11 मोपतीके गो मुलाक्त इन कली माइश्शो आ शेंशो, आ फुल्लुम मुशा ब्रेक्शो लोव़ नु आ निसाफ पतीके लोव़ होस पा पने।
गेपुकी आं कली दाक्ताक्नी हना, आं अरेशो पाइनीनी। यूहन्ना १५:१०; १यूहन्ना ५:३
मिनु मोसामी “मिनु गे इस्राएली नेल्ले, गो इन कली परमप्रभु यावे आ फुल्लुम मुशा ब्रेक्शो लोव़ नु आ निसाफ पतीक लोव़ शेंनुङ। इन नोफा दाइक्तीन। मिनु आ शेंशो पने। मेको पाइतीनी हना, गे ब्रोंइचा ताइनीनी। मिनु गे परमप्रभु यावे, इन किकी पिपी आन परमप्रभुमी इन कली गेशो रागी ओव़चा नु इन के सेल्चा ताइनीनी।
मिनु परमप्रभु यावे, आं परमप्रभुमी आं कली अरेशो खोदेंशो पा, गो इन कली आ फुल्लुम मुशा ब्रेक्शो लोव़ नु आ निसाफ पतीक लोव़ शेंतान्नी। मारदे शेंतान्नी देंशा हना, गे जाक्शा इन के सेल्चा चिक्शो रागीमी मेको नेल्ल पचा, दे शेंतान्नी।
मोपतीके इन परमप्रभु यावेमी इन कली शेंशो होस पा टिने। गेपुकी ग्युरा पेरा गे मलथु, आ लां खोतीन। ब्यवस्था ४:२; ब्यवस्था २८:१४; यहोसु १:७; हितोपदेस ४:२७
मेकोमी आ कली मदाक्ब आन कली चहिं क्येक्क लेश्शा, साइक्ब। आ कली मदाक्ब आन कली शुश मफाल्थु, मेको आन कली शोल्मो पा साइक्ब। नहुम १:२
मिनु गेपुकीमी एको ठीक पतीके लोव़ होस पा नेंशा टिशा, पाइतीनी हना, इन परमप्रभुमी इन किकी पिपी नु कसम जशा, पशो कबल खाप्शा इन कली मप्रोंइब। प्रस्थान २३:२२-३१
मिनु गे परमप्रभु यावे, इन परमप्रभु कली मप्रेंदीन। मिनु मुलाक्त गो इन कली देंशो आ शेंशो, आ निसाफ पतीके लोव़ नु आ फुल्लुम मुशा ब्रेक्शो लोव़ यो मप्रेंचा, दे होस पा बाक्कीन।