उपदेसक 1:6 - Sunuwar Bible

⁶ फश दक्‍खिन गे पाइब। मिनु उत्तर गे लाइब। मेको गेना हना यो आ हिरतीकेम हिरशा लेप्‍ब।

उपदेसक 1:6 ပူးပေါင်းရင်းမြစ်များ

अय्‍युब 37:17

दक्‍खिन ङा फशेम इन फेक्‍शो वा होश सेल्‍ब। रागी नेल्‍ल कली सिक्‍सी पपाइक्‍ब।

अय्‍युब 37:9

फश गिवार आ बाक्‍‍तीक रे ग्रूब। मिनु फश रे पा ग्‍यू जाक्‍ब।

भजन संग्रह 107:25

मिनु मेकोमी अरेशा, ठेयब फश गिवार पपाइक्‍तु। मिनु ठेयब समुन्‍द्र आ छाल पोक्‍तु।

भजन संग्रह 107:29

मेकोमी फश गिवार दिक्‍पाइक्‍तु। मिनु ठेयब समुन्‍द्र आ छाल दिक्‍तेक्‍म।

उपदेसक 1:7

खोला नेल्‍ल शाइश्‍शा समुन्‍द्रम लाइनीम। तन्‍न समुन्‍द्र गेनायो मब्रीब। खोला ते गे शाइक्‍नीमी, मेक गेन शांइ‍स ङा शांइ‍स बाक्‍नीम।

उपदेसक 11:5

गे फश ते रे जाक्‍‍‍बा नु ममा आ कोव़जमी आल दोपा ब्रोंइतीक सोक्‍त ताइबा, मेको मतुइक्‍नेवे। मोपा मारेइ मारेइ सेल्‍ब परमप्रभु आ गेय रुप्‍ने मचाप्‍नेवे। यूहन्‍ना ३:८; भजन संग्रह १३९:१३; उपदेसक ८:१७

योना 1:4

मिनु परमप्रभु यावेमी समुन्‍द्रमी ठेयब फश पपदा बाक्‍त। मोपा ठेयब फश गिवारम पतीके मेको डोंगा जिक्‍‍चा चिक्‍ता बाक्‍त।

मत्ती 7:24

सुमी आं लोव़ नेंशा, आं देंशो पवा, मेको निप्‍स खाप्‍शा, खिं सेल्‍ब खोदेंशो बाक्‍त। मेकोमी आ खिं सेरथे फुल्‍लु तारी सेल्‍तु।

मत्ती 7:27

मिनु ठेयब रेउ यिशा, भोल यिशा, फश पवानु, मेको खिं ब्रेश्‍शा योल्‍त। मिनु मेको के ठेयब खती दुम्‍त” दे येसुमी शेंदीमी बाक्‍त।

यूहन्‍ना 3:8

फश ते रे जाक्‍ब, ते लाइबा मतुंइ‍सीब। आ रेयके नेंशा यो ते रे ग्रूबा, ते ते लाइबा, मतुंइ‍सीब। परमप्रभु यावे आ सोक्‍त रे जरमेशो मुर मेको खोदेंशो बाक्‍नीम” देंत।