ब्‍यवस्‍था 9:21 - Sunuwar Bible

²¹ मिनु इन पशो पाप, मेको बाछा लाइश्‍शा, मीम हुम्‍ताक्‍ङ। मेको कली तुप्‍शा, फस सेल्‍ता। मिनु मेको फस पहाड रे यिशो खोलाम ताइक्‍ताक्‍ङ।

ब्‍यवस्‍था 9:21 ပူးပေါင်းရင်းမြစ်များ

१ राजा 15:13

मिनु आ बगे माकाह कली राज्‍य ङा ममा रे ग्रुंइदा बाक्‍त। मारदे हना मेकोमी अशेराह देवी आ ग्रांग्रा दिशो थाम पाइश्‍शो मूर्ति का सेल्‍सीशो बाक्‍माक्‍त। आसामी मेको मूर्ति पाइश्‍शो थाम क्‍‍योरशा खोल्‍शा किद्रोन खोल्‍साम चोपाइक्‍मी बाक्‍त।

२ इतिहास 34:7

अशेराह आ चढ़ेतीकपुकी प्रेश्‍शा नु मूर्ति पाइश्‍शो थामपुकी नु मूर्ति नेल्‍ल फस पोक्‍गा बाक्‍त। मिनु मेकोमी इस्राएल रागी नेल्‍ल ङा धूप चोतीक खतम पोक्‍गा बाक्‍त। मिनु नोले मेको यरूसलेम लेम्‍माक्‍त।

प्रस्‍थान 32:20

मिनु मोसामी इस्राएली आन सेल्‍शो बाछा लाइश्‍शा, मीम हुम्‍शा, तुप्‍शा फस सेल्‍शा, ब्‍वाक्‍कुम फुइश्‍शा, इस्राएली आन कली तूपाइक्‍तीमी।

यसैया 30:22

मेना इन मुशा सेल्‍शो चांदी नु सुनम गिल्‍शो मूर्तिपुकी ग्रांग्रा दीनीनी। गे मेको आन कली ग्रांग्रा दिचा ङा वा खोदेंशो पा ताइक्‍नीनी। मिनु मेको आन कली “ङोन लने” दे ताइक्‍नीनी। यसैया २७:९

यसैया 31:7

मारदे हना मेको नाक्‍ती गे नेल्‍लेमी इन सुन नु चांदी के मूर्ति नेल्‍ल बेरपाइक्‍‍नीनी। गे मेको पाप पा इन आंम गुइमी सेल्‍तीनी। यसैया २:२०

होसे 8:11

एफ्राइममी आ पाप पतीके चढ़ेतीक शुश सेल्‍तु। मेको चढ़ेतीके शुश सेल्‍तीके मेको कली पाप दुम्‍शो बाक्‍ब।

मीका 1:7

मिनु मेको आ मूर्ति नेल्‍ल प्रोल्‍चा पुंइसीनीम। मेको आ गेय पा चेम्‍शो क्‍येट नेल्‍ल मीम हुम्‍‍चा पुंइसीब। गो मेको आ मूर्ति नेल्‍ल खतम पोक्‍नुङ। मारदे हना मेको नेल्‍ल तेल्‍लेम पा चेम्‍शो क्‍येट खोदेंशो पा खुप्‍शो बाक्‍नीम। मोपतीके मेको तेल्‍लेम पा चेम्‍शो क्‍येट खोदेंशो पा जाम्‍शा लाइनीम” देंत। होसे २:७,१४

ब्‍यवस्‍था 9:20

परमप्रभु यावे हारून आ पर्बम यो शुश गाइश्‍शा ‘मेको कली साइक्‍नुङ’ दे मिम्‍शो बाक्‍त। गो हारून आ पर्बमी यो पुंइता।