ब्‍यवस्‍था 7:26 - Sunuwar Bible

²⁶ मिनु गेपुकीमी मारेइ ग्रांग्रा दिचा ङा थोव़क इन खिंम मचाक्‍कीन। मो पाइतीनी हना गेपुकी यो मेको आन खोदेंशो पा सराप राइब दुम्‍नीनी। गेपुकीमी मेको नेल्‍ल कली ग्रांग्रा दिशो दुम्‍तीके, तिल्‍चा माल्‍नीनी” देंत। यहोसु ७:११-१२

ब्‍यवस्‍था 7:26 ပူးပေါင်းရင်းမြစ်များ

यसैया 2:20

मेको नाक्‍ती मुरपुकीम आन पूजा पचा कली सुन चांदी के सेल्‍शो मूर्ति थाक्‍यु नु पकातिक्‍ती आन ङोंइती ताइक्‍नीम। यसैया ३१:७

यसैया 30:22

मेना इन मुशा सेल्‍शो चांदी नु सुनम गिल्‍शो मूर्तिपुकी ग्रांग्रा दीनीनी। गे मेको आन कली ग्रांग्रा दिचा ङा वा खोदेंशो पा ताइक्‍नीनी। मिनु मेको आन कली “ङोन लने” दे ताइक्‍नीनी। यसैया २७:९

यसैया 41:24

गे मारेइ मननी। इन पशो नेल्‍ल फश बाक्‍ब। सु सुमी इन कली योव़नीमी मेकोपुकी ग्रांग्रा दिशो बाक्‍नीम।

इजीकीएल 11:18

मिनु मेकोपुकी लेश्‍शा जाक्‍शा, मेकेर ङा ग्रांग्रा दिशो थोव़क नु मूर्ति नेल्‍ल ग्रुंइशा ताइक्‍नीम।

इजीकीएल 14:7

इस्राएल आ खिं ङा मुर सुइ नु मेकेर बाक्‍ब अर्को रागी ङा मुर सुइमी आं कली प्रोंइशा, मूर्ति आन थुंम वोइश्‍शा, आन मरिम्‍शो पा दाइल पांइसीतीक फुल्‍लु आन ङोंइती वोइश्‍शा, आं लोव़ पाइब आन बाक्‍तीक जाक्‍तेक्‍म हना, गो, परमप्रभु यावेमी, मेको आन थुंम मूर्ति वोइश्‍शा जाक्‍शो मुर आन कली लोव़ लेत्‍नुङमी।

होसे 14:8

एफ्राइम ङा मुरपुकी, मूर्तिपुकी नु गो आं के मार गेय बाक्‍बा ङा? गो इन कली लोव़ लेत्‍नुङ। मिनु इन कली कोव़नुङ। गो तोव़शी रवा खोदेंशो पा गिग बाक्‍नुङ। इ फल फुल सित्‍चा आं सक्ति रे जाक्‍ब।

जकरिया 5:4

मिनु मुर नेल्‍ल आन परमप्रभु यावेमी “गो मेको ब्रेक्‍स सोइक्‍ताक्‍ङ। मिनु मेको खुइ नु आं नेंमी जोल पा सांकछी बाक्‍ब आन खिंमी ओव़ब। मेकेर बाक्‍शा, खिं खतम सेल्‍शा, शी फुल्‍लु का यो मलीपाइक्‍ब” देंत।

रोमी 2:22

मुर आन मीश मलाइक्‍चा, दे शेंनीनी, तन्‍न लाइक्‍नीनी। मूर्ति कली तशा, ग्रांग्रा दीनीनी, तन्‍न मन्‍दीर रे मूर्ति खुइ पा लाइक्‍नीनी।

ब्‍यवस्‍था 13:16

मेकेर बाक्‍शो मारेइ मारेइ, मेको सहर आ दातेम खुप्‍चा माल्‍नीनी। मिनु मेको खुप्‍शो नु सहरम मी सुइक्‍तीन। मेको परमप्रभु यावे, इन परमप्रभु कली चोशा चढ़ेशो खोदेंशो दुम्‍ल। मेको सहर गेना हना यो फोहोर ताइक्‍तीके दुम्‍ल। मिनु मेको सहर कली लेंशा मसेलीन। ब्‍यवस्‍था २०:१६-१८

ब्‍यवस्‍था 13:17

मिनु गेपुकीमी मथिचा देंशो थोव़क मारेइ मलतीन। मिनु परमप्रभु यावे आ गाइश्‍शो नाइक्‍ब कों, इन कली शिशी पा दाक्‍ब। इन किकी पिपी नु कसम जशो खोदेंशो पा इन कली शुश सेल्‍ब।

ब्‍यवस्‍था 13:18

गेपुकी परमप्रभु यावे, इन परमप्रभु आ देंशो टीतीनी, मुलाक्‍ती गो इन कली देंशो आं शेंशो नेल्‍ल पाइतीनी हना, गेपुकी परमप्रभु यावे, इन परमप्रभु आ ङोंइती ठीक पाइब दुम्‍नीनी” देंत। यहोसु ७:-