ब्‍यवस्‍था 4:35 - Sunuwar Bible

³⁵ गे मारदे मेको ताइतीनी देंशा हना, परमप्रभु यावे, का ला परमप्रभु बाक्‍ब। मेको क्‍येङा लाक्‍शा अर्को परमप्रभु मबाक्‍ब, दे तुइक्‍पाइक्‍चा कली इन कली कोंइताक्‍व।

ब्‍यवस्‍था 4:35 ပူးပေါင်းရင်းမြစ်များ

२ सामुएल 22:32

परमप्रभु यावे क्‍येङा अर्को तेकोइ परमप्रभु मबाक्‍ब। आंइ परमप्रभु क्‍येङा लाक्‍शा अर्को तेकोइ सेरथे फुल्‍लु मबाक्‍ब।

२ सामुएल 7:22

मोपतीके परमप्रभु यावे, परमप्रभु गे ठेयब बाक्‍नीनी। इन खोदेंशो अरु सुइ मबाक्‍नीम। अर्को परमप्रभु यो मबाक्‍नीम।

१ राजा 8:60

मिनु रागी ङा मुर नेल्‍लेमी परमप्रभु यावे ला परमप्रभु बाक्‍ब, दे तुइक्‍नीम। मिनु मेको ङा लाक्‍शा अर्को सुइ परमप्रभु मबाक्‍ब, दे यो तुइक्‍नीम।

२ राजा 19:19

मुल परमप्रभु यावे, आंइ परमप्रभु आंइ कली मेको आ गुइ रे प्रोनीन, दे पुंइनुङ। मिनु रागी नेल्‍ल ङा मुरपुकीम परमप्रभु यावे, गे का ला परमप्रभु बाक्‍नीनी, दे तुइक्‍तमेक्‍ल” दे पुना बाक्‍त।

१ इतिहास 17:20

इन खोदेंशो अर्को सुइ मबाक्‍नीम। परमप्रभु यावे, इन ङा लाक्‍शा अर्को तेकोइ परमप्रभु मबाक्‍नीम। ङोंइती इन देंशो नेंशो नेल्‍ल मुल आंइ मिक्‍चीम ताइतक। यसैया ४४:६

भजन संग्रह 100:3

परमप्रभु यावे का ला परमप्रभु बाक्‍ब, दे रुपीन। मेकोमी इं कली सेल्‍शो बाक्‍त, गो मेको आ मुर बाक्‍नय। गो मेको आ योव़तीक ङा भेडा बाक्‍नय। भजन संग्रह ९५:७

भजन संग्रह 58:11

मिनु मुरपुकीमी “ठीक पाइबपुकीमी थमा पा इनाम ताइनीम। थमा पा, परमप्रभु रागीम निसाफ पाइब बाक्‍ब” देंनीम।

भजन संग्रह 83:18

मेकोपुकीमी इन नें परमप्रभु यावे बाक्‍ब, दे तुइक्‍तमेक्‍ल। गे रागी ङा नेल्‍ल क्‍येङा ठेयब बाक्‍नीनी” दे परमप्रभु कली ठेयब सेल्ता। होसे १२:१६

प्रस्‍थान 15:11

परमप्रभु यावे, देवी देवता आन दातेमी इन खोदेंशो ठेयब सुइ मबाक्‍नीम। इन खोदेंशो सक्ति पाइश्‍शो, ठेयब मान ताइब सुइ मबाक्‍नीम। इन ठेयब गेय हिंचा ङा बाक्‍ब। गे छक लाक्‍चा ङा गेय पाइब बाक्‍नीनी। प्रस्‍थान ८:६; प्रस्‍थान १८:११; भजन संग्रह ८६:८

प्रस्‍थान 8:10

मिनु “दीसा कली पुनीस” दे लोव़ लेत्‍ताक्‍व। मोसामी “परमप्रभु यावे आंइ परमप्रभु खोदेंशो सुइ मबा, दे तुइक्‍पाइक्‍चा कली इन देंशो दीसा दुम्‍ब। प्रस्‍थान ९:१४; प्रस्‍थान १५:११; ब्‍यवस्‍था ३३:२६; २सामुएल ७:२२; येरमीया १०:६

प्रस्‍थान 8:6

मिनु हारूनमी आ गुइ इजीप्‍त ङा ब्‍वाक्‍कु तारी दिंताक्‍व। मिनु क्रुक्‍क्रुपुकी ग्रूशा, इजीप्‍त रागी नेल्‍ल ब्रीतेक्‍म।

प्रस्‍थान 9:14

मारदे हना मुल रे गेचशो श्‍येतम इ कली, इ गेय पाइब आन कली नु इ मुर नेल्‍ल आन कली सोइक्‍नुङ। रागी रागीमी आं खोदेंशो सुइ मबाक्‍ब, दे इ कली तुइक्‍पाइक्‍नुङ। प्रस्‍थान ८:६

यसैया 43:10

परमप्रभु यावेमी “गेपुकी आं सांकछी बाक्‍नीनी। मिनु गे आं योव़शो गेय पाइब बाक्‍नीनी। गे आं कली तुइश्‍शा थमा सुइक्‍ब दुम्‍शो बाक्‍नीनी। मिनु गो परमप्रभु नङ, दे रुप्‍नीनी। आं ङोंइती सुइ परमप्रभु मबा, आं नोले यो सुइ परमप्रभु मदुम्‍नीम। यसैया ४४:३

यसैया 44:6

मिनु परमप्रभु यावे, इस्राएली आन पिप नु मेको आन कली पाप रे प्रोंइब, मुर नेल्‍ल आन परमप्रभु यावेमी “गो नेल्‍ल क्‍येङा ङोंइती नु नेल्‍ल क्‍येङा नोले ङा नङ। गो आं ङा लाक्‍शा, अरु परमप्रभु मबाक्‍नीम। यसैया ४१:४; यसैया ४३:११; प्रकाश १:१७

यसैया 44:8

गे ख्रिंख्रि पा महिनीन। गो साइ रे इन कली मदेंङा ङा? गेपुकी आं सांकछी बाक्‍नीनी। गो आं ङा लाक्‍शा अरु परमप्रभु बाक्‍नीमी? आं क्‍येङा लाक्‍शा अरु सेरथे फुल्‍लु मबाक्‍ब। गो मेको मतुइक्‍नुङ” देंत। १सामुएल २:२

यसैया 45:18

मिनु परमप्रभु यावे सरीङ नु रागी सेल्‍ब बाक्‍ब। मुर मबाक्‍तीके मसेल्‍थु, मुर आन कली बाक्‍तीक सेल्‍तु। मेकोमी “गो परमप्रभु यावे नङ। आं ङा लाक्‍शा अरु सुइ परमप्रभु मबाक्‍ब।

यसैया 45:22

आं गे ले‍तीन। मिनु पाप रे प्रोंइचा पुंइसीन। रागी ङा सुर सम्‍म मो पने। मारदे हना गो परमप्रभु नङ। आं ङा लाक्‍शा अरु सुइ परमप्रभु मबाक्‍ब।

यसैया 45:5

गो परमप्रभु यावे नङ। गो आं ङा लाक्‍शा सुइ परमप्रभु मबाक्‍ब। गे आं कली मतुइक्‍ताक्‍यी हना यो, गो इ कली ठीक सेल्‍तन। प्रस्‍थान २०:३

मर्कूस 12:29

मिनु येसुमी “नेल्‍ल क्‍येङा ङोंइती ङा लोव़ एकोन बाक्‍ब ‘ए इस्राएल नेनो, इ परमप्रभु यावे का बाक्‍ब।

मर्कूस 12:32

मिनु सास्‍त्रीमी “शेंब, गे थमान ठीक लोव़ पाइतीनी। परमप्रभु यावे कानाइ बाक्‍ब। आ ङा लाक्‍शा सुइ मबाक्‍ब। लूका २०:३९-४०

१ कोरिन्‍थी 8:4

मूर्ति कली चढ़ेशो श्‍ये ब्‍वचा आ पर्बम मार देंनुङ देंशा हना, मूर्तिपुकी सोक्‍त पाइश्‍शो मनम। मेकोपुकी नु मारेइ मबाक्‍ब। परमप्रभु यावे ङा लाक्‍शा सुइ मबाक्‍ब दे तुइक्‍ताक्‍य। ब्‍यवस्‍था ६:४

१ कोरिन्‍थी 8:6

इं कली परमप्रभु यावे का ला बाक्‍ब। मेको मारेइ मारेइ सेल्‍ब इं आफ बाक्‍ब। मिनु गोपुकी यो मेको आ सेल्‍शो बाक्‍नय। मिनु इं प्रभु का ला बाक्‍ब, मेको प्रभु येसु ख्रीस्‍त बाक्‍ब। मेको आ पतीकेम मारेइ मारेइ दुम्‍शा, गो ब्रोंइचा ताइनीकी। १कोरिन्‍थी १२:५-६; प्रस्‍थान २०:३; मलाकी २:१०; एफिसी ४:५-६; यूहन्‍ना १:३; कलस्‍सी १:१६

ब्‍यवस्‍था 32:12

परमप्रभु यावेमी मेको कली लां कोंइताक्‍व। मेको नु अर्को तेकोइ देवता मबाक्‍म।

ब्‍यवस्‍था 32:23

गो मेको आन कली शुश श्‍येत गे‍नुङ। गो मेको आन कली ब्रा आप्‍नुङ। दोपा आप्‍नुङ देंशा हना,

ब्‍यवस्‍था 32:39

मुल कोव़ङीन, गो ला परमप्रभु नङ। आं क्‍येङा लाक्‍शा सुइ परमप्रभु मबाक्‍ब। गो साइक्‍ब नु ब्रोंइपाइक्‍ब नङ। गो गार सेल्‍ब नु सापाइक्‍ब नङ। आं गुइ रे ब्रोंइब सुइ मबाक्‍ब। ब्‍यवस्‍था ४:३५; यसैया ४५:५; १सामुएल २:६; प्रस्‍थान १५:२६; अय्‍युब ५:१८; होसे ६:१-२

ब्‍यवस्‍था 33:26

मिनु “येशुरुन आ परमप्रभु खोदेंशो सुइ मबाक्‍ब। मेको इ कली वारच पाइक्‍चा कली स्‍वर्ग रे पीब। मेको सरीङ मेर रे मान पचा पुंइसीशा पीब। येशुरुन याकूब-इस्राएल कली मान पतीक नें बाक्‍ब। आ अर्थ ठीक पाइब बाक्‍ब। ब्‍यवस्‍था ३२:१५

ब्‍यवस्‍था 4:39

मिनु गे मुलाक्‍ती परमप्रभु यावे, का ला सरीङ नु रागी ङा परमप्रभु बाक्‍ब। मेको ङा लाक्‍शा अर्को सुइ परमप्रभु मबाक्‍ब। एको लोव़ गे मुलाक्‍ती थमा पा तुइक्‍तीन। मिनु इन थुंम लील।

ब्‍यवस्‍था 6:4

इस्राएलीपुकी, नोफा दाइश्‍शा, नेनीन। परमप्रभु यावे, का ला इं परमप्रभु बाक्‍ब। मर्कूस १२:२९; १कोरिन्‍थी ८:४-६

ब्‍यवस्‍था 7:9

परमप्रभु यावे, इन परमप्रभुमी आ कबल काइ मप्रोंइब आ देंशो पाइब परमप्रभु बाक्‍ब। मिनु परमप्रभु कली दाक्‍ब नु आ शेंशो टीब आन कली हजार पाला सम्‍म आ पशो कबल खाप्‍ब नु आ शिशी कोंइना कोंइन बाक्‍ब। प्रस्‍थान २०:६

१ सामुएल 2:2

परमप्रभु यावे खोदेंशो अरु सुइ मबाक्‍नीम। इन क्‍येङा लाक्‍शो अर्को सुइ मबाक्‍नीम। आंइ परमप्रभु, सेरथे फुल्‍लु खोदेंशो अरु सुइ मबाक्‍नीम। ब्‍यवस्‍था ४:३५; उत्‍पत्ती ४९:२४; ब्‍यवस्‍था ३२:१८; भजन संग्रह १८:२२