ब्‍यवस्‍था 5:23 - Sunuwar Bible

²³ मिनु गेपुकीमी डांडाम मी ब्रशो तशा, छिङछिङ रे सेंदा नेंनीनु, गे इन थर थर ङा ठेयब मुरपुकी नु खाल्‍पापुकी आं नेक्‍था जाक्‍तेक्‍म।

ब्‍यवस्‍था 5:23 ပူးပေါင်းရင်းမြစ်များ

ब्‍यवस्‍था 18:16

मिनु होरेब डांडाम ग्रुम्‍या नाक्‍त परमप्रभु यावे, इन परमप्रभु कली मार पुंइतीनी देंशा हना ‘गो परमप्रभु यावे, आंइ परमप्रभु आ सेंदा लेंशा नेंचा मदाक्‍नीक। मिनु मेको ठेयब मी लेंशा तचा मदाक्‍नीकी। लेंशा, ताइताक हना, बेक्‍नीकी, कों’ दे हिंशा पुंइतीनी। प्रस्‍‍थान २०:१९; हिब्रू १२:१९

ब्‍यवस्‍था 5:22

परमप्रभु यावेमी डांडाम नेल्‍ल इन कली एको लोव़ नेंपाइक्‍तु। मेकोमी मी, गोस्‍स नु हिंचा ङा छिङछिङ खोदेंशो पा आ दाते रे ठेयब सेंदामी इन कली लोव़ पाप्‍तु। मिनु मेकोमी मारेइ मतेम्द। मिनु नोले मेकोमी मेको अरेशो लोव़ फुल्‍लु निक्‍शीम ब्रेक्‍शा, गेती। प्रस्‍थान ३१:१८

ब्‍यवस्‍था 5:24

मिनु गेपुकीमी “परमप्रभु यावे, इं परमप्रभुमी इं कली आ ठेयब पतीके नु आ छेङछेङ कोंइताक्‍व। मिनु गोपुकीमी मेको आ सेंदा मी आ दाते रे नेंतक। मुलाक्‍त मार ताइतक देंशा हना, परमप्रभुमी मुर नु लोव़ पाइब। मो हना यो मुर मबेक्‍म, दे ताइतक। ब्‍यवस्‍था ४:१२-१३,३३

ब्‍यवस्‍था 9:15

मिनु गो डांडा रे ब्रुप्‍ती। मेको डांडाम मी ब्रस ङा ब्रस बाक्‍त। मिनु गो मेको कबल ङा लोव़ ब्रेक्‍शो फुल्‍लु निक्‍शी कुरता।