ब्‍यवस्‍था 9:10 - Sunuwar Bible

¹⁰ मिनु परमप्रभु यावेमी, आंम गुइम ब्रेक्‍शो फुल्‍लु निक्‍शी गेती। मिनु मेको फुल्‍लु तार मार ब्रेक्‍शो बाक्‍त देंशा हना, परमप्रभु यावेमी डांडामी इन कली पशो लोव़ नेल्‍ल ब्रेक्‍शो बाक्‍त। परमप्रभुमी मेको ग्रुम्‍ची नाक्‍त डांडाम ब्रशो मी आ दाते रे इन कली लोव़ पशो बाक्‍त।

ब्‍यवस्‍था 9:10 ပူးပေါင်းရင်းမြစ်များ

प्रस्‍थान 31:18

मिनु परमप्रभुमी मोसा नु सीनै डांडाम लोव़ पने थुम्‍शा, आ देंशो फुल्‍लु निक्‍शीमी मुशा आंम ब्रेक्‍शो लोव़ मोसा कली गेप्‍तु। प्रस्‍थान २४:१२; प्रस्‍थान ३२:१५-१६; प्रस्‍थान ३४:२८; ब्‍यवस्‍था ४:१३; ब्‍यवस्‍था ५:२२; ब्‍यवस्‍था ९:१०; ब्‍यवस्‍था १०:१-५

मत्ती 12:28

गोमी परमप्रभु आ सोक्‍तीमी वोल आन कली खेरनुङ हना, परमप्रभु यावे आ राज्‍य जाक्‍शो बाक्‍माक्‍त, दे तुइक्‍तीन। १यूहन्‍ना ३:८

लूका 11:20

गोमी परमप्रभु यावे आ सक्तिम वोल आन कली खेरता हना, परमप्रभु यावे आ राज्‍य जाक्‍शो बाक्‍माक्‍त, दे तुइक्‍तीन। प्रस्‍थान ८:१५

२ कोरिन्‍थी 3:3

गे ख्रीस्‍तमी ब्रेक्‍शो चिठी दुम्‍तीनी। कागज मसीमी ब्रेक्‍शो ममाइ। फुल्‍लु मुशा ब्रेक्‍शो यो ममाइ। ब्रोंइचा गेब परमप्रभु यावे आ सोक्‍तीमी इन थुंमी ब्रेक्‍शो बाक्‍ब। प्रस्‍थान २४:१२

ब्‍यवस्‍था 10:4

मिनु परमप्रभु यावेमी ङोंइती डांडाम लोव़ पशो खोदेंशो पा मेको १० ओटा लोव़ लेंशा ब्रेक्‍ताक्‍व। मेको लोव़, गेपुकीम डांडा ङा मी आ दाते रे नेंशो ननी। मिनु परमप्रभु यावेमी मेको ब्रेक्‍स पाइश्‍शो चेश्‍शो फुल्‍लु निक्‍शी गेती।

ब्‍यवस्‍था 18:16

मिनु होरेब डांडाम ग्रुम्‍या नाक्‍त परमप्रभु यावे, इन परमप्रभु कली मार पुंइतीनी देंशा हना ‘गो परमप्रभु यावे, आंइ परमप्रभु आ सेंदा लेंशा नेंचा मदाक्‍नीक। मिनु मेको ठेयब मी लेंशा तचा मदाक्‍नीकी। लेंशा, ताइताक हना, बेक्‍नीकी, कों’ दे हिंशा पुंइतीनी। प्रस्‍‍थान २०:१९; हिब्रू १२:१९

हिब्रू 8:10

मेको कबल मार बाक्‍ब देंशा हना, गो आं अरेशो लोव़ मेको आन मिम्‍तीकेम वोइश्‍शा, आन थुंम ब्रेक्‍नुङ। मिनु गो मेको आन परमप्रभु यावे दुम्‍नुङ। मिनु मेकोपुकी आं मुर दुम्‍नीम।