ब्‍यवस्‍था 6:24 - Sunuwar Bible

²⁴ मिनु परमप्रभु यावेमी एको फुल्‍लुम मुशा ब्रेक्‍शो लोव़ नेल्‍ल पचा माल्‍ब, दे माइश्‍शो बाक्‍त। गोपुकी परमप्रभु यावे, इं परमप्रभु कली मान पा हिंतय हना, आंइ कली नेल्‍ल नाक्‍त रिम्‍शो दुम्‍ब। मिनु आंइ कली ब्रोंइचा गेब। मुलाक्‍त मोदेंशो बाक्‍ब।

ब्‍यवस्‍था 6:24 ပူးပေါင်းရင်းမြစ်များ

भजन संग्रह 41:2

परमप्रभु यावेमी मेको आन कली कोव़शा, खाल पा प्रोंइब। मेको रागीम बाक्‍मानु, ग्‍येरसमल। गे मेको आन कली आन जोरी सत्रु आन गुइम मगेनीनी।

भजन संग्रह 41:3

मेकोपुकी रोइ पा गोल्‍शा बाक्‍मानु, परमप्रभु यावेमी मेको आन रोइ सापाइक्‍ब।

भजन संग्रह 66:9

मेकोमी आंइ कली बेक्‍चा रे प्रोंइतु। आंइ कली ग्रेक्‍चा मगेव।

प्रस्‍थान 20:20

मिनु मोसामी “महिनीन। परमप्रभु इन कली नाक्‍थ जाक्‍त। गे परमप्रभु कली मान पा हिंचा ङा बाक्‍ब, दे मिम्‍ताक्‍नी हना, पाप मपाइनीनी” देंत। उत्‍पत्ती २२:१

हितोपदेस 22:4

ब्रेम्‍शो थुं पाइश्‍शो नु परमप्रभु यावे कली मान पा हिंब मुर आन इनाम शोंप, मान ततीक नु ब्रोंइतीक बाक्‍ब। हितोपदेस १५:३३

हितोपदेस 9:12

गे जोक्‍ब तुइक्‍ब दुम्‍‍ते हना, मेको इ कलीन दुम्‍ब। गे शुक्‍शी पाइब दुम्‍ते हना, मेको रे पिशो दोस नेल्‍ल इ केन बाक्‍ब।

यसैया 3:10

दोस मताइब मुर आन कली रिम्‍शो दुम्‍ब। मारदे हना मेकोमी आ गेय पशो रे जाइब।

येरमीया 32:39

गो मेको आन कली थुं का दुम्‍तीक नु गाक्‍तीक लां का गेनुङमी। मेकोपुकी गेना हना यो आं कली मान पा हिंनीम। मेको आंम आन कली नु आन आल आन कली रिम्‍शो दुम्‍ब। इजीकीएल ३६:२७

मत्ती 6:33

ङोंइती परमप्रभु यावे आ राज्‍य नु आ ठीक पतीके मिम्‍शा मालीने। मिनु जचा तूचा फेक्‍चा यो ताइनीनी। रोमी १४:१७; १राजा ३:१३-१४; भजन संग्रह ३७:४,२५

लूका 10:28

मिनु येसुमी “ठीक देंते। मेको इ देंशो खोदेंशो पाप्‍तीवी हना, गेना हना यो ब्रोंइशा बाक्‍चा ताइनेवे” देंमाक्‍त। लेवी १८:५; मत्ती १९:१७

रोमी 10:5

मिनु मोसामी परमप्रभु यावे आ अरेशो लोव़ पतीक रे ठीक दुम्‍तीके ब्रेक्‍शो बाक्‍ब। “परमप्रभु यावे आ अरेशो लोव़ टीबपुकी मेको लोव़ टितीकेन ब्रोंइनीम” दे ब्रेक्‍शो बाक्‍त देंनीम। लेवी १८:५

ब्‍यवस्‍था 4:1

मिनु मोसामी “मिनु गे इस्राएली नेल्‍ले, गो इन कली परमप्रभु यावे आ फुल्‍लुम मुशा ब्रेक्‍शो लोव़ नु आ निसाफ पतीक लोव़ शेंनुङ। इन नोफा दाइक्‍तीन। मिनु आ शेंशो पने। मेको पाइतीनी हना, गे ब्रोंइचा ताइनीनी। मिनु गे परमप्रभु यावे, इन किकी पिपी आन परमप्रभुमी इन कली गेशो रागी ओव़चा नु इन के सेल्‍चा ताइनीनी।

ब्‍यवस्‍था 4:4

गे परमप्रभु यावे, इन परमप्रभु कली आ नोले खोइक्‍बपुकी चहिं नेल्‍ल ब्रोंइशो बाक्‍नीनी।

ब्‍यवस्‍था 6:2

गेपुकी मबेक्‍नी सम्‍म परमप्रभु यावे, इन परमप्रभु कली मान पा हिंचा माल्‍नीनी। गो इन कली माइश्‍शो परमप्रभु आ फुल्‍लुम मुशा ब्रेक्‍शो लोव़ नु आ शेंशो नेल्‍ले थुंम वोइक्‍चा माल्‍नीनी। गे, इन तौ नु इन चच युइ नेल्‍लेमी होस पा टिचा माल्‍नीमी। मो पाइतीनी हना, शुश नाक्‍त ब्रोंइनीनी।

ब्‍यवस्‍था 6:23

मिनु आंइ किकी पिपी आन कली गेनुङ देंशा कसम जशो रागीम इं कली चाक्‍चा कली मेकेर रे ग्रुंइताक्‍व।

ब्‍यवस्‍था 8:1

मिनु मोसामी “गो मुलाक्‍त इन कली परमप्रभु आ शेंशो नेल्‍ल माइक्‍तन्‍नी। गेपुकीमी मेको होस पा पचा माल्‍नीनी। मो पाइतीनी हना, गेपुकी ब्रोंइचा ताइनीनी, सोशा बोशा शुश दुम्‍नीनी नु परमप्रभु यावेमी इन किकी पिपी आन कली ‘मेको गेनुङ’ दे कसम जशो रागी ओव़शा इन के सेल्‍शा बाक्‍चा ताइनीनी।

ब्‍यवस्‍था 8:3

मिनु मेकोमी इन कली ब्रेम्‍पाइक्‍चा, दे शोव़लु बेक्‍पाइक्‍तु। मिनु मेकोमी इन किकी पिपी कली इन मतुइश्‍शो मन्‍ना जपाइक्‍तु। मारदे इन कली मन्‍ना जपाइक्‍तु देंशा हना, मुरुम जचा थोव़क जशा ला मब्रोंइनीम, तन्‍न परमप्रभु यावे आ लोव़ रे ब्रोंइनीम, दे तुइक्‍पाइक्‍चा कली मन्‍ना जपाइक्‍तु। प्रस्‍थान १६:१३-१५; मत्ती ४:४