ब्‍यवस्‍था 4:5 - Sunuwar Bible

⁵ मिनु परमप्रभु यावे, आं परमप्रभुमी आं कली अरेशो खोदेंशो पा, गो इन कली आ फुल्‍लुम मुशा ब्रेक्‍शो लोव़ नु आ निसाफ पतीक लोव़ शेंतान्‍नी। मारदे शेंतान्‍नी देंशा हना, गे जाक्‍शा इन के सेल्‍चा चिक्‍शो रागीमी मेको नेल्‍ल पचा, दे शेंतान्‍नी।

ब्‍यवस्‍था 4:5 ပူးပေါင်းရင်းမြစ်များ

भजन संग्रह 71:17

परमप्रभु, गो ठिटा बाक्‍ङा रेन, गे आं कली शेंताक्‍यीनी। मिनु गो मुल सम्‍म इन छक लाक्‍चा ङा गेय आ पर्बम लोव़ पाइनुङ।

प्रस्‍थान 18:20

परमप्रभु आ फुल्‍लुम मुशा ब्रेक्‍शो लोव़ नु आ अरेशो लोव़ मेको आन कली तुइक्‍पतो। मोपा गे मेको आन गाक्‍तीक लां नु आन पचा माल्‍शो गेय मेको आन कली शेंदो।

येरमीया 11:6

मिनु परमप्रभु यावेम आं कली “यहूदा ङा सहर नेल्‍लेम नु यरूसलेम ङा लां मेर एको कबल ङा लोव़ उरदी पा, मेको कबल ङा लोव़ नेंशा पने।

इजीकीएल 20:11

गो मेको आन कली आं फुल्‍लुम मुशा ब्रेक्‍शो लोव़ तुइक्‍पाइक्‍तामी। मिनु आं निसाफ पतीक लोव़ कोंइताक्‍ङमी। सुम मेको टिशा पाइबा, मेको ब्रोंइब। लेवी १८:५; लूका १०:२८

लेवी 19:19

गे आं फुल्‍लु मुशा ब्रेक्‍शो लोव़ पने। निक्‍शी खाल ङा जन्‍तु, बस्‍तु भाव आन कली मब्‍वाइक्‍तीन। इन रूमी निक्‍शी खाल ङा वांचेर मशोक्‍कीन। गेपुकीमी निक्‍शी खाल ङा श्‍येले ब्‍वाइश्‍शा प्रोव़शो वा मफेक्‍सीन। ब्‍यवस्‍था २२:९-११

लेवी 26:46

एको परमप्रभु यावेमी सीनै डांडाम मोसा कली गेशो आं नु इस्राएली आन दातेमी फुल्‍लुम मुशा ब्रेक्‍शो लोव़ नु “पावो” दे अरेशो लोव़ बाक्‍नीम।

लेवी 27:34

मिनु सीनै डांडामी परमप्रभु यावेमी इस्राएली आन कली मोसा रे पा शेंशो लोव़ एको बाक्‍नीम। लेवी ७:३८; लेवी २५:१; २६:४६

लेवी 7:38

मिनु परमप्रभु यावेमी मेको लोव़ मोसा कली सीनै डांडाम अरेशो बाक्‍त। मेको नाक्‍ती परमप्रभु यावेमी सीनै ङा गोरशो रागीम इस्राएली आन कली आन चढ़ेतीक आ बाक्‍तीक चाक्‍कीन” दे अरेशो बाक्ब।

मत्ती 28:20

मिनु गोमी इन कली मार मार शेंदन्‍नी, मेको नेल्‍ल मेको आन कली शेंशा पपतीने। नेनीने, रागी मनुप्‍ची सम्‍म गो गेनायो गेपुक नु बाक्‍नुङ” देंत। मत्ती १६:२०

प्रेरित 20:27

मारदे हना परमप्रभु यावेमी शेंपाइश्‍शो लोव़ का यो मख्रुइक्‍थु नेल्‍ल शेंताक्‍न्‍‍नी।

१ कोरिन्‍थी 11:28

तन्‍न गे नेल्‍लेमी आंम कली नाक्‍तीन। मिनु ला मेको शोब्‍ले जन नु कचौरा रे तूङीन। मत्ती २६:२२

१ कोरिन्‍थी 15:3

मारदे हना आं ख्रीस्‍त रे त‍शो ठेयब लोव़ इन कली शेंताक्‍न्‍नी। दोदेंशो लोव़ बाक्‍ब देंशा हना, परमप्रभु यावे आ लोव़मी ब्रेक्‍शो खोदेंशो पा ख्रीस्‍त इं पाप आ पर्बम साइक्‍चा पुंइसाक्‍व। यसैया ५३:१२

ब्‍यवस्‍था 11:32

मुलाक्‍त गो इन कली शेंशो फुल्‍लुम मुशा ब्रेक्‍शो लोव़ नु ठीक पतीक लोव़ नेल्‍ल पशा, होस पा बाक्‍कीन” देंत।

ब्‍यवस्‍था 4:1

मिनु मोसामी “मिनु गे इस्राएली नेल्‍ले, गो इन कली परमप्रभु यावे आ फुल्‍लुम मुशा ब्रेक्‍शो लोव़ नु आ निसाफ पतीक लोव़ शेंनुङ। इन नोफा दाइक्‍तीन। मिनु आ शेंशो पने। मेको पाइतीनी हना, गे ब्रोंइचा ताइनीनी। मिनु गे परमप्रभु यावे, इन किकी पिपी आन परमप्रभुमी इन कली गेशो रागी ओव़चा नु इन के सेल्‍चा ताइनीनी।

ब्‍यवस्‍था 4:2

मिनु गो इन कली परमप्रभु यावे, इन परमप्रभु आ लोव़ शेंशा ‘परमप्रभु आ शेंशो पचा माल्‍ब’ दे अरेनुङ। गेपुकीमी आं शेंशो लोव़ कली का यो मतेम्‍दीन। का यो मशोलीने। ब्‍यवस्‍था १३:१; हितोपदेस ३०:६; प्रकाश २२:१८-१९

ब्‍यवस्‍था 4:4

गे परमप्रभु यावे, इन परमप्रभु कली आ नोले खोइक्‍बपुकी चहिं नेल्‍ल ब्रोंइशो बाक्‍नीनी।

ब्‍यवस्‍था 4:40

मुलाक्‍त गो इन कली माइश्‍शो परमप्रभु यावे आ फुल्‍लुम मुशा ब्रेक्‍शो लोव़ नु आ शेंशो टिने। मो पाइतीनी हना, इन आल नु चच आन कली रिम्‍शो दुम्‍ब। मिनु परमप्रभु यावे, इन परमप्रभुमी इन कली गेना हना यो बाक्‍चा कली गेशो रागीम गे शुश नाक्‍ती बाक्‍चा ताइनीनी।

ब्‍यवस्‍था 5:1

मिनु मोसामी इस्राएली नेल्‍ल आन कली ब्रेश्‍शा, मेको आन कली “इस्राएली नेनीन। परमप्रभु यावे आ फुल्‍लुम मुशा ब्रेक्‍शो लोव़ नु आ निसाफ पतीक लोव़ नेनीन। मुलाक्‍ती गो मेको इन कली शें‍नुङ। गे मेको लोव़ शेंसीशा, होस पने।

ब्‍यवस्‍था 6:1

मिनु मोसामी “परमप्रभु यावेमी इन कली माइश्‍शो फुल्‍लुम मुशा ब्रेक्‍शो लोव़ नु निसाफ पतीक लोव़ बाक्‍ब। मिनु गो इन कली शेंचा माल्‍नुङ, दे आं कली माइक्‍ती। गेपुकी मुल इन लशा, इन के सेल्‍चा चिक्‍शो रागीम बाक्‍नीनु, मेको पचा माल्‍नीनी।

ब्‍यवस्‍था 7:11

मोपतीके गो मुलाक्‍त इन कली माइश्‍शो आ शेंशो, आ फुल्‍लुम मुशा ब्रेक्‍शो लोव़ नु आ निसाफ पतीके लोव़ होस पा पने।

ब्‍यवस्‍था 8:11

मिनु गे परमप्रभु यावे, इन परमप्रभु कली मप्रेंदीन। मिनु मुलाक्‍त गो इन कली देंशो आ शेंशो, आ निसाफ पतीके लोव़ नु आ फुल्‍लुम मुशा ब्रेक्‍शो लोव़ यो मप्रेंचा, दे होस पा बाक्‍कीन।

हिब्रू 3:5

नोले तुइक्‍पाइक्‍तीक लोव़ आ पर्बम सांकछी दुम्‍चा कली मोसा परमप्रभु यावे आ खिंमी थम रिम्‍शो गेय पाइब दुम्‍त।