ब्‍यवस्‍था 8:5 - Sunuwar Bible

⁵ मिनु मुरपुकीमी दोदेंशो पा आन तौ आन कली शेंचा, दे सजाइ गेनीमी, मोदेंशो पा परमप्रभु यावे, इन परमप्रभुमी इन कली शेंचा, दे सजाइ गेप्‍तु। मेको तुइक्‍चा माल्‍नीनी। यसैया २८:२६; येरमीया ३०:११; येरमीया ४६:२८

ब्‍यवस्‍था 8:5 ပူးပေါင်းရင်းမြစ်များ

२ सामुएल 7:14

गो मेको आ आफ दुम्‍नुङ। मिनु मेको आं तौ दुम्‍ब। मेकोम मरिम्‍शो पाप्‍तु हना, गो मेको कली मुर खोदेंशो पा कोक्‍केम तुप्‍नुङ। भजन संग्रह २:७; भजन संग्रह ८९:२७; लूका १:३२; हिब्रू १:५

भजन संग्रह 89:32

गो मेको आन पाप आ पर्बम कोक्‍केमी सजाइ गेनुङमी। गो मेको आन ठीक मपशो आ पर्बम तुप्‍शा सजाइ गेनुङमी।

भजन संग्रह 94:12

परमप्रभु यावे, गे सु सु कली सजाइ गेशा, शेंदीनी, मेको ग्‍येरसीशो मुर दुम्‍नीम। मारदे हना मेको आन कली इन अरेशो लोव़ शेंनीनी। अय्‍युब ५:१७

हितोपदेस 13:24

सुमी आ तौ कली शेंशा मतुप्‍बा, मेकोमी आ तौ कली मदाक्‍ब। तन्‍न सुमी आ तौ कली दाक्‍बा, मेकोमी आ तौ कली शेंब।

हितोपदेस 3:11

आं तौ, परमप्रभु यावेमी इ कली देंशो रिम्‍शो पावो। आ हुइश्‍शो नेंशा, मरिम्‍शो मसुतो। हिब्रू १२:५-६; अय्‍युब ५:१७-१९

हितोपदेस 3:12

मारदे हना परमप्रभु यावेमी आ दाक्‍शो मुर आन कली ला हुइक्‍ब। मेकोमी रिम्‍शो आफोमी आ दाक्‍शो तौ कली खोदेंशो पा सजाइ गेब। १कोरिन्‍थी ११:३२; प्रकाश ३:१९

उपदेसक 7:14

नाक्‍त रिम्‍शो दुम्‍मेनु ग्‍येरसीन। तन्‍न नाक्‍त मरिम्‍शो दुम्‍मेनु मिम्‍तीन। मेको निम्‍फा परमप्रभुमी सेल्‍शो बाक्‍ब। मोपा मुरुमी नोले आंम कली मार दुम्‍बा, दे मतुइक्‍नीम।

यसैया 1:3

ब्‍यफोमी आ होव़प कली तुइक्‍ब। गधामी आ होव़प आ शुंगु तुइक्‍ब। तन्‍न इस्राएल ङा मुर मतुइक्‍ब बाक्‍नीम। आं मुर मरुप्‍ब बाक्‍नीम।

इजीकीएल 12:3

मारदे हना मेकोपुकी मटीब मुर आन खिं ङा बाक्‍नीम। मोपतीके गे रागी रे ग्‍याइश्‍शा लाइक्‍चा पुंइसीशो मुर खोदेंशो पा इ कुम्‍लो खिक्‍सो। मिनु नाक्‍तीन मेको आन ङोंइती इ बाक्‍तीक रे ग्‍याइश्‍शा लाइक्‍चा पुंइसीशो खोदेंशो पा अर्को ठाउं लावो। मेकोपुकी मटीब खिं ङा मुर बाक्‍तेक्‍म हना यो, रुप्‍नीमी कों?

इजीकीएल 18:28

मारदे हना मेकोम मिम्‍शा, आ पशो मरिम्‍शो नेल्‍ल रे लेत्‍त हना, मेको थमा पा ब्रोंइब। मेको बेक्‍चा ममाल्‍ब।

१ कोरिन्‍थी 11:32

तन्‍न प्रभुमी आंइ कली नाक्‍शा सजाइ गेब। मेको शेंचा कली बाक्‍ब। मोपा रागी ङा मुर नु काथा बाक्‍शा, जाम्‍शा मलाइनीकी। हितोपदेस ३:११-१२

ब्‍यवस्‍था 1:31

मिनु गोरशो रागीम गेपुकी गाक्‍नीनु, आफोम आ तौ कली कुरशो खोदेंशो पा, परमप्रभु यावे, इन परमप्रभुमी इन कली एक जाक्‍ची सम्‍म कुरशो बाक्‍त। गे आंमा तुइक्‍नीनी। ब्‍यवस्‍था ८:५; प्रस्‍थान १९:४

ब्‍यवस्‍था 4:23

मिनु परमप्रभु यावे, इन परमप्रभुमी गे नु पशो कबल मप्रेक्‍थु, होस पा बाक्‍कीन। गे मप्रेंथु परमप्रभु यावे, इन परमप्रभुमी देंशो टिशा मारेइ के मूर्ति मसेलीन।

ब्‍यवस्‍था 4:36

मिनु मेकोमी सरीङ रे इन कली शेंचा, दे आ सेंदा नेंपाइक्‍तु। मिनु खपीम इन कली आ ठेयब मी कोंइताक्‍व। गे मी आ दाते रे आ लोव़ पशो नेंतीनी। प्रस्‍थान २०:१,१८,२०

ब्‍यवस्‍था 4:9

इन आंम तशो इन थुंम वोइश्‍शा, मप्रेंथु, होस पा बाक्‍कीन। गे ब्रोंइनी सम्‍म इन थुंम वोतीन। इन आल नु चच युइ आन आन कली शेंदीन। भजन संग्रह १०३:२

ब्‍यवस्‍था 8:6

मिनु गेपुकीमी परमप्रभु यावे, इन परमप्रभु आ शेंशो पना पन बाक्‍कीन। परमप्रभु आ लां गाक्‍शा, मेको कली मान पा हिनीन।

प्रकाश 3:19

गो आं दाक्‍शो मुर आन कली आन मरिम्‍शो पतीके कोंइनुङ। नोले गो मेको आन कली श्‍येत गेशा, आल खोदेंशो पा शेंनुङ। इन थुं गो आं गे लेत्‍तीन। इन थमा सुइक्‍तीके बारपतीन। हितोपदेस ३:१२; १कोरिन्‍थी ११:३२; हिब्रू १२:६