ब्‍यवस्‍था 5:4 - Sunuwar Bible

⁴ परमप्रभु यावेमी गो आंइ नेक्‍था डांडाम बाक्‍शो, मी आ दाते रे लोव़ पाप्‍तु। ब्‍यवस्‍था ५:२४

ब्‍यवस्‍था 5:4 ပူးပေါင်းရင်းမြစ်များ

प्रस्‍थान 19:9

परमप्रभु यावेमी मोसा कली “लो, गो मारेइ मतांइसीचा ङा गोस्‍सुमी इ कली ग्रुम्‍थ जाक्‍नुङ। मोपा गो मुर आन कली, गे नु लोव़ पशा नेंपाइक्‍नुङमी। मिनु इ कली गेना हना यो थमा सुइक्‍नीम” दें‍त। मोसामी मुर नेल्‍ल आन देंशो यो परमप्रभु यावे कली दें‍त। प्रस्‍थान १६:१०; प्रस्‍थान ३४:५; भजन संग्रह १८:१२; प्रस्‍थान १४:३१

प्रस्‍थान 20:1

मिनु परमप्रभुमी मार लोव़ पाप्‍तु देंशा हना मत्ती ५:१७-२८

प्रस्‍थान 33:11

मिनु परमप्रभु यावे नु मोसा कोव़मुशा, लोव़ पाम्‍ताक्‍स। दोदेंशो पा मुर आन वारच नु बाक्‍शा, लोव़ पाइनीमी, मोदेंशो पा लोव़ पाम्‍ताक्‍स। मिनु मोसा लेश्‍शा, आ ताम्‍बुम लत। आ गेय पाइब ठिटा, नून आ तौ यहोसु चहिं ताम्‍बु उइ बाक्‍त। प्रस्‍थान ३३:२०; गन्‍ती १२:८; ब्‍यवस्‍था ३४:१०

गन्‍ती 12:8

गो मेको नु कोव़मुशा लोव़ पाइनुङ। मिनु मेको नु रुप्‍चा ङा लोव़ पा ख्रुइश्‍शो लोव़ मपाइनुङ। मिनु मेको आं नेक्‍था जाक्‍ने चाप्‍ब। मारदे गे आं गेय पाइब मोसा आ पर्बम मरिम्‍शो लोव़ पचा काइ महिंसी?” देंत। प्रस्‍थान ३३:११; ब्‍यवस्‍था ३४:१०

गन्‍ती 14:14

एको रागी ङा मुरपुकीम मेको आन कली नेंपाइक्‍नीम। परमप्रभु यावे, गे इन मुर आन दातेम बाक्‍शो बाक्‍नीनी, दे मेकोपुकीमी देंशो लोव़ नेंने थुम्‍शो बाक्‍नीम। परमप्रभु यावे, गे मेको आन ङोंइतीन तपांइसीशो बाक्‍नीनी। मिनु इन गोस्‍स मेको आन तार बाक्‍शो बाक्‍ब। मिनु गे नाक्‍ती गोस्‍स के थामम नु नाक्‍दो मी के थामम बाक्‍शा, मेको आन ङोंइती गाक्‍नीनी। प्रस्‍थान १३:२१-२२; गन्‍ती ९:१५-२३

ब्‍यवस्‍था 34:10

मेना रे मुल सम्‍म इस्राएली आन दातेमी मोसा खोदेंशो परमप्रभु यावे आ लोव़ पाइब सुइ मग्रूम। परमप्रभु यावेमी मेको कली थमा पा तुइक्‍बाक्‍त। प्रस्‍थान ३३:११; गन्‍ती १२६-८; १कोरिन्‍थी १३:१२

ब्‍यवस्‍था 4:12

मिनु परमप्रभु यावेमी मी आ दाते रे गेपुकी नु लोव़ पाप्‍तु। गे मेको आ लोव़ नेंतीनी, तन्‍न मारेइ मतनी। ब्‍यवस्‍था ५:४,२४

ब्‍यवस्‍था 4:15

मिनु परमप्रभु यावेमी इन कली होरेब डांडाम मी रे लोव़ पवानु, गे मारेइ मतनी।

ब्‍यवस्‍था 4:33

अरु सुइ मुरुम गे इन खोदेंशो पा परमप्रभुमी मी रे लोव़ पशो नेंन्‍मे?। मिनु गे नेंशा यो ब्रोंइशो बाक्‍नीनी। प्रस्‍थान २०:१,१९

ब्‍यवस्‍था 4:36

मिनु मेकोमी सरीङ रे इन कली शेंचा, दे आ सेंदा नेंपाइक्‍तु। मिनु खपीम इन कली आ ठेयब मी कोंइताक्‍व। गे मी आ दाते रे आ लोव़ पशो नेंतीनी। प्रस्‍थान २०:१,१८,२०

ब्‍यवस्‍था 5:22

परमप्रभु यावेमी डांडाम नेल्‍ल इन कली एको लोव़ नेंपाइक्‍तु। मेकोमी मी, गोस्‍स नु हिंचा ङा छिङछिङ खोदेंशो पा आ दाते रे ठेयब सेंदामी इन कली लोव़ पाप्‍तु। मिनु मेकोमी मारेइ मतेम्द। मिनु नोले मेकोमी मेको अरेशो लोव़ फुल्‍लु निक्‍शीम ब्रेक्‍शा, गेती। प्रस्‍थान ३१:१८