभु, आं लोक्‍बमी आं कली काइ वारच मपाइब। गे मोदेंशो तशा यो मारेइ मदेंनी? मेको कली ‘बोक्‍शा, इ लोक्‍ब कली वारच पतो’ दे मतीन” देंमाक्‍त।

लूका 19:40

तन्‍न येसुमी “एकोपुकीमी सिक्‍सी पाम्‍तेक्‍म हना, फुल्‍लुमी यो रेयके पचा गोइनीम” देंमाक्‍त।

प्रेरित 23:5

पावलमी “मेको मोदेंशो ठेयब चढ़ेब, दे मतुइक्‍तु, आं लोक्‍बपुकी। तुइश्‍शो नङ हना, मोदेंशो लोव़ मदेंङ वा। मारदे हना परमप्रभु यावे आ ब्रेक्‍पाइश्‍शो लोव़मी ‘इन कली अधिकार पचा, दे वोइश्‍शो आन कली मरिम्‍शो लोव़ मपचा’ दे ब्रेक्‍शो बाक्‍ब” देंमाक्‍त। प्रस्‍थान २२:२८