ब्‍यवस्‍था 9:12 - Sunuwar Bible

¹² मिनु परमप्रभु यावेमी आं कली ‘बोक्‍को, रीब पा एक रे ब्रुपो। मारदे हना इ इजीप्‍त रे ग्रुंइशो मुरपुकीमी आं देंशो लां रीब पा प्रोंइतेक्‍म। आंम आन कली खतम सेल्‍तेक्‍म। गोम मेको आन कली मपचा देंशो पाम्‍तेक्‍म नु आंम कली सुन के मूर्ति सेल्‍तेक्‍म’ देंत।

ब्‍यवस्‍था 9:12 ပူးပေါင်းရင်းမြစ်များ

भजन संग्रह 78:57

मेको आन किकी पिपी खोदेंशो पा नोले शोंइसाक्‍म। मिनु मेकोपुकी ब्रोइक्‍चशो लिब्रा खोदेंशो पा दूली पाइब दुम्‍तेक्‍म।

प्रस्‍थान 13:3

मिनु मोसामी मुर आन कली “गेपुकी इजीप्‍त रागीम वाइलीम वाइल दुम्‍शा, ब्रोंइशा, एक जाक्‍शो नाक्‍त मप्रेंदीन। परमप्रभु यावेमी इन कली आ सक्तिमी ग्रुंइताक्‍व। मोपतीके मेको नाक्‍त गे बोरब ओख्‍ती मसुप्‍शो शोब्‍ले ला जचा माल्‍नीनी। प्रस्‍थान १२:३३-३४

प्रस्‍थान 32:1

मिनु इस्राएल ङा मुरपुकीमी मोसा कली डांडा रे मयिशो तशा, हारून आ बाक्‍तीक जाक्‍शा, मेको कली “लो, इं ङोंइङोंइती गाक्‍शा लां कोंइब देवता सेलो। आंइ कली इजीप्‍त रागी रे ग्रुंइशा, एक चाक्‍ब मोसा मार दुम्‍मे? मतुइक्‍तक” दे हारून कली देंमा बाक्‍त। ब्‍यवस्‍था ९:८-२१

होसे 6:4

मिनु परमप्रभुमी “एफ्राइम, गो इ कली मार पङ? यहूदा इ कली मार पङ? इस दाक्‍चा सुनी ङा गोस्‍स खोदेंशो नु रीब पा जाम्‍शा लाइब सीत खोदेंशो बाक्‍ब। होसे ७:१६

गलाती 1:6

इन कली तशा, गो छक लाक्‍ती। मारदे हना इन कली येसु ख्रीस्‍त रे पा शिशी पा आ गे ब्रेप्‍ब कली प्रोंइशा, अर्को आन ग्‍येरपाइक्‍ब लोव़ नेंतीनी।

ब्‍यवस्‍था 31:29

मारदे हना गो बेक्‍ङा नोले गेपुकी थमा पा दूली पाइब दुम्‍नीनी। मेको गो तुइक्‍नुङ। मिनु गेपुकी आं अरेशो लां रे ङोन लाइनीनी। मिनु गेपुकीमी परमप्रभु यावे आ ङोंइती मरिम्‍शो पाइनीनी। मिनु मेको इन पतीकेमी मेको कली गाइक्‍पाइक्‍नीनी। नोले ङा नाक्‍तीमी इन कली शुश श्‍येत दुम्‍ब” देंत।

ब्‍यवस्‍था 32:5

तन्‍न मेको पाला ङा मरिम्‍शो दुम्‍शो मुरपुकीमी मेको कली मरिम्‍शो पाम्‍तेक्‍म। मेको दूली पाइब नु हेंथे गाक्‍ब ला ङा बाक्‍नीम। यसैया १:२-४; मत्ती १७:१७

ब्‍यवस्‍था 4:16

मिनु गे इन कली मूर्ति सेल्‍शा, खतम मसेल्‍सीन। गे होस पा बाक्‍कीन। तेकोइ वोंइश मुर, मीश मुर, प्रस्‍थान २०:४

ब्‍यवस्‍था 5:15

मिनु गेपुकी इजीप्‍तमी वाइल दुम्‍तीके मप्रेंदीन। परमप्रभु यावे, इन परमप्रभुमी शुश सक्ति पाइश्‍शो नु आ ठेयब बोल पतीकेमी इन कली ग्रुंइशा, एक चाक्‍तु। मोपतीके परमप्रभु यावे, इन परमप्रभुमी इन कली नाइक्‍तीक नाक्‍ती नाइक्‍चा माल्‍ब, दे अरे‍शो बाक्‍ब। ब्‍यवस्‍था १५:१५; ब्‍यवस्‍था १६:१२; ब्‍यवस्‍था २४:१६,२२

ब्‍यवस्‍था 9:16

मिनु गेपुकीमी परमप्रभु यावे, इन परमप्रभु कली पाप पा, आंम कली बाछा आ मूर्ति सेल्‍सीशो बाक्‍तीनी। परमप्रभु यावेमी इन कली अरेशो लां रीब पा प्रोंइशा दूली लां खोइक्‍नी बाक्‍त।

ब्‍यवस्‍था 9:26

मिनु गो परमप्रभु यावे कली ‘परमप्रभु, इन मुर आन कली मक्‍याम्‍दीन। गे मेको आन कली प्रोंइशा इन शुश सक्ति पाइश्‍शोमी इजीप्‍त रागी रे ग्रुंइताक्‍नी।

ब्‍यवस्‍था 9:29

मेको इन मुर बाक्‍नीम। मिनु गे शुश सक्ति नु ठेयब बोलमी ग्रुंइशा चाक्‍तीनी’ दे परमप्रभु कली पुंइशा, लोव़ पाता” देंत।

यहूदा 1:10

मेको मुरपुकी चहिं आन मतुइश्‍शो नेल्‍ल आन पर्बम शुक्‍शी पाइनीम। मिनु मिम्‍तीक मपाइश्‍शो बस्‍तु भाव आन तुइश्‍शोमी खोदेंशो पाइनीम। मिनु मेको पशा, खतम सेल्‍चा पुंइसीनीम।

न्‍यायाधीस 2:17

तन्‍न मेकोपुकीमी निसाफ पाइब आन देंशो लोव़ मनेन्‍मे बाक्‍त। मेकोपुकीमी तेल्‍लेम पशो खोदेंशो पा अरु देवी देवता आन नोले खोदमे बाक्‍त। मेको आन ङोंइती बाम्‍मा बाक्‍त। मेकोपुकी परमप्रभु यावे आ शेंशो लोव़ टीब आन किकी पिपी आन गाक्‍शो लां प्रोंइशा, मटीब दुम्‍मा बाक्‍त।