ब्‍यवस्‍था 7:4 - Sunuwar Bible

⁴ मारदे हना मेकोपुकीमी इन तौ आन कली आंम देवी देवता गे कीनीम। परमप्रभु यावे कली गेय मपथु, देवी देवता आन नोले खोइक्‍पाइक्‍नीम। मो दुम्‍मेनु, परमप्रभु यावे शुश गाइश्‍‍शा, इन कली रीब पा साइक्‍ब।

ब्‍यवस्‍था 7:4 ပူးပေါင်းရင်းမြစ်များ

१ राजा 16:31

नेबात आ तौ येरोबाम आ पाप ङा लांम गाक्‍चा, मेको कली मारेइ खोदेंशो मदुम्‍माक्‍त। मेकोम सीदोन ङा पिप एथ-बाल आ तमी इजेबेल कली ग्‍युंबे पवा बाक्‍त। मिनु बाल देवता कली पूजा पा ठेयब सेला बाक्‍‍त।

प्रस्‍थान 20:5

मेको आन कली बाप्‍शा सेउ मपने। मेको आन कली ठेयब मसेलीने। मारदे हना गो परमप्रभु यावे, इन परमप्रभु नङ। गो रुश पाइब परमप्रभु नङ। आं कली काइ मदाक्‍ब नु आ अरेशो मटीब मुर आन आल, चच, युइ नु युइ आन युइ आन पाला सम्‍म यो सजाइ गेब परमप्रभु नङ। प्रस्‍थान ३४:१४; ब्‍यवस्‍था ४:२४; ब्‍यवस्‍था ५:९; ब्‍यवस्‍था ६:१५; अय्‍युब २१:१९; येरमीया ३१:२९-३१; इजीकीएल १८:२५

प्रस्‍थान 34:16

मिनु गे आन तमी इन तौ आन कली चाक्‍नीनी। मिनु मेको आन तमीम आन देवी देवता आन कली पूजा पा चढ़ेनीम। इन तौ आन कली यो आन देवी देवता आन कली पूजा पा चढ़ेपपाइक्‍नीम। ब्‍यवस्‍था ७:३; न्‍यायाधीस ३:६; १राजा ११:२

ब्‍यवस्‍था 20:18

मो मपाइतीनी हना, मेको आन देवी देवता आन कली ग्रांग्रा दिचा ङा पतीके शेंसीनीनी। मोपा परमप्रभु यावे, इन परमप्रभु कली मरिम्‍शो पा पाप पाइनीनी।

ब्‍यवस्‍था 4:26

गो मुलाक्‍ती सरीङ नु रागी कली इन दूली पशो आ पर्बम सांकछी वोइक्‍नुङ। गे यर्दन आइक्‍ची हांबु ङा इन के सेल्‍चा चिक्‍शो रागीम रीब पा खतम दुम्‍नीनी। गे शुश नाक्‍त मेकेर बाक्‍चा मताइनीनी। गे क्‍याम्‍चा पुंइसीनीनी। ब्‍यवस्‍था ३०:१९; ब्‍यवस्‍था ३१:२८; ब्‍यवस्‍था ३२:१;

ब्‍यवस्‍था 6:15

मारदे हना परमप्रभु यावे, इन परमप्रभु, रुश पाइब परमप्रभु इन दातेमी बाक्‍ब। मो पाइतीनी हना, परमप्रभु यावे, इन परमप्रभु इन पर्बम शुश गाइक्‍ब। मिनु मेकोमी इन कली रागी रे क्‍याम्‍ब। प्रस्‍थान २०:५

यहोसु 22:15

मिनु मेकोपुकी रूबेन आ थर, गाद आ थर नु मनस्‍से आ उइक्‍थ थर बाक्‍तीक गिलाद रागी जाक्‍दीश्‍शा, मेको आन कली

यहोसु 23:12

तन्‍न गे नोले शोंइसाक्‍नी हना नु मेको रागी ङा इन दातेमी लीशो मुरपुकी नु गारपाइक्‍तीनी हना, गे इन तमी मेको आन तौ कली गेतीनी हना, इन तौ कली मेको आन तमी चाक्‍तीनी हना नु मेको मुरपुकी नु गारशा गेय पाइतीनी हना,

न्‍यायाधीस 2:11

मिनु इस्राएलीपुकीमी परमप्रभु यावे आ ङोंइती मार मरिम्‍शो बाक्‍मे, मेको पामे बाक्‍त। मेकोपुकीमी बाल देवी देवता आन कली ठेयब सेल्‍मे बाक्‍त।

न्‍यायाधीस 2:20

मोपतीके परमप्रभु यावे इस्राएलीपुकी नु गाइक्‍ता बाक्‍त। मिनु “गो मेको आन किकी पिपी आन कली देंशो नु कबल पशो एकोपुकीमी खतम सेल्‍तेक्‍म। आं देंशो लोव़ मटितीके

न्‍यायाधीस 3:6

मिनु मेकोपुकीमी मेको आन तमीपुकी ग्‍युंबे पा चाक्‍गमे बाक्‍त। मिनु आंम तमीपुकी यो मेको आन तौ आन कली ग्‍युंबे पा गेमे बाक्‍त। मिनु मेकोपुकीमी मेको आन देवी देवता आन कली यो मार मार चढ़ेशा ठेयब सेल्‍मे बाक्‍त। ब्‍यवस्‍था ७:३