ब्‍यवस्‍था 7:7 - Sunuwar Bible

⁷ मिनु परमप्रभु यावेमी जात जात आन क्‍येङा गे शुश मुर बाक्‍तीके इन कली दाक्‍शा योव़शो ममाइ। थमा पा, गे जात जात ङा मुर आन क्‍येङा आइक्‍च जात बाक्‍नीनी। ब्‍यवस्‍था १०:१५

ब्‍यवस्‍था 7:7 ပူးပေါင်းရင်းမြစ်များ

१ इतिहास 16:19

मेकोपुकी शुश मुर मबाक्‍तीके, मान मताइब नु अर्को रागी ङा मुर बाक्‍शा,

भजन संग्रह 105:12

मेना मेको आन कली हिक्‍शोनु, इच्‍का खोइ ला बाक्‍मा बाक्‍त। मिनु मेकेर अर्को रागी ङा मुर यो बाक्‍मा बाक्‍त।

भजन संग्रह 105:6

मेको आ गेय पाइब अब्राहाम आ चच युइ नु याकूब आ तौपुकी, आ योव़शो नेल्‍ल मिम्‍तीन।

भजन संग्रह 115:1

परमप्रभु यावे, आंइ कली ममाइ, इन नें ठेयब सेल्‍चा गेने। इन गेना हना यो दाक्‍तीके नु दाक्‍शा मप्रोंइतीके आ पर्बम इन नें ठेयब सेल्‍चा माल्‍शो बाक्‍ब।

भजन संग्रह 44:3

मेको आन तरवारम मेको रागी मग्राशो बाक्‍तेक्‍म। आन सक्तिमी यो मग्राशो बाक्‍तेक्‍म। इन सक्ति नु इन कुल ङा छेङछेङमी ग्रातेक्‍म। मारदे हना गे मेको आन कली दाक्‍शो बाक्‍ती‍नी।

यसैया 51:2

इन किकी पिपी अब्राहाम नु इन कली थीब सारा आस कली कोव़ङीन। मारदे हना गो मेको कली आ का बाक्‍मेनु, ब्रेत्‍ताक्‍ङ। मिनु मेको कली आसीक गेशा, आ चच युइ आन कली सोपाइश्‍शा बोपाइश्‍शा शुश सेल्‍ताक्‍मी” देंत। यसैया ४१:८; उत्‍पत्ती १२:१-२

यसैया 63:9

मेको आन श्‍येत तशा, आं सोइश्‍शो मुर ममाइ, परमप्रभु यावे आ स्‍वर्ग ङा गेय पाइब यो ममाइ, परमप्रभुमी मेको आन कली प्रोंइतु। आ दाक्‍तीके नु शिशी पतीकेमी मेको आन कली साइ ङोंइती रे पाप रे प्रोंइशा, मेको आन कली मुप्‍‍शा, कुरशो बाक्‍त। प्रस्‍थान ३३:१४-१५

इजीकीएल 20:5

गो इस्राएल कली योव़ङु नाक्‍ती याकूब आ खिं ङा आ चच युइ नु कसम जाता। इजीप्‍त रागीमी गो मेको आन दातेम तुइक्‍पांइसाक्‍यी। मेको आन कली गो परमप्रभु यावे, इन परमप्रभु नङ, दे कसम जाता। प्रस्‍थान ६:७-८

इजीकीएल 36:22

परमप्रभु, परमप्रभु यावेमी “मोपतीके इस्राएल आ खिं ङा मुर आन कली ‘ए इस्राएल आ खिं ङा मुर, गो इन पर्बम एको गेय मपाइनुङ। तन्‍न गो आं नें आ पर्बम गेय पाइनुङ। गे इन लतीक रागी रागी ङा मुर आन दातेम आं नें मरिम्‍शो सेल्‍तीनी। यसैया ४८:११; येरमीया १४:७

मत्ती 7:14

गेना हना यो ब्रोंइतीक लतीक ङा लाप्‍चो आइक्‍च नु आ लां गाक्‍चा श्‍येत बाक्‍ब। मेको लां थिप्‍बपुकी का निक्‍शी ला बाक्‍नीम। मत्ती १९:२४; प्रेरित १४:२२

लूका 12:32

गे आइक्‍च बगाल, महिनीन। मारदे हना इन आफोमी इन कली आ राज्‍यम वोइक्‍चा दाक्‍ब। लूका २२:२९

रोमी 11:6

मेको आन पशोमी ममाइ, परमप्रभु यावेमी मोशा शिशी पा आ मुर सेल्‍तीमी। आन गेय आ पर्बम पशो हना, शिशी मली वा।

रोमी 9:18

मोपतीके परमप्रभु यावेमी सु कली शिशी पचा दाक्‍ता, मेको कली शिशी पाइब। सु कली आ लोव़ मटिपाइक्‍चा दाक्‍ता, मेको कली मटिपाइक्‍ब। प्रस्‍थान ४:२१; १पत्रुस २:८

रोमी 9:21

खप के ग्‍योंब सेल्‍बामी आ दाक्‍शो पा खप कांइचीक के गर, नाक्‍चुक तोक्‍तीके सेल्‍ने मचाप्‍बा ङा? येरमीया १८:४-६

ब्‍यवस्‍था 1:10

मिनु परमप्रभु यावे, इन परमप्रभुमी इन कली शुश सेल्‍शा, गे मुल सरीङ ङा सोरुल खोदेंशो पा शुश दुम्‍शो बाक्‍नीनी। ब्‍यवस्‍था १०:२२; उत्‍पत्ती १५:५

ब्‍यवस्‍था 10:22

इन किकी पिपी इजीप्‍त रागी लमानु, ७० जना मुर ला लशो बाक्‍तेक्‍म। मिनु मुल परमप्रभु यावे, इन परमप्रभुमी इन कली सरीङ ङा सोरुल खोदेंशो पा शुश सेल्‍तु। उत्‍पत्ती ४६:२७; ब्‍यवस्‍था १:१०

ब्‍यवस्‍था 14:2

मारदे हना गेपुकी परमप्रभु यावे, इन परमप्रभु आ आंम मुर बाक्‍नीनी। मिनु परमप्रभु यावेमी जात जात ङा मुर नेल्‍ल आन दाते रे इन कली आ मुर सेल्‍चा कली योव़तु।

ब्‍यवस्‍था 4:37

मिनु इन किकी पिपी आन कली दाक्‍तीके, आन चच युइ आन कली योव़शा, मेकोमी आंमान आ ठेयब सक्तिमी इन कली इजीप्‍त रे ग्रुंइताक्‍व। प्रस्‍थान ३३:१४

१ यूहन्‍ना 3:1

इं आफोमी इं कली शुश दाक्‍शा “परमप्रभु यावे आ तमी तौ” दे नें वोइश्‍शो बाक्‍त। मिनु गोपुकी आ तमी तौ दुम्‍तय। मोपतीके रागी ङा मुरपुकीमी इं कली मतुइक्‍नीम। मारदे मतुइक्‍नीम देंशा हना, मेकोपुकीमी येसु ख्रीस्‍त कली यो मतुइक्‍नीम। यूहन्‍ना १:१२; यूहन्‍ना १६:३

१ यूहन्‍ना 4:10

मिनु परमप्रभु यावे आ दाक्‍चा मार बाक्‍ब देंशा हना, गोपुकी ङोंइती परमप्रभु यावे कली काइ मदाक्‍ताक्‍य हना यो, परमप्रभु यावेमी इं कली दाक्‍ताक्‍व। गिश दाक्‍ताक्‍व देंशा हना, आंम तौ कली साइक्‍चा पुंइसीब पपाइक्‍चा कली रागीमी सोइक्‍ताक्‍व। इं कली मरिम्‍शो गेय नु सैतान आ राज्‍य रे प्रोंइचा, दे साइक्‍चा पुंइसीचा कली रागीमी सोइक्‍ताक्‍व।