ब्‍यवस्‍था 4:46 - Sunuwar Bible

⁴⁶ मिनु मेना मेकोपुकी यर्दन ओंथ हांबु, बेथ-पेओर आ ङोंइती बाक्‍शो बेंसीम बाक्‍तेक्‍म। मेको ङोंइती हेश्‍बोनम बाक्‍शो सीहोन, एमोरी आन पिप आ रागी बाक्‍त। मेको रागी मोसा नु इस्राएलीपुकीमी इजीप्‍त रे गाक्‍मा नोले लडाइ पा ग्राशो बाक्‍तेक्‍म। गन्‍ती २१:२४

ब्‍यवस्‍था 4:46 ပူးပေါင်းရင်းမြစ်များ

नेहेम्‍याह 9:22

मेको आन कली राज्‍य नु जात जात ङा मुरपुकी नु ग्रापाइक्‍तीनी। मेको आन बाक्‍तीके का का पा योव़शा गेतीनी। मिनु सीहोन माइश्‍शो, हेश्‍बोन रागी ङा पिप नु ओग माइश्‍शो, बाशान रागी ङा पिप आस रागी यो मेको आन कली गेतीनी। गन्‍ती २१:२३-२४; गन्‍ती २१:३३,३५

गन्‍ती 21:35

मोपतीके मेको कली, मेको आ तौपुकी नु मेको आ मुर नेल्‍ल आन कली का यो मप्रोंइथु साइश्‍शा, मेको आन रागी आन के सेल्‍तेक्‍म।

गन्‍ती 32:19

गोपुकीमी यर्दन खोला आ आइक्‍ची हांबु नु मेको क्‍येङा एर गे रागी मताक्‍नीकी। मारदे हना, आंइ भाग यर्दन ओंथ हांबु पूर्ब गे दुम्‍शो बाक्‍ब” देंतेक्‍म। यहोसु १३:८

ब्‍यवस्‍था 1:1

मोसामी एको ब्रेक्‍शो लोव़ इस्राएली नेल्‍ल आन कली शेंशो बाक्‍ब। मिनु मेना मेकोपुकी सुफ माइश्‍शो दिंम आ ओंथ हांबुम बाक्‍तेक्‍म। मेको बाक्‍तीके अराबाहम, पारान, तोफेल, लाबान, हसेरोथ नु दी-साहाब आन दातेमी यर्दन खोला आइक्‍ची हांबु ङा रागीम बाक्‍ब।

ब्‍यवस्‍था 3:29

मिनु गोपुकी बेथ-पेओर आ ङोंइती ङा दिंमम बाक्‍तक।

ब्‍यवस्‍था 3:8

मोपा गो यर्दन ओंथ हांबु ङा एमोरी पिप निक्‍शी आस रागी ग्रातक। अरनोन खोल्‍सा रे हेरमोन डांडा सम्‍म ङा रागी ग्रातक। ब्‍यवस्‍था ४:४८; १इतिहास ५:२३; भजन संग्रह २९:६

ब्‍यवस्‍था 34:6

मिनु परमप्रभुमी मोसा कली मोआब रागी बेथ-पेओर आ ङोंइती दिंम कामी थिम्‍तु। तन्‍न मुल सम्‍म मोसा आ तुरस सुइमी मतुइक्‍नीम।

ब्‍यवस्‍था 4:45

मिनु मेको परमप्रभु यावे आ आ देंशो, आ फुल्‍लुम मुशा ब्रेक्‍शो लोव़ नु आ निसाफ पतीक लोव़ बाक्‍नीम। मोसामी मेको नेल्‍ल इस्राएली आन कली इजीप्‍त रे ग्रुंइची ना शेंताक्‍व।

ब्‍यवस्‍था 4:47

मेको रागी आंम के सेल्‍शा, बाशान ङा पिप ओग आ रागी यो आंम के सेल्‍शो बाक्‍तेक्‍म। मेको निक्‍शी एमोरी आन पिप बाक्‍ताक्‍स। मेको रागी यर्दन ओंथ हांबु नां दाप्‍तीके गे बाक्‍त।

यहोसु 12:1

मिनु इस्राएलीपुकीमी यर्दन ङा पूर्ब, अरनोन खोला रे हेरमोन डांडा सम्‍म नु पूर्ब ङा अराबाह दिंम नेल्‍ल आंम के सेल्‍तेक्‍म। मेको ब्रुशो पिप सु सु बाक्‍तेक्‍म देंशा हना,

यहोसु 24:12

गो इन ङोंइङोंइती हिकवा सोइक्‍ताक्‍ङ। मेकोमी एमोरी आन पिप निक्‍शी आस कली खेदा पाम्‍तेक्‍म। गे इन तरवार नु लिब्रामी खेदा पचा ममाल्‍नी। प्रस्‍थान २३:२८; यहोसु १०:१-२