ब्यवस्था 8:15 - Sunuwar Bible15 मेकोमी इन कली ठेयब हिंचा ङा गोरशो रागीम बाक्पाइक्तु। मेकेर बीस पाइश्शो बुस्स नु बिच्छी बाक्तेक्म। मेकोमी इन कली सोव़शो रागीम हिरताक्व। मिनु इन पर्बम ठेयब फुल्लु रे ब्वाक्कु बुक्पाइक्तु। गन्ती २१:६; प्रस्थान १७:६ အခန်းကိုကြည့်ပါ။ |
मिनु परमप्रभु यावेमी दक्खिन ङा नेगेब ङा जन्तु आन पर्बम यसैया कली मेको रागी हिंचा ङा नु श्येत ङा रागी बाक्ब। मेकेर गुप्सनी नु ग्रीब गुप्स, बुस्स नु बीस पाइश्शो बेरब बुस्स बाक्नीम। मिनु मुरपुकीमी आन शोंप गधा आन तारी नु शुश क्येट लाइब थोव़क दलओंठ आन तारी कुरपाइश्शा गाक्नीम। मेको शोर गाक्शो नु वारच मपाइब आन कली गेचा कली कुरपाइक्नीम। ब्यवस्था ८:१५
मेकोपुकीमी ‘आंइ कली इजीप्त रागी रे ग्रुंइब परमप्रभु यावे ते बाक्बा? मेकोमी आंइ कली गोरशो रागीम लां कोंइशा गाक्पाइक्तु। मेको मुर मबाक्तीक गोरशो रागी नु शुश खाल्टा बाक्शो रागी बाक्त। ब्वाक्कु मबाक्शो नु छिङछिङ ङा रागी बाक्त। मेको सुइ मगाक्तीक नु सुइ मुर मबाक्तीक रागी बाक्त’ देंतेक्म। ब्यवस्था ८:१५