ब्‍यवस्‍था 7:13 - Sunuwar Bible

¹³ मेकोमी इन कली दाक्‍शा, आसीक गेशा, शुश सेल्‍ब। मेकोमी इन आल आन कली आसीक गेब। इन किकी पिपी आन कली कसम जशा गेशो रागीमी इन रू ङा फल फुल, इन अन्‍न, इन अङगुर शांबु नु तेल, इन बी ब्‍यफ आन बाछा नु इन क्‍यारश भेडा आन चाइक्‍ब नेल्‍ल आन कली आसीक गेब। होसे २:७-१२

ब्‍यवस्‍था 7:13 ပူးပေါင်းရင်းမြစ်များ

नेहेम्‍याह 9:32

मिनु आंइ परमप्रभु, गे नेल्‍ल क्‍येङा ठेयब सक्ति पाइश्‍शो नु मान पा हिंचा माल्‍शो परमप्रभु बाक्‍नीनी। इन पशो कबल इन गेना हना यो दाक्‍तीक खाप्‍ब बाक्‍नीनी। अस्‍सुर ङा पिप आन पाला रे मुलाक्‍त सम्‍म आंइ कली गेशो श्‍येत, आंइ पिप आन कली, आंइ ठेयब मुर आन कली, इन कली चढ़ेब आन कली, इन लोव़ पाइब आन कली, आंइ किकी पिपी आन कली नु इन मुर नेल्‍ल आन कली गेशो श्‍येत कली आइक्‍च ममिम्‍तीन। ब्‍यवस्‍था ७:९,१२; १राजा ८:२३; नेहेम्‍याह १:५

अय्‍युब 1:10

गे मेको कली मेको आ खिं, आ शोंप नु आ मारेइ मारेइ नेल्‍ल एर ओंथ तेइ तेइ रे थरपु हिरशा, मवोइश्‍शो बाक्‍नीनी ङा? मेको आ गेय नेल्‍लेम गे आसीक गेशा वोइश्‍शो बाक्‍नीनी। मेको आ क्‍यारश भेडा नु बी ब्‍यफ शुश दुम्‍शो बाक्‍नीम।

अय्‍युब 42:12

मिनु परमप्रभु यावेम अय्‍युब कली आ नोले ङा ब्रोंइशो नाक्‍ती कली आ ङोंइती ङा ब्रोंइशो नाक्‍ती क्‍येङा शुश आसीक गेवा बाक्‍त। मिनु मेको के १४ हजार भेडा, ६ हजार दल‍ओंठ, हजार का हाल ब्‍यफ नु हजार का गधा दुम्‍मा बाक्‍त।

भजन संग्रह 1:3

मिनु मेको मुर खोला आ नेक्‍था ख्रुम्‍शो रवा खोदेंशो बाक्‍ब। दोपा मेको आ फल सित्‍ची ना सिप्‍बा नु आ सफा यो महेम्‍थु बाक्‍बा, मोपा मेको मुर आ पतीक नेल्‍ल रिम्‍शो बाक्‍ब। भजन संग्रह ९२:१३-१५; येरमीया १७:८

भजन संग्रह 107:38

मेकोपुकी परमप्रभु आ आसीक तशा, सोशा बोशा दुम्‍‍नीम। मिनु आन बी ब्‍यफ आन कली यो शुश दुम्‍पाइक्‍ब।

भजन संग्रह 11:7

परमप्रभु यावे ठीक पाइब बाक्‍ब। मोपतीके ठीक पतीके दाक्‍ब। मिनु रिम्‍शो थुं पाइश्‍शो मुरपुकीमी आ कुल ताइनीम। मत्ती ५:८

भजन संग्रह 127:3

तमी तौ परमप्रभु यावे आ गेशो बाक्‍नीम। आलपुकी मेको आ गेशो इनाम बाक्‍नीम। भजन संग्रह १२८ ३-४; उत्‍पत्ती ३०:२; उत्‍पत्ती ३३:५

भजन संग्रह 146:8

परमप्रभु यावेमी मिक्‍च मताइब आन कली ताइब सेल्‍ब। मिनु आन थुं लुक्‍च लशो मुर आन कली आन थुं बारपाइक्‍ब। परमप्रभु यावेमी ठीक पाइब आन कली दाक्‍ब। भजन संग्रह १४५:१४

प्रस्‍थान 23:25

गे परमप्रभु यावे, इन परमप्रभु कली गेय पाइतीनी हना, गो इन जचा तूचा थोव़क कली आसीक गेनुङ। मिनु इन कली रोइ नेल्‍ल रे प्रोंइनुङ। प्रस्‍थान १५:२६

हितोपदेस 10:22

परमप्रभु यावे आ आसीकम मुर आन कली शोंप पाइश्‍शो सेल्‍ब। मेकोमी मारेइ श्‍येत मतेम्‍ब। भजन संग्रह १२७:२

हितोपदेस 15:9

परमप्रभु यावे आ अरेशो मटीब मुर आन लां परमप्रभु यावे कली ग्रांग्रा बाक्‍ब। तन्‍न सुमी ठीक पाइ‍बा, मेको कली दाक्‍ब।

लेवी 26:9

मिनु गो इन कली शिशी पा कोव़नन्‍नी। मिनु गो इन कली सोशा बोशा शुश दुम्‍पाइक्‍नुङ। मिनु आं पशो कबल गेपुकी नु गेना हना यो लीपाइक्‍नुङ। इजीकीएल ३६:११

मत्ती 6:33

ङोंइती परमप्रभु यावे आ राज्‍य नु आ ठीक पतीके मिम्‍शा मालीने। मिनु जचा तूचा फेक्‍चा यो ताइनीनी। रोमी १४:१७; १राजा ३:१३-१४; भजन संग्रह ३७:४,२५

यूहन्‍ना 14:21

सुमी आं अरेशो तुइश्‍शा पाइबा, मेकोमी आं कली दाक्‍ब। सुमी आं कली दाक्‍बा, आं आफोमी मेको कली यो दाक्‍ब। मिनु गो मेको कली दाक्‍शा, आं कली तुइक्‍पांइसीनुङ” दे येसुमी देंत। १यूहन्‍ना ५:३; यूहन्‍ना १६:२७

यूहन्‍ना 15:10

दोपा गो आं आफोमी देंशो लोव़ टिशा, आं आफ नु दाक्‍मुइनस्‍कु, मोपा गेपुकी यो आं देंशो लोव़ टीतीनी हना, गो नु दाक्‍मुशा बाक्‍नय।

यूहन्‍ना 16:27

आं आफोमी इन कली दाक्‍ब। मारदे हना आं कली दाक्‍ताक्‍नी। गो आं परमप्रभु यावे रे जाक्‍शो नङ, दे थमा सुइक्‍तीनी। यूहन्‍ना १४:२१

ब्‍यवस्‍था 1:8

मिनु लेंशा परमप्रभु यावेमी ‘कोव़ङीन, मेको रागी इन ङोंइती बाक्‍ब। मेकेर ओव़शा, मेको रागी आंम के सेलीन। मारदे हना गो मेको रागी इन किकी पिपी अब्राहाम, इसहाक, याकूब नु आन चच युइ आन कली गेनुङ’ दे कसम जाता” देंत। उत्‍पत्ती १२:७; गन्‍ती ११:१४

ब्‍यवस्‍था 13:17

मिनु गेपुकीमी मथिचा देंशो थोव़क मारेइ मलतीन। मिनु परमप्रभु यावे आ गाइश्‍शो नाइक्‍ब कों, इन कली शिशी पा दाक्‍ब। इन किकी पिपी नु कसम जशो खोदेंशो पा इन कली शुश सेल्‍ब।

ब्‍यवस्‍था 28:1

मिनु मोसामी “मुलाक्‍त गो इन कली माइश्‍शो परमप्रभु यावे, इन परमप्रभु आ देंशो नेल्‍ल होस पा टिशा, आ शेंशो पाइतीनी हना, परमप्रभु यावे, इन परमप्रभुमी इन कली नेल्‍ल रागी रागी ङा मुर आन क्‍येङा ठेयब सेल्‍ब। ब्‍यवस्‍था २६:१९

ब्‍यवस्‍था 28:11

मिनु परमप्रभु यावेमी इन किकी पिपी आन कली गेनुङमी देंशो रागीमी गेपुकी शुश आल थीब दुम्‍नीनी। इन बी ब्‍यफ, क्‍यारश भेडा आन चाइक्‍ब शुश दुम्‍नीम, इन बाली नाली नेल्‍ल सोशा बोशा लाइनीनी। इन रागी रिम्‍शो दुम्‍ब।

ब्‍यवस्‍था 30:5

मिनु परमप्रभु यावे, इन परमप्रभुमी इन कली इन किकी पिपी आन रागीमी चाक्‍ब। मेको रागी इन के बाक्‍ब। मिनु मेकोमी इन कली इन किकी पिपी क्‍येङा शुश नु रिम्‍शो सेल्‍ब।

ब्‍यवस्‍था 7:7

मिनु परमप्रभु यावेमी जात जात आन क्‍येङा गे शुश मुर बाक्‍तीके इन कली दाक्‍शा योव़शो ममाइ। थमा पा, गे जात जात ङा मुर आन क्‍येङा आइक्‍च जात बाक्‍नीनी। ब्‍यवस्‍था १०:१५