ब्‍यवस्‍था 7:25 - Sunuwar Bible

²⁵ गेपुकीमी मेको आन शी मुशा सेल्‍शो मूर्तिपुकी मीम हुम्‍चा माल्‍नीनी। मूर्तिम बाक्‍शो सुन चांदी बाक्‍त हना, वाल्‍शा आंम कली मवोंइसीन। मारदे हना मोदेंशो पाइतीनी हना, इन कली मरिम्‍शो दुम्‍ब। मेको परमप्रभु यावे, इन परमप्रभु कली ग्रांग्रा बाक्‍ब।

ब्‍यवस्‍था 7:25 ပူးပေါင်းရင်းမြစ်များ

२ राजा 23:14

मिनु योसीयाहमी थान ङा ख्रुक्‍शो फुल्‍लु जिक्‍शा फस पोक्‍पाइक्‍मी बाक्‍त। मिनु मूर्ति पाइश्‍शो थाम एश्‍शा मेको आ बाक्‍तीकेम मुर आन रुशेम प्रिंपाइक्‍मी बाक्‍त।

१ इतिहास 14:12

मेकेर पलिस्‍तीपुकीम आन देवी देवता प्रोंइशा वोदमे बाक्‍त। मिनु दाऊदमी “मेको चोने” दे अरेवा बाक्‍त। ब्‍यवस्‍था ७:५-२५

प्रस्‍थान 20:17

इन नेक्‍था बाक्‍ब मुर आ खिं, आ मीश आ वाइलीम वाइल, आ बी ब्‍यफ नु आ गधा, मेको के मार बाक्‍त हना यो, मेको तशा मबाल्‍दीन। एको परमप्रभु यावे आ अरेशो लोव़ बाक्‍ब” दे मोसामी इस्राएली आन कली देंत। रोमी ७:७; रोमी १३:९

प्रस्‍थान 32:20

मिनु मोसामी इस्राएली आन सेल्‍शो बाछा लाइश्‍शा, मीम हुम्‍शा, तुप्‍शा फस सेल्‍शा, ब्‍वाक्‍कुम फुइश्‍शा, इस्राएली आन कली तूपाइक्‍तीमी।

प्रस्‍थान 8:26

मोसामी चहिं “मो पचा मदुम्‍ब। मारदे हना परमप्रभु यावे, आंइ परमप्रभु कली चढ़ेशो तशा, इजीप्‍त ङा मुर ग्रांग्रा दी‍नीम। मोपा इजीप्‍त ङा मुर आन ङोंइती आन मदाक्‍शो गेय पकानु, मेकोपुकीमी आंइ कली फुल्‍लु आप्‍शा, साइक्‍नीम। उत्‍पत्ती ४३:३२; उत्‍पत्ती ४६:३४

यसैया 30:22

मेना इन मुशा सेल्‍शो चांदी नु सुनम गिल्‍शो मूर्तिपुकी ग्रांग्रा दीनीनी। गे मेको आन कली ग्रांग्रा दिचा ङा वा खोदेंशो पा ताइक्‍नीनी। मिनु मेको आन कली “ङोन लने” दे ताइक्‍नीनी। यसैया २७:९

यसैया 41:24

गे मारेइ मननी। इन पशो नेल्‍ल फश बाक्‍ब। सु सुमी इन कली योव़नीमी मेकोपुकी ग्रांग्रा दिशो बाक्‍नीम।

लेवी 13:52

मिनु मेकोमी बुंखी ङाइश्‍शो वासी कि कुशुल के सेल्‍शो मारेइ थोव़क चोचा माल्‍ब। मारदे हना मेको राक्‍ब बुंखी बाक्‍ब। मेको मीम चोचा माल्‍ब।

लेवी 19:4

गे मूर्ति कली पूजा मपने। मिनु गे आंम कली मूर्ति मसेलीन। गो परमप्रभु यावे, इन परमप्रभु नङ। प्रस्‍थान २०:३; प्रस्‍थान ३४:१७

सेफन्‍याह 1:3

मुर नु बी ब्‍यफ, क्‍यारश भेडा, जन्‍तु नेल्‍ल आन कली खतम सेल्‍नुङ। सरीङ ङा चिक्‍ब, समुन्‍द्र ङा ङांइ नेल्‍ल आन कली साइक्‍नुङमी। रागी ङा मुर नेल्‍ल आन कली खतम सेल्‍नुङ। परमप्रभु यावे आ अरेशो मटीब आन कली दाइल पपाइक्‍नुङ। गो मुर नेल्‍ल आन कली रागी नेल्‍ल रे क्‍याम्‍नुङ। मत्ती १३:४१

ब्‍यवस्‍था 12:3

गे मेको आन चढ़ेतीक प्रेत्‍चा माल्‍नीनी। मेको आन लाइश्‍शो मूर्तिपुकी जिक्‍चा माल्‍नीनी नु मेको आन मूर्ति मीम हुम्‍चा माल्‍नीनी। मिनु मेको शी के सेल्‍शो मूर्तिपुकी खोल्‍शा बिग्रेचा माल्‍नीनी। मिनु आन नें क्‍याम्‍चा माल्‍नीनी।

ब्‍यवस्‍था 13:16

मेकेर बाक्‍शो मारेइ मारेइ, मेको सहर आ दातेम खुप्‍चा माल्‍नीनी। मिनु मेको खुप्‍शो नु सहरम मी सुइक्‍तीन। मेको परमप्रभु यावे, इन परमप्रभु कली चोशा चढ़ेशो खोदेंशो दुम्‍ल। मेको सहर गेना हना यो फोहोर ताइक्‍तीके दुम्‍ल। मिनु मेको सहर कली लेंशा मसेलीन। ब्‍यवस्‍था २०:१६-१८

ब्‍यवस्‍था 17:1

मोसामी “गेपुकीमी परमप्रभु यावे, इन परमप्रभु कली कोङटे बोङटे गाक्‍ब मिक्‍च मताइब, मारेइ दुम्‍शो ब्‍यफ भेडा चढ़ेचा मदुम्‍ब। मोदेंशो परमप्रभु यावे, इन परमप्रभु कली ग्रांग्रा बाक्‍ब। लेवी २२:२०; मलाकी १:६-९

ब्‍यवस्‍था 23:18

वोंइश मुर, मीश मुर तेल्‍लेम पशो क्‍येट परमप्रभु यावे, इन परमप्रभु आ खिंम कबल खाप्‍चा कली चाक्‍चा मदुम्‍ब। मारदे हना मेको परमप्रभु यावे, इन परमप्रभु कली ग्रांग्रा बाक्‍ब। प्रकाश २२:१५

ब्‍यवस्‍था 27:15

मिनु मेकोपुकीमी “सु मुरुमी मुशा, यपाइश्‍शा मूर्ति सेल्‍ब, मेको परमप्रभु यावे कली ग्रांग्रा दित्‍चा ङा बाक्‍ब। मिनु मेको जोक्‍ब मुरुमी आ सेल्‍शो मूर्ति कली ख्रुइश्‍शोमी वोइक्‍ब, मेको मुर सराप राइब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। प्रस्‍थान २०:४,२३

ब्‍यवस्‍था 7:16

मिनु गे परमप्रभु यावे, इन परमप्रभुमी इन कली जिम्‍मा गेशो जात जात ङा मुर नेल्‍ल कली रीब पा साइक्‍नीनी। मिनु गे मेको आन कली शिशी मपने। मेको आन देवी देवता आन कली सेउ मपने। मारदे हना मो पाइतीनी हना, गे खतम दुम्‍नीनी। प्रस्‍थान २३:३३; प्रस्‍थान ३४:१२; यहोसु २३:१३

ब्‍यवस्‍था 7:5

मेको आन कली मार पचा माल्‍नीनी देंशा हना, मेको आन चढ़ेतीक प्रेत्‍चा माल्‍नीनी। मेको आन लाइश्‍शो मूर्ति जिक्‍चा माल्‍नीनी। मेको आन अशेराह देवी आ मूर्ति ख्रोइक्‍चा माल्‍नीनी। मेको आन शी मुशा सेल्‍शो मूर्तिपुकी मीम हुम्‍चा माल्‍नीनी। ब्‍यवस्‍था १२:२-३

यहोसु 7:1

मिनु इस्राएलीपुकीमी मटिथु, खतम सेल्‍चा माल्‍शो परमप्रभु यावे आ थोव़क रे खुइ पाम्‍तेक्‍म। यहूदा आ थर ङा जेराह आ युइ, जब्‍दी आ चच, कारमी आ तौ आकानमी मलाइक्‍चा थोव़क रे पा मार मार खुइ पा लदा बाक्‍त। मोपतीके परमप्रभु यावे इस्राएली नेल्‍ल आन कली तशा चुरमाक्‍त। यहोसु ६:१८

यहोसु 7:21

गो खतम सेल्‍चा माल्‍शो थोव़क रे पा शिनार रागी ङा रिम्‍शो फेक्‍तीक वा, सहे निक्‍शी शेकेल चांदी नु ५० शेकेल हेल्‍शो सुन के कोक्‍के का ताता। गो मेको साप्‍पा दाक्‍ताक्‍ङ ङा मिन लांइसाक्‍यी। मिनु मेको आं ताम्‍बु आगाम थिम्‍शा वोइक्‍ता। मेको चांदी नेल्‍ल क्‍येङा आगाम बाक्‍ब” देंत। शेकेल का ११.५ ग्राम बाक्‍ब।

प्रकाश 17:5

मिनु मेको आ कुप्‍फीमी ख्रुइश्‍शो लोव़मी आ नें ब्रेक्‍शो बाक्‍त। मार ब्रेक्‍शो बाक्‍त देंशा हना “बेबीलोन ठेयब सहर, तेल्‍लेमपुकी नु नेल्‍ल रागी रागी ङा ग्रांग्रा दिचा ङा आन ममा” दे ब्रेक्‍शो बाक्‍त।