ब्‍यवस्‍था 9:27 - Sunuwar Bible

²⁷ इन वाइल अब्राहाम, इसहाक नु याकूब आन कली मिम्‍तीन। एको मुर आन खकटा थुं, इन अरेशो मटितीके नु आन मरिम्‍शो पतीके मकोव़ङीन।

ब्‍यवस्‍था 9:27 ပူးပေါင်းရင်းမြစ်များ

उत्पत्ती 19:29

मोपा परमप्रभुमी मेको दिंम, सहर निक्‍शी क्‍याम्‍दा बाक्‍त। मेना परमप्रभुमी अब्राहाम आ पुंइशो लोव़ मिम्‍शा, लोत कली मेको सहर रे ग्रुंइशा प्रोना बाक्‍त। नोले मेकोमी मेको सहर नेल्‍ल खतम पोक्‍गा बाक्‍त।

भजन संग्रह 130:3

परमप्रभु यावे, गे आंइ मरिम्‍शो पशो मिम्‍ताक्‍नी हना, इन ङोंइती राप्‍ने चाप्‍नीमी ङा?

भजन संग्रह 78:8

मेको आन किकी पिपी खोदेंशो मदुम्‍मल। मेकोपुकी खकटा थुं पाइश्‍शो नु मटीब पाला ङा मुर बाक्‍तेक्‍म। मेकोपुकी नोले शोंइसीशा, परमप्रभु कली प्रोंइतेक्‍म। ब्‍यवस्‍था ३२:५-६

प्रस्‍थान 13:5

मिनु परमप्रभु यावेमी इन किकी पिपी आन कली ‘कनानी, हित्ती, एमोरी, हिव्‍वी नु यबुसी आन रागी इन कली गेनुङ’ दे कसम जशो बाक्‍माक्‍त। मेको रागीमी जाक्‍दीश्‍शा, आबीब महिनामी पास्‍सा चाड मानेचा माल्‍नीनी। मेको रागीम दूध नु खुदो शुश बाक्‍ब, मारेइ मारेइ यो शुश ग्रेल्‍ब। उत्‍पत्ती १५:१८

प्रस्‍थान 3:16

गे इस्राएल जात ङा मुर आन खाल्‍पा आन कली खुप्‍थ लावो। मिनु मेको आन कली ‘परमप्रभु यावे इन किकी पिपी आन परमप्रभु आं ङोंइती ग्रूत। अब्राहाम, इसहाक नु याकूब आन परमप्रभुमी आं कली ग्रुम्‍शा, लोव़ पाप्‍तु’। मेकोमी आं कली ‘गो थमा पा इन कली ग्रुम्‍थ यिती, इजीप्‍त रागीम इन कली गिश श्‍येत गेमे, मेको ताता।

प्रस्‍थान 3:6

गो इ आफ आ परमप्रभु इ किकी पिपी अब्राहाम, इसहाक नु याकूब आन परमप्रभु नङ” दे मोसा कली लोव़ पाप्‍तु। मिनु मोसामी परमप्रभु कली तशा हिंशा, आ कुल सुम्‍साक्‍व। उत्‍पत्ती १७:१; उत्‍पत्ती २८:१-४; उत्‍पत्ती ३५:९-११; मत्ती २२:३२

प्रस्‍थान 32:13

इन गेय पाइब अब्राहाम, इसहाक नु याकूब मिम्‍तीने। मेको आन पर्बम इन नेंमी ‘गो इन कली सरीङ ङा सोरुल खोदेंशो पा शुश सेल्‍नुङ। आं देंशो रागी इन चच युइ आन कली गेनुङमी। मिनु एको रागी गेना हना यो मेको आन के दुम्‍ब’ दे कसम जाइतीनी” दें‍त। उत्‍पत्ती १५:५; उत्‍पत्ती २२:१६-१७; उत्‍पत्ती २६:४

हितोपदेस 21:12

ठीक पाइबमी परमप्रभु यावे आ अरेशो मटीब मुर आन खिं कोव़ना कोव़न बाक्‍ब। मिनु परमप्रभुमी आ अरेशो मटीब आन कली खतम पोक्‍ब।

येरमीया 14:21

इन नें आ पर्बम आंइ कली शोर गाक्‍शो ममिम्‍तीन। गो इन सक्ति पाइश्‍शो नित्‍तीक कली आइक्‍च मसेल्‍पाइक्‍नीकी। इन पशो कबल मिम्‍तीन। गे मेको मक्‍याम्‍दीन।

येरमीया 50:20

मेको नाक्‍ती इस्राएल आ मरिम्‍शो पशो माल्‍शा कोव़शा हना यो, मथिंसीब। यहूदा आ पाप माल्‍शा हना यो, मथिंसीब। मारदे हना गो आं प्रोंइशा वोइश्‍शो लीशो आन कली आन पाप माफ गेतामी। येरमीया ३३:७-८

लेवी 26:42

गो याकूब, इसहाक नु अब्राहाम नु पशो आं कबल नु मेको रागी कली मिम्‍नुङ। प्रस्‍थान २:२४; २राजा १३:२३

लेवी 26:45

तन्‍न गो मेको आन कली मिम्‍शा, आन किकी पिपी नु पशो आं कबल मिम्‍नुङ। गो नेल्‍ल रागी ङा मुरपुकीम तचा ङा पा मेको आन परमप्रभु दुम्‍तीके, मेको आन कली इजीप्‍त रागी रे ग्रुंइशा चाक्‍ताक्‍मी। गो परमप्रभु यावे नङ” दे परमप्रभु यावेमी देंत। उत्‍पत्ती १२:७

ब्‍यवस्‍था 9:26

मिनु गो परमप्रभु यावे कली ‘परमप्रभु, इन मुर आन कली मक्‍याम्‍दीन। गे मेको आन कली प्रोंइशा इन शुश सक्ति पाइश्‍शोमी इजीप्‍त रागी रे ग्रुंइताक्‍नी।

ब्‍यवस्‍था 9:28

गे मेको आन कली क्‍याम्‍ताक्‍नी हना, आंइ कली ग्रुंइशो रागी ङा मुरपुकीमी “परमप्रभु यावेमी मेको आन कली देंशो रागी चाक्‍दीन्‍ने मचाप्‍तीके, मेको आन कली मदाक्‍तीके गोरशो रागीम साइक्‍चा कली एक रे ग्रुंइशा लाइक्‍तु” देंनीम। गन्‍ती १४:१६

१ सामुएल 25:25

आ प्रभु, मेको शोर गाक्‍शो मुर आ पर्बम मगाइक्‍तीन। मेको आ नें दोपा नाबाल बाक्‍मे, मेको मो देंशोन बाक्‍ब। आ नें नाबाल बाक्‍ब। मिनु मेको मूर्ख बाक्‍ब। तन्‍न गो, इन गेय पाइबम, इन सोइश्‍शो ठिटा आन कली मतङमी।