ब्‍यवस्‍था 9:24 - Sunuwar Bible

²⁴ गो इन कली तुइक्‍तु रेन गे परमप्रभु यावे आ लोव़ मटिथु गन गन पाइतीनी।

ब्‍यवस्‍था 9:24 ပူးပေါင်းရင်းမြစ်များ

भजन संग्रह 78:8

मेको आन किकी पिपी खोदेंशो मदुम्‍मल। मेकोपुकी खकटा थुं पाइश्‍शो नु मटीब पाला ङा मुर बाक्‍तेक्‍म। मेकोपुकी नोले शोंइसीशा, परमप्रभु कली प्रोंइतेक्‍म। ब्‍यवस्‍था ३२:५-६

प्रस्‍थान 32:22

मिनु हारूनमी “आं पर्बम मगाइक्‍तीन। गे एको मुर आन कली तुइक्‍नीनी। एकोपुकी दूली पाइब ला बाक्‍नीम।

यसैया 48:8

गे मेको मनेंशो मतुइश्‍शो बाक्‍नीनी। साइ ङोंइती रे नोफा मनेंब बाक्‍तीनी। गे जोल पा गेय पाइब बाक्‍नीनी। मेको गो तुइक्‍ताक्‍ङ। आल रेन गे काइ मटीब बाक्‍तीनी, दे तुइक्‍ताक्‍ङ।

येरमीया 4:17

मेकोपुकी रू खाल पाइक्‍बपुकी खोदेंशो पा, एर ओंथ नेल्‍ल हिरशा बाक्‍शो बाक्‍नीम। मारदे हना मेकेर ङा मुरपुकी आं कली काइ मटीब बाक्‍नीम” दे परमप्रभु यावेमी देंत। येरमीया १:१५; येरमीया ६:३

इजीकीएल 20:8

तन्‍न मेकोपुकीमी आं कली मटिथु, आं लोव़ मनेनेम। सुइम आन कोव़त दाक्‍शो ग्रांग्रा दित्‍चा ङा थोव़क मताइक्‍तेक्‍म। सुइमी इजीप्‍त ङा मूर्तिपुकी यो मप्रोनेम। मिनु गे इजीप्‍त रागीम बाक्‍नीनु, आं गाइश्‍शो नेल्‍ले इन तारी मोइक्‍नुङ, दे मिम्‍ताक्‍ङ।

गन्‍ती 14:9

गेपुकी परमप्रभु यावे कली गन गन मपने। मिनु मेको रागी ङा मुर आन क्‍येङा महिनीन। मारदे हना गो मेको आन कली शोब्‍ले खोदेंशो पा नेक्‍नय। मेको आन कली प्रोंइब सुइ मबाक्‍नीम। परमप्रभु यावे गोपुकी नु बाक्‍ब। मेको आन क्‍येङा महिंनीन” देंताक्‍स। गन्‍ती १३:३२

गन्‍ती 17:10

मिनु परमप्रभु यावेमी मोसा कली “मरिम्‍शो पाइब मुर आन कली मिम्‍तीके दुम्‍पाइक्‍चा कली हारून आ कोक्‍के लेंशा सल्‍ला पशो सन्‍दोस आ ङोंइती लाइश्‍शा वोतो। मिनु मेकोपुकीमी आं पर्बम गन गन पचा मप्रोंइतेक्‍म हना, बेक्‍नीम” देंत। हिब्रू ९:४

गन्‍ती 23:21

याकूब कली मरिम्‍शो मदुम्‍ब, देंशो बाक्‍ब। मिनु इस्राएली आन कली श्‍येत मदुम्‍ब। मेको परमप्रभु यावे, आन परमप्रभु मेकोपुकी नु बाक्‍ब। मिनु मेको आन दातेमी पिप बाक्‍ब।

गन्‍ती 32:14

मिनु मुल गे, पाप पाइबपुकी, परमप्रभु यावेमी इस्राएल आ पर्बम गाइश्‍‍शो बाक्‍त। मिनु गेपुकीमी चिनु तेम्‍शो बाक्‍नीनी।

प्रेरित 7:51

“ए, गे परमप्रभु यावे आ लोव़ मनेंथु मटीब फुल्‍लु खोदेंशो थुं पाइश्‍शोपुकी, गे परमप्रभु यावे कली मतुइक्‍ब मुर खोदेंशो पाइनीनी। इन किकी पिपीमी पशो खोदेंशो पा गे यो परमप्रभु यावे आ सोक्‍त आ देंशो मटिथु दूली पाइनीनी। प्रस्‍थान १२:९; लेवी २६:४; रोमी २:२८-२९

ब्‍यवस्‍था 31:27

मारदे हना गो इन मरिम्‍शो पतीक नु इन मटितीके तुइक्‍नुङ। गो मुल सम्‍म गेपुकी नु बाक्‍शा यो, गेपुकी परमप्रभु यावे कली गन गन पा मटीब बाक्‍तीनी। गो बेक्‍ङा नोले दोशो मरिम्‍शो पाइनीनी?

ब्‍यवस्‍था 9:4

मिनु परमप्रभु यावे, इन परमप्रभुमी मेको आन कली इन ङोंइती रे खेरानु, गे इन थुंमी ‘परमप्रभु यावेमी आंइ ठीक पतीके एको रागीम चाक्‍तु’ दे ममिम्‍तीन। मेको रागी रागी ङा मुर आन मरिम्‍शो पतीके परमप्रभु यावेमी मेको आन कली इन ङोंइती रे खेरब। ब्‍यवस्‍था ८:१७; उत्‍पत्ती १५:१६