ब्‍यवस्‍था 7:19 - Sunuwar Bible

¹⁹ गेपुकीमी परमप्रभु यावे, इन परमप्रभुमी आ ठेयब नाक्‍तीक, आ पशो चिन्‍ड नु छक लाक्‍चा ङा गेय, आ शुश सक्ति पाइश्‍शो नु ठेयब बोल पतीकेमी इन कली ग्रुंइताक्‍व। गे आंमा तशो बाक्‍नीनी। मिनु परमप्रभु यावे, इन परमप्रभुमी इन हिंशो जात जात ङा मुर नेल्‍ल आन कली इजीप्‍ती आन कली खोदेंशो पाइब। ब्‍यवस्‍था ४:३४; ब्‍यवस्‍था २९:२

ब्‍यवस्‍था 7:19 ပူးပေါင်းရင်းမြစ်များ

भजन संग्रह 136:12

मेकोमी आ ठेयब सक्तिमी मेको आन कली ग्रुंइशा चाक्‍तीमी। मारदे हना मेको आ दाक्‍तीके गेना हना यो लीब।

भजन संग्रह 44:4

गे आं पिप नु आं परमप्रभु बाक्‍नीनी। याकूब कली ग्रापतीन।

भजन संग्रह 77:12

गो इन पशो नेल्‍ल मिम्‍स ङा मिम्‍स बाक्‍नुङ। साइ ङोंइती ङा इन छक लाक्‍चा ङा गेय आ पर्बम मिम्‍नुङ।

प्रस्‍थान 6:6

मोपतीके गो इस्राएली आन कली ‘गो परमप्रभु यावे नङ। गो इजीप्‍त ङा मुर आन गेशो श्‍येत नु इन वाइल दुम्‍शो गेय रे प्रोंइनन्‍नी। गो इजीप्‍त ङा मुर आन कली ठेयब सजाइ गेशा, आं ठेयब सक्तिमी इन कली ग्रुंइनुङ।

ब्‍यवस्‍था 29:3

गेपुकी मेको ठेयब नाक्‍तीके ताइतीनी। मिनु मेको ठेयब चिन्‍ड नु छक लाक्‍चा ङा गेय यो ताइतीनी। ब्‍यवस्‍था ४:३४; ब्‍यवस्‍था ७:१९

ब्‍यवस्‍था 3:21

मिनु मेना गो यहोसु कली “परमप्रभु यावे, इन परमप्रभुमी एको पिप निक्‍शी आस कली मार मार पवा, गे मेको नेल्‍ल ताप्‍तीवी। मुल गे आइक्‍ची हांबु शोक्‍सेनु, परमप्रभु यावेमी मेकेर ङा राज्‍य नेल्‍ल आन कली यो मोदेंशोन पाइब। गन्‍ती २७:१८-२२

ब्‍यवस्‍था 4:34

मिनु तेको देवी देवतामी इन कली खोदेंशो पा शुश रागी आन दाते रे आंम मुर सेल्‍चा कली योव़शो बाक्‍बा? मुर आन कली नाक्‍शा, चिनु कोंइ‍शा, छक लाक्‍चा ङा गेय पा, मेको आन पर्बम लडाइ पा, शुश हिंचा ङा सक्तिमी, परमप्रभु यावे, इन परमप्रभुमी इन कली इजीप्‍त रागी रे ग्रुंइशो गे ताइतीनी। ब्‍यवस्‍था ७:१९; ब्‍यवस्‍था २९:२

यहोसु 10:25

मिनु यहोसुमी मेको आन कली “बोल्‍यो नु महिंब दुमीन। मारदे हना इं परमप्रभु यावेमी गे सु नु लडाइ पाइनीनी, मेको आन कली मोदेंशो पाइब” देंत।

यहोसु 24:17

मारदे हना परमप्रभु यावे, आंइ परमप्रभुमी आंइ कली नु आंइ किकी पिपी आन कली इजीप्‍त रागीम वाइल दुम्‍शो खिं रे ग्रुंइशा पिश्‍शो बाक्‍त। मिनु मेकोमी आंइ ङोंइती दुम्‍तीक ठेयब ठेयब छक लाक्‍चा ङा गेय पाप्‍तु। गो ते लाइतक हना यो, परमप्रभु यावेमी आंइ कली कोव़ना कोव़न बाक्‍त।

यहोसु 3:10

मिनु यहोसुमी “ब्रोंइशा बाक्‍ब परमप्रभु इन दातेमी बाक्‍ब, गे तुइक्‍ब दुम्‍नीनी। मिनु मेकोमी कनानी, हित्ती, हिव्‍वी, परिज्‍जी, गिरगाशी, एमोरी नु यबुसी आन कली इन ङोंइती रे थमा पा खेरब।