ब्‍यवस्‍था 5:5 - Sunuwar Bible

⁵ मारदे हना गे मी तशा हिंतीनी, डांडा मङोंइसीनी। गो परमप्रभु यावे आ लोव़ इन कली शेंचा, दे परमप्रभु यावे नु इन दातेम, राप्‍शो बाक्‍ती” देंत।

ब्‍यवस्‍था 5:5 ပူးပေါင်းရင်းမြစ်များ

उत्पत्ती 18:22

मिनु परमप्रभु यावे आ स्‍वर्ग ङा गेय पाइब निक्‍शी सोदोम गे लसा बाक्‍त। अब्राहाम परमप्रभु यावे आ ङोंइती राप्‍शा बाक्‍माक्‍त।

२ राजा 18:4

मेकोम डांडा ङा थानपुकी प्रेश्‍शा, ताइक्‍तीमी बाक्‍त। ख्रुक्‍शो फुल्‍लु जिक्‍शा, मूर्ति पाइश्‍शो थाम क्‍योरशा ताइक्‍तीमी बाक्‍त। मेकोमी मोसा आ सेल्‍शो कांसा के बुस्‍स कली टुक्रा टुक्रा पवा बाक्‍त। मारदे हना मेना सम्‍म इस्राएलीपुकीम मेको कली धूप चोइबाक्‍मा बाक्‍त। मेकोपुकीम मेको कली नहुश्‍तन देंबाक्‍मा बाक्‍त। २राजा १५:३५; गन्‍ती २१:८-९

भजन संग्रह 106:23

मोपतीके मेकोमी “मेको आन कली खतम सेल्‍नुङ” दे मिम्‍शो बाक्‍त। तन्‍न आ योव़शो मुर मोसामी “मेको आन कली मोदेंशो मपचा” दे पुंइशो बाक्‍त। मिनु आ गाइश्‍शो नाइश्‍शो बाक्‍त। प्रस्‍थान ३२:११,३२; ब्‍यवस्‍था ९:२५-२९; इजीकीएल १३:४-५

प्रस्‍थान 19:16

मिनु मेको आ नित्‍थ नाक्‍ती डांडा तार बुंबु पा, चिला पा, ठेयब गोस्‍स का ग्रूत। मिनु तुराही का थम ठेयब सेंदा पा ग्री‍त। मेको नेंशा, इस्राएलीपुकी हिंशा, ङोन लशा, बाक्‍तेक्‍म।

प्रस्‍थान 19:21

मिनु परमप्रभु यावेमी मोसा कली “तोंइसो। मुर आन कली ‘होस पा मेकेर बाक्‍कीने। परमप्रभु यावे गे मलने’ दे अरेवो। आं कली कोव़थ कुम्‍तेक्‍म हना, शुश मुर बेक्‍नीम।

प्रस्‍थान 19:25

मिनु मोसा मुर आन बाक्‍तीके तोइश्‍शा, मेको लोव़ नेल्‍ल मुर आन कली माइक्‍तीमी।

येरमीया 30:21

मेको आन कली हुकुम पाइब मेको आन दाते ङा का दुम्‍ब। मेको आन कली सासन पाइब आंम आन मुर बाक्‍ब। गो मेको कली आं नेक्‍था चाक्‍नुङ। मिनु मेको आं नेक्‍था जाक्‍ब। मारदे हना आं नेक्‍था आंमा सु जाक्‍बा ङा?” दे परमप्रभु यावेमी देंत। येरमीया ३०:९

गन्‍ती 16:48

मिनु हारून बेक्‍शो नु सेस मुर आन दातेमी राप्‍त। मिनु मेको मुर बेक्‍‍तीक रोइ देक्‍त।

गलाती 3:19

अरेशो लोव़ शोर गाक्‍शो मदुम्‍बा ङा? नेनीन, परमप्रभु यावेमी अब्राहाम कली गेशो लोव़ खाप्‍ब, दे तुइक्‍नय। मेको युइ मजरमेथु, परमप्रभु यावे आ अरेशो लोव़ रे पा पाप माइश्‍शो मार में, दे तुंइ‍सीशो बाक्‍त। मेको लोव़ परमप्रभु यावे आ स्‍वर्ग ङा गेय पाइबमी गारपाइक्‍ब का आ गुइमी गेशा, मुर आन कली तुइक्‍पदा बाक्‍त। रोमी ५:२०; प्रेरित ७:३८,५३; हिब्रू २:२; ब्‍यवस्‍था ५:५

ब्‍यवस्‍था 5:27

गे आ नेक्‍था लने। मिनु परमप्रभु यावे, इं परमप्रभु आ देंशो लोव़ नेंशा, आंइ कली नेल्‍ल शेंदीन। मिनु मेको नेंशा पाइनीकी” देंतीनी।

हिब्रू 9:24

मारदे हना ख्रीस्‍त मुरपुकीम सेल्‍शो ताम्‍बुमी मओव़। मेको स्‍वर्गम बाक्‍ब ताम्‍बु आ खोदेंशो ला बाक्‍त। तन्‍न मेको स्‍वर्गम ओव़त। मुल मेकोम परमप्रभु यावे आ ङोंइती आंइ पर्बम पुंइब। हिब्रू ७:२५; १यूहन्‍ना २:१