12 जोक्ब तुइक्ब मुर ब्वाक्मेनु, मान ताइब। तन्न मूर्ख चहिं आ लोव़मीन खतम दुम्ब।
दाऊदमी मेको कली “इ हुश इ पिया तार मोंइसेक्ल। मारदे हना गे ‘गो परमप्रभु यावे आ तेल लुक्शो कली साइक्ता’ देंते। इ शोव़मीन आंम इ कली दोसी सेल्साक्वे” देंमाक्त।
गो इन थुं बारपाइक्तीक लोव़ पङ वा। मिनु आं शिशी पाइक्तीकेमी इन कली लेम्द वा।
मेको ठेयब लेश्शोपुकी आं एर ओंथ बाक्शो बाक्नीम। मेको आन मरिम्शो पशो आंमा रमल। ठेयब सेंदा पा।
ठीक पाइबपुकीमी जोक्तीक तुइक्तीक लोव़ पाइनीम। मिनु मेकोपुकीम ठीक पतीके शेंनीम।
परमप्रभुमी मेको आन कली आन लोव़ आ पर्बम खतम सेल्ब। मेको आन कली साइक्ब। मिनु मेको आन कली ताइब नेल्लेमी हिंशा आन पिया हिक्नीम।
मिक्च रिक्बपुकीमी मुर आन कली श्येत गेनीम। तन्न सुमी महिंथु हुइक्बा मेकोमी थुं नाइश्शा बाक्चा गेब। हितोपदेस ६:१२-१३
जोक्ब तुइक्ब थुं पाइश्शो मुरुमी शेंशो लोव़ टीब। तन्न हेंथे लोव़ पाइब मूर्ख खतम दुम्ब।
मुर आन ममिम्थु पशो लोव़मी तरवार खोदेंशो पा थोक्ब। तन्न जोक्ब तुइक्ब मुर आन लोव़मी सापाइक्ब। हितोपदेस १३:३
जोक्ब तुइक्ब मुरपुकीमी लोव़ पाम्तेक्म हना, नेंबपुकी जोक्ब दुम्चा दाक्नीम। तन्न मूर्ख आन लोव़ शोर गाक्शो बाक्ब।
मुरुम ठीक पा लोव़ लेन्ने चाप्तु हना, ग्येरपाइक्ब। माल्ची ना माल्शो लोव़ पचा, गिश रिम्शो बाक्ब।
जोल पा सांकछी बाक्ब मुर सजाइ मतथु मब्रोंइब। मिनु जोल पाइब यु बुइश्शा प्रोक्ने मचाप्ब। हितोपदेस २१:२८; ब्यवस्था १९:१८-२१
सु रिम्शो थुं नु ठीक लोव़ पचा दाक्नीमी, मेको पिप आ वारच दुम्नीम। कलस्सी ४:६; भजन संग्रह १०१:६
शांबु दुक्शो मुर आ गुइमी चू ओव़शो खोदेंशो पा मूर्ख कली देंतीक लोव़ बाक्ब।
मेकोमी लोव़ पवानु, जोक्ब तुइक्ब लोव़ ला पाइब। मिनु मुर आन कली शिशी पचा कली शेंब।
जोक्ब तुइक्ब आन लोव़ गोठला आन कोक्के खोदेंशो बाक्ब। मिनु मेको आन खुप्शो लोव़पुकी बोल्यो पा थोक्शो कांटी खोदेंशो बाक्ब। मेको नेल्ल गोठला का रे पान दुम्शो बाक्ब। यसैया २२:२३
मूर्ख मुर फिम्ला पा बाक्ब। मिनु आ खतम दुम्तीक आंमान चाक्ब।
ब्वाक्चा कली मचुइक्तीन। परमप्रभु आ ङोंइती रीब पा लोव़ मपन। परमप्रभु स्वर्गमी बाक्ब। गे चहिं रागीम बाक्नीनी। मोपतीके शुश मब्वाक्कीन।
इ लोव़मी इ कली पाप मपपदल। मिनु परमप्रभु आ खिं ङा लोव़ कुरब कली “आं कबल पशो प्रेंदु बाक्त” मदेंनीन। इ लोव़मी पतीके परमप्रभु गाइश्शा इ गेय नेल्ल खतम पोक्ब।
ठेयब सेंदा पा मूर्ख सासन पाइब आ लोव़ क्येङा, जोक्ब तुइक्ब आ ओंखां पा देंशो लोव़ टीनीम।
रिम्शो थुं पाइश्शो मुरुमी रिम्शो लोव़ पाइब। मरिम्शो थुं पाइश्शो मुरुमी मरिम्शो लोव़ पाइब।
मिनु ठेयब मुरुमी ‘गो इ लोव़म इ कली निसाफ पाइनुङ। आं देंशो मटीब गेय पाइब बाक्नेवे। मार मगेङा, मेको ताक्नुङ। मार मशोक्गु, मेको खुप्नुङ। गो मरिम्शो मुर नङा दे गे तुइश्शोन नवे?
नेंबपुकीमी मेको आ पर्बम रिम्शो लोव़ पामे बाक्त। येसु आ रिम्शो लोव़ नेंशा छक लाक्शा “एको योसेफ आ तौ ममाइ ङा?” देंमुमा बाक्त। लूका ३:२३
गेपुकी नना ओल लोव़ काइ मपने। मुर आन कली रिम्शो दुम्ब नु गारचा ङा लोव़ ला पने। मुरपुकीमी इन रिम्शो लोव़ नेन्मेनु, परमप्रभु यावे आ शिशी रुप्मेक्ल। एफिसी ५:४; कलस्सी ४:६
इन पशो लोव़ हिक्सी ङाम्शो खोदेंशो दुम्ल। इन कली हिल्लो पाइब नेल्ल आन कली दोपा लोव़ लेत्चा, दे तुइक्चा माल्नीनी। मर्कूस ९:५०; एफिसी ४:२९