उपदेसक 1:13 - Sunuwar Bible

¹³ गो आं जोक्‍तीक तुइक्‍तीकेम रागीमी मार मार पांइसीबा, मेको नेल्‍ल तुइक्‍चा दाक्‍ताक्‍ङ। परमप्रभुमी मुर आन कली मोदेंशो तुइक्‍चा माल्‍तीक थुं गेशा, श्‍येत गेप्‍तु।

उपदेसक 1:13 ပူးပေါင်းရင်းမြစ်များ

उत्पत्ती 3:19

इ कुप्‍फी रे गाल यिपाइश्‍शा शोब्‍ले जचा माल्‍नेवे। गे खप मदुमे सम्‍म मोदेंशो पचा माल्‍नेवे। मारदे हना गो इ कली खप रे सेल्‍शो नङ” दे परमप्रभु यावेमी आदम कली देंमाक्‍त। उत्‍पत्ती २:७; भजन संग्रह ९०:१०; भजन संग्रह १०४:२९; उपदेसक १२:७; २थिस्‍सलोनिकी ३:१०

अय्‍युब 28:3

मुरुम छिङछिङ कली थुम्‍पाइक्‍नीम। मेकोपुकी रागी आगा ङा छिङछिङम खानी माल्‍ना माल्‍न गाक्‍नीम।

भजन संग्रह 111:2

परमप्रभु यावे आ गेय थम ठेयब बाक्‍नीम। सु सुम मेको कली दाक्‍नीमी, मेकोपुकीमी मेको शेंसीनीम।

हितोपदेस 18:1

सु मुर रे ब्राशा बाक्‍बा, मेकोमी आंम कली ला रिम्‍शो पचा दाक्‍ब। मेकोमी रुप्‍तीक थुं पाइश्‍शो मुर आन लोव़ काइ मनेंब।

हितोपदेस 18:15

निप्‍स पाइश्‍शो मुर आ जोक्‍तीके बारना बारन लाइब। जोक्‍ब तुइक्‍ब मुरुमी मेको क्‍येङा जोक्‍चा कली नोफा दाइक्‍ब।

हितोपदेस 23:26

आं तौ, इ थुं आं कली गेयी। आं पशो कोव़ङो।

हितोपदेस 25:2

परमप्रभुमी का निक्‍शी लोव़ ख्रुइश्‍शा आ सक्ति कोंइब। तन्‍न पिपमी नेल्‍ल तुइक्‍पाइश्‍शा, आ सक्ति ठेयब सेल्‍ब।

हितोपदेस 4:7

तुइक्‍‍तीके आ गोतीक मार बाक्‍त देंशा हना, तुइक्‍तीके शुश माल्‍चा माल्‍नेवे। मार ताप्‍तीवी हना यो, नेल्‍ल क्‍येङा ठेयब जोक्‍ब तुइक्‍ब दुमो।

उपदेसक 1:17

गो जोक्‍तीक तुइक्‍तीक रुप्‍चा, बौला दुम्‍तीक नु मूर्ख दुम्‍तीक तुइक्‍चा थुं पाता। तन्‍न मेको दा फश कली खेदा पशो खोदेंशो ला बाक्‍त, दे तुइक्‍ताक्‍ङ। उपदेसक २:१२; उपदेसक ७:२५

उपदेसक 11:5

गे फश ते रे जाक्‍‍‍बा नु ममा आ कोव़जमी आल दोपा ब्रोंइतीक सोक्‍त ताइबा, मेको मतुइक्‍नेवे। मोपा मारेइ मारेइ सेल्‍ब परमप्रभु आ गेय रुप्‍ने मचाप्‍नेवे। यूहन्‍ना ३:८; भजन संग्रह १३९:१३; उपदेसक ८:१७

उपदेसक 12:12

ए आं तौ, मेकेर तेम्‍शो लोव़ रे होस पा बाक्‍को। शुश किताब ब्रेक्‍तीक गेय गेनायो मनुप्‍ब। मिनु शुश पढेशोनु रां कली दपाइक्‍ब।

उपदेसक 2:23

मेको नाक्‍त किंत किंत श्‍येत जाइनीम। मिनु नाक्‍दो यो आन थुं नाइक्‍चा मताइनीम। मेको यो जाम्‍शा लाइब बाक्‍ब।

उपदेसक 2:26

परमप्रभुमी आ दाक्‍शो मुर कली जोक्‍तीक तुइक्‍तीके नु रुप्‍शा ग्‍येरतीक थुं गेब। तन्‍न मरिम्‍शो पाइब आन कली खुप्‍तीक नु तेल्‍तीक गेय पपाइक्‍ब। मिनु नोले मेको नेल्‍ल आ दाक्‍शो मुर आन कली गेब। मेको यो जाम्‍शा लाइब नु फश कली खेदा पशो खोदेंशो ला बाक्‍ब। हितोपदेस १३:२२; हितोपदेस २८:८

उपदेसक 3:10

परमप्रभुमी मुर नेल्‍ल आन कली श्‍येत ङा गेय गेप्‍तु। गो मुर मेको गेय पस ङा पस तातामी।

उपदेसक 3:11

मेकोमी मारेइ मारेइ आन कली गारपाइश्‍शा सेल्‍तु। मेकोमी गेना हना यो ब्रोंइशा बाक्‍तीके मुर आन थुंम वोइक्‍तु। मो हना यो मेकोपुकीमी परमप्रभुमी ङोंइती रे नोले सम्‍म मार पवा, मेको रुप्‍ने मचाप्‍नीम। उपदेसक ८:१७

उपदेसक 4:4

मिनु गो मार ताता देंशा हना, मुरपुकी श्‍येत पा अरु आन कली गेहे पतीके रे जोक्‍ब दुम्‍नीम। मेको यो जाम्‍शा लाइब नु फश कली खेदा पशो खोदेंशो ला बाक्‍ब।

उपदेसक 4:8

मेको मार ताता देंशा हना तमी तौ नु सुइ लोक्‍ब मपाइश्‍शो मुर का बाक्‍त। तन्‍न मेकोमी शुश श्‍येत पा गेय पाइबाक्‍त। आ गेय गेनायो मथुम्‍थु, आ शोंपोम थुं मनुइबाक्‍त। मिनु काबु मेकोमी आंम कली “गो मारदे मोदेंशो श्‍येत ङा गेय पना पन बाक्‍नुङ? गो मारदे आंम कली मारेइ रिम्‍शो मपाइनुङा?” देंत। मेको यो जाम्‍शा लाइब नु श्‍येत जतीक ला बाक्‍ब।

उपदेसक 7:25

मोपतीके गो जोक्‍तीक तुइक्‍तीक नु नेल्‍ल तुइक्‍चा थुं पाता। मिनु परमप्रभु आ अरेशो मटिचा मूर्ख गेय बाक्‍ब। मिनु मूर्ख गेयमी निप्‍स ग्‍यशो दुम्‍शो बाक्‍ब। भजन संग्रह १४:१

उपदेसक 8:9

गो रागीम पशो नेल्‍ल कोव़ङुनु, नेल्‍ल ताता। सक्ति पाइश्‍शो मुरुमी अरु आन कली दिप्‍शा वोइक्‍नीम।

१ तिमोथी 4:15

मोपा बाक्‍को। मेको इ पशो तशा, नेल्‍लेमी इ थमा सुइक्‍तीके बारशो तामेक्‍ल।