उपदेसक 10:19 - Sunuwar Bible

¹⁹ ग्‍येरसीचा कली भोज सेल्‍नीम। मिनु अङगुर शांबुमी मुर कली ग्‍येरपाइक्‍ब। तन्‍न मेको नेल्‍ल पचा कली क्‍येट माल्‍ब। बजन संग्रह १०४:१५

उपदेसक 10:19 ပူးပေါင်းရင်းမြစ်များ

उत्पत्ती 43:34

मिनु योसेफ आ ङोंइती रे जचा ब्‍वचा थोव़क लाइश्‍शा, मेको आन कली ख्रेप्‍पदा बाक्‍त। बेन्‍यामीन आ भाग अरु आन क्‍येङा ५ भाग खोइ शुश बाक्‍माक्‍त। मिनु मेकोपुकी योसेफ नु जशा तूशा, ग्‍येरशा बाक्‍मा बाक्‍त।

२ सामुएल 13:28

मेकोम आ गेय पाइब आन कली “रिम्‍शा बाक्‍कीन। अम्‍नोन अङगुर शांबुम दुक्‍त हना, गो ‘मेको कली सतीन’ देंनुङ। मिनु गे मेको कली सतीन। मारेइ हिंचा ममाल्‍नीनी। एको आं हुकुम बाक्‍ब। महिंथु बाक्‍कीन” दे माइक्‍मी बाक्‍त। लेवी २०:१७

१ इतिहास 21:24

तन्‍न पिप दाऊदमी ओरनान कली “ममाइ, गो नेल्‍ल गिश बाक्‍मे मिश क्‍येट थाप्‍नुङ। गो मोशा इ मार मार ताक्‍शा परमप्रभु यावे कली मचढ़े‍नुङ” देंमाक्‍त।

एज्रा 1:6

मिनु मेको आन नेक्‍था बाक्‍ब नेल्‍लेमी आन ङोंइती गेशो प्रोंइशा, चांदी के बोस, सुन के थोव़क, अरु थोव़क, बी ब्‍यफ नु शुश क्‍येट लाइब मार मार थोव़क शुश तेम्‍शा गेशा, मेको आन कली वारच पाम्‍तेक्‍म।

नेहेम्‍याह 5:8

मिनु गो मेको आन कली “गोपुकीमी अर्को रागीम लेयशो वाइलीम वाइल दुम्‍शो आंइ लोक्‍ब यहूदी आन कली आंइ चाप्‍शो थाप्‍शा, मुर आन गुइ रे प्रोंइतक। गेपुकी चहिं आंम इन लोक्‍ब रागी रागी ङा मुर आन कली लेयनीनी? मिनु मेकोपुकीम गो आंमान लेंशा ग्‍याप्‍चा माल्‍नीकी?” दे शुश हुइक्‍ताक्‍ङ। मिनु मेकोपुकी सिक्‍सी पा मारेइ मदेंम। लेवी २५:४७-४९

एस्‍तर 1:10

मेको भोज दुम्‍शो ७ नाक्‍तीमी पिप अहासूरस अङगुर शांबुम रांइशा, पिपम आ दरवार ङा ७ जना शुश अधिकार पाइश्‍शो गेय पाइब मेहूमान, बिस्‍था, हारबोना, बिग्‍थान, आबाग्‍था, जेथार नु कारकस आन कली

भजन संग्रह 104:15

मिनु गे मुर आन थुं ग्‍येरपाइक्‍चा कली अङगुर सिप्‍पाइक्‍नीनी। मिनु आन कुल दारपाइक्‍चा कली तेल नु आन रां बोल्‍यो सेल्‍चा कली शोब्‍ले गेनीनी।

भजन संग्रह 112:9

मेकोपुकीमी हाइश्‍शो थुं पा प्रुङग आन कली मार मार गेम्‍तेक्‍म। मेको आन ठीक पतीके गेना हना यो लीब। मेको मान ताइब बाक्‍नीम। २कोरिन्‍थी ९:९

उपदेसक 2:3

गो आंम कली ग्‍येरपाइक्‍चा कली इच्‍का अङगुर शांबु तूता। मो पङानु आं थुंम बाक्‍शो जोक्‍तीक तुइक्‍तीक मला। मूर्ख आ गेय रुप्‍चा कली मोदेंशो पाता। मिनु गो मुर आन कली इच्‍का नाक्‍त रागीम ब्रोंइचा कली रिम्‍शो गेय मार बाक्‍बा, दे रुप्‍चा माल्‍ता। हितोपदेस ३१:४

उपदेसक 9:7

आंम इ लां गाक्‍को, इ जतीक थोव़क ग्‍येरशा जावो। ग्‍येरशा इ अङगुर शांबु तूङो। मारदे हना परमप्रभुमी इ पशो गेय दाक्‍ब। उपदेसक २:२४

यसैया 23:18

मिनु आ तेल्‍लेम पा चेम्‍शो क्‍येट परमप्रभु यावे के दुम्‍ब। मेको क्‍येट महेंनीम। आ चेम्‍शो क्‍येट परमप्रभु यावे आ ङोंइती बाक्‍ब। मेको क्‍येट मुर आन कली जचा फेक्‍चा कली गेनीम।

यसैया 24:11

लां गाक्‍ब मुरपुकी अङगुर शांबु मबाक्‍तीके सुर्ता पाइनीम। ग्‍येरसीतीके नेल्‍ल नुप्‍ब। रागी ङा ग्‍येरसीतीके जाम्‍त।

मत्ती 17:27

मोदेंशो बाक्‍त हना यो, मेको आन थुं नुपाइक्‍चा कली तिरो थाप्‍तस। गे समुन्‍द्रमी लशा, बोल्सी ग्‍यारशा, नेल्‍ल क्‍येङा ङोंइती रेश्‍शो ङांइ आ शोव़ पाक्‍को। आ शोव़ आगामी स्‍तातेर का थित्‍नेवे। मेको लाइश्‍शा, इस तिरो थाप्‍तो” दे माइश्‍शा सोइक्‍ताक्‍व। स्‍तातेर का ४ देनार बाक्‍ब। ग्रीक क्‍येट बाक्‍ब।

मत्ती 19:21

येसुमी “मेको ङा लाक्‍शा पचा दाक्‍तावी हना, लशा इ शोंप नेल्‍ल लेयशा, जचा फेक्‍चा मताइब आन कली योक्‍शा गेमी। मिनु लेश्‍शा, आं नोले खोइय्‍यी। मो पाप्‍तीवी हना, इ कली स्‍वर्गम शोंप वोइश्‍शो बाक्‍ब” देंत। मत्ती ६:२०; लूका १२:३३

लूका 12:19

मिनु मेकोमी ‘शुश बर्स कली जाक्‍दीप्‍ब। शुश शोंप गे नु बाक्‍ब। मोपतीके जशा तूशा ग्‍येरशा बाक्‍को’ दे आंम थुं कली देंमाक्‍त। भजन संग्रह ४९:१-२०

लूका 16:9

मोपतीके गे यो निप्‍स पाइश्‍शो गेय पा वारचपुकी सेलीने। इन शोंप क्‍येट मारेइ मारेइ यो मथीब आन कली शिशी पा गेतीनी हना, परमप्रभु यावेमी इन पशो खोदेंशो पा गेब” देंमाक्‍त। लूका १४:१४; मत्ती ६:२०; मत्ती १९:२१

लूका 8:3

का हेरोद आ गेय पाइब कूजा आ मीश योअन्‍ना बाक्‍माक्‍त। का सुसन्‍ना बाक्‍माक्‍त। मिनु अरु मीश मुरपुकी यो बाक्‍मा बाक्‍त। मेको मीश मुरपुकीमी आन बाक्‍शो थोव़क रे येसु नु आ शेंसीब आन कली मार मार माल्‍‍मा, मेको गेशा, वारच पाइक्‍बाक्‍मा बाक्‍त। मर्कूस १५:४०-४१

प्रेरित 11:29

अन्‍काल दुम्‍ब देंशो तुइश्‍शा, एन्‍टीओक ङा थमा सुइक्‍बपुकीमी “यहूदीया रागीमी बाक्‍ब थमा सुइक्‍ब आन कली वारच पाइक्‍चा माल्‍ब, मोपतीके क्‍येट पोक्‍य” देंमा बाक्‍त।

प्रेरित 2:45

रू, मारेइ लेयङमेनु, सु सु आन कली माल्‍मा, मेको आन कली योक्‍शा क्‍येट गेशा वारच पाइबाक्‍मा बाक्‍त।

१ पत्रुस 4:3

ङोंइती परमप्रभु यावे कली मतुइक्‍थु मारेइ मारेइ पाइतीनी, मुल मेको गाप्‍त। थमा मसुइक्‍बपुकीमी मार पाइनीम देंशा हना, महिंब दुम्‍शा आन दला दाक्‍स पाइनीम। दुक्‍शा बाक्‍नीम, शुश जशा तूशा बाक्‍नीम नु ग्रांग्रा दिचा ङा मूर्ति पूजा पाइनीम। एफिसी २:२-३; तीतस ३:३

न्‍यायाधीस 14:10

मिनु सिम्‍सोन आ आफ मेको मीश आल कोव़थ लमाक्‍त। मिनु सिम्‍सोनमी अरुम ग्‍युम्‍लेम पशो खोदेंशो पा भोज का गेवा बाक्‍त।

न्‍यायाधीस 9:13

मिनु अङगुर बोटमी ‘मार, देवी देवता नु मुर आन कली ग्‍येरपाइक्‍ब आं के अङगुर शांबु सेल्‍चा प्रोंइशा, गो रवा आन कली सासन पाइनुङा?’ देंमाक्‍त।

१ सामुएल 25:36

मिनु अबीगेल लेश्‍शा जाक्‍मेनु, नाबालमी आ खिंमी, पिपम खोदेंशो पा ठेयब भोज सेल्‍शा भोज पशो तवा बाक्‍त। नाबाल ग्‍येरसीशा शांबुम दुक्‍शा बाक्‍शो बाक्‍माक्‍त। मेको थाम्‍पा दुक्‍शा बाक्‍तीके आ मीशेमी सुनी सम्‍म रिम्‍शो मरिम्‍शो मारेइ शेंने मचबा बाक्‍त।