उपदेसक 1:16 - Sunuwar Bible

¹⁶ गो आं थुंमी “कोव़ङीन, गो आं क्‍येङा ङोंइती यरूसलेममी सासन पाइब नेल्‍ल आन क्‍येङा शुश जोक्‍ब तुइक्‍ब थुं पाइश्‍शो मुर दुम्‍ती। गो मारेइ मारेइ तशा तुइक्‍ताक्‍ङ।

उपदेसक 1:16 ပူးပေါင်းရင်းမြစ်များ

१ राजा 10:7

तन्‍न गो आंमा जाक्‍शा, मतङा सम्‍म थमा मसुदु। मेको आं कली नें‍शो दा उइक्‍थ लाइ यो मनें‍शो बाक्‍ती। इन जोक्‍तीक तुइक्‍तीक, इन पशो गेय नु इन शोंप आ पर्बम आं नेंशो क्‍येङा यो शुश बाक्‍त।

१ राजा 4:30

पूर्ब ङा मुर नेल्‍ल नु इजीप्‍त ङा मुर नेल्‍ले आन दातेमी सोलोमन के खोदेंशो जोक्‍‍तीक तुइक्‍तीक थुं सुइ के मबाक्‍मा बाक्‍त।

१ राजा 5:9

आं गेय पाइबपुकीम मेको रवा लेबानोन रे समुन्‍द्र सम्‍म चाक्‍नीम। मिनु गो मेको शी फ्रेंपाइश्‍शा, इन देंतीक सम्‍म समुन्‍द्रम योल्‍पाइश्‍शा सोइक्‍पाइक्‍नुङमी। गो मेको आन कली इन दें‍तीकेम प्राक्‍पाइक्‍नुङमी। मिनु गे मेको लाइक्‍ने चाप्‍नीनी। मिनु गे आं खिं कली जचा थोव़क सोइश्‍शा आं मिम्‍शो ख‍पीन” दे लोव़ कुरब मुर सोइक्‍ता बाक्‍त।

२ राजा 5:20

परमप्रभु आ मुर एलीशा आ गेय पाइब गेहाजी आ थुंमी “एको आं होव़पमी दा एको अरामी नामान आ चाक्‍शो मारेइ मब्रथु लेश्‍शा कका सोइक्‍ताक्‍व। मुल गो परमप्रभु यावे ब्रोंइशा बाक्‍शो खोदेंशो पा, गो मेको आ नोले लशा मारेइ थोव़क ताक्‍नुङ” दे मिम्‍ता बाक्‍त।

२ इतिहास 2:12

सरीङ नु रागी सेल्‍ब परमप्रभु यावे, इस्राएली आन परमप्रभु ठेयब बाक्‍ब। मेकोमी पिप दाऊद कली रुप्‍तीक नु तुइक्‍तीक थुं पाइश्‍शो तौ का गेप्‍तु। मेकोमी परमप्रभु यावे कली खिं का नु आंम कली दरवार का सेल्‍ब।

भजन संग्रह 4:4

गेपुकी गाइश्‍शा, पाप मपने। इन ब्राख्‍येम इप्‍शा, इन थुं नु लोव़ पने। मिनु सिक्‍सी पा बाक्‍कीन। ठेयब सेंदा पा। एफिसी ४:२६

भजन संग्रह 77:6

गो नाक्‍दो आं थुंमी रिम्‍शो बाक्‍बा देय मरिम्‍शो बाक्‍बा” दे मिम्‍स ङा मिम्‍स बाक्‍ती।

उपदेसक 2:1

मिनु गो आंम कली “मुल गो ग्‍येरसीनुङ। मिनु ग्‍येरसीशो थुं कली कोव़शा दाक्‍नुङ। तन्‍न मेको यो जाम्‍शा लाइब ला बाक्‍त, दे तुइक्‍ताक्‍ङ।

उपदेसक 2:15

मिनु मूर्ख कली दुम्‍तीक आं कली यो दुम्‍ब। गो मारदे जोक्‍ब तुइक्‍ब दुम्‍ङा? मिनु गो आंमा कली ‘मेको यो जाम्‍शा लाइब बाक्‍ब’ ” देंती।

उपदेसक 2:9

यरूसलेममी आं क्‍येङा ङोंइती ङा मुर नेल्‍ल आन क्‍येङा गो ठेयब दुम्‍ती। आं जोक्‍तीक तुइक्‍तीके गो नुन लीत। १राजा १०:२३

उपदेसक 3:17

गो आं थुंमी “परमप्रभुमी ठीक पाइब नु आ अरेशो लोव़ मटीब निम्‍फा आस कली निसाफ पाइब। मारदे हना मेकोमी मारेइ मारेइ नेल्‍ल कली नु गेय नेल्‍ल कली आ पतीक ना सेल्‍तु। उपदेसक १२:१४

येरमीया 22:14

मेकोमी ‘गो आं कली तला तार शुश ठेयब कोठा पाइश्‍शो खिं का सेल्‍नुङ’ देंब। मेकोमी झेलपुकी सेल्‍ब। मेको कली लेबानोन ङा लाइश्‍शो रवा आ शीम क्‍येप्‍शा, मेको कली लल रङ ख्रेक्‍ब।

दानीएल 4:30

मेकोमी “मार, एको बेबीलोन थम रिम्‍शो मबाक्‍बा ङा? गो एको आं ठेयब सक्तिमी आं शुश शोंप वोइश्‍शा, बाक्‍चा कली सेल्‍ता” देंत। हितोपदेस १६:१८

हिब्रू 5:14

पाको दुम्‍शो आन कली चहिं खमे गेंसीब। मेकोपुकीमी परमप्रभु यावे आ गेय पना पन मार रिम्‍शो बाक्‍मे, मार मरिम्‍शो मेको तुइक्‍नीम।