ब्‍यवस्‍था 4:31 - Sunuwar Bible

³¹ मारदे हना परमप्रभु यावे, इन परमप्रभु, शिशी पाइब परमप्रभु बाक्‍ब। इन किकी पिपी नु कसम जशा पशो कबल मप्रेंब। मेकोमी इन कली मप्रोंइथु, खतम मसेल्‍ब।

ब्‍यवस्‍था 4:31 ပူးပေါင်းရင်းမြစ်များ

१ इतिहास 28:20

मिनु दाऊदमी आ तौ सोलोमन कली “बोल्‍यो नु महिंब दुम्‍शा, एको गेय पावो। महिनो, इ थुं ग्‍येत्‍थ लुक्‍च मपावो। मारदे हना परमप्रभु यावे, आं परमप्रभु गे नु बाक्‍ब। परमप्रभु यावेमी आ खिंमी गेय पचा कली मारेइ मारेइ सेल्‍ने मथुमा सम्‍म इ कली मप्रोंइथु वारच पाइब। १इतिहास २२:१३; ब्‍यवस्‍था ३१:६

२ इतिहास 30:9

गे परमप्रभु यावे गे लेत्‍तीनी हना, ग्‍याइश्‍शा लाइक्‍चा पुंइसीशो इन खिं खिं ङा मुर नु इन आलपुकीम ग्‍याइक्‍ब मुर रे शिशी तशा, मेकोपुकी एको रागीम लेश्‍शा जाक्‍नीम। मारदे हना परमप्रभु यावे, इन परमप्रभु दाक्‍ब नु शिशी पाइब बाक्‍ब। गेपुकी मेको गे लेत्‍तीनी हना, मेको यो इन गे लेप्‍ब” दे ब्रेक्‍शो बाक्‍माक्‍त।

नेहेम्‍याह 1:5

“परमप्रभु यावे, स्‍वर्गम बाक्‍ब परमप्रभु, गे नेल्‍ल क्‍येङा ठेयब नु मान पा हिंचा माल्‍शो परमप्रभु बाक्‍नीनी। इन कली दाक्‍शा, इन अरेशो लोव़ टीब आन कली शिशी पाइब नु कबल खाप्‍ब बाक्‍नीनी। दानीएल ९:४

नेहेम्‍याह 9:31

मो पाम्‍तेक्‍म हना यो, इन ठेयब शिशीमी मेको आन कली मसाइक्‍थु, आन श्‍येत रे प्रोंइनी बाक्‍त। मारदे हना गे शिशी पाइब नु शुश दाक्‍ब परमप्रभु बाक्‍नीनी।

भजन संग्रह 103:8

परमप्रभु यावे शिशी पाइब नु रिम्‍शो पाइब बाक्‍ब। मेको रीब पा मगाइक्‍थु, आ गेना हना यो दाक्‍तीके शुश कोंइब। भजन संग्रह ८६:१५

भजन संग्रह 105:8

मेकोमी आ पशो कबल गेना हना यो मिम्‍ब। आ देंशो लोव़ हजार हजार पाला सम्‍म मिम्‍ब। ब्‍यवस्‍था ७:९

भजन संग्रह 111:4

मेकोमी आ छक लाक्‍चा ङा गेय मिम्‍पाइश्‍शो बाक्‍ब। परमप्रभु यावे दाक्‍ब नु शिशी पाइब बाक्‍ब। प्रस्‍थान १२:१-२२

भजन संग्रह 111:5

मेकोमी आ कली मान पा हिंब आन कली जचा गेब। मिनु आ पशो कबल गेना हना यो मिम्‍ब। भजन संग्रह १४५:१५

भजन संग्रह 111:9

मेकोमी आ मुर आन कली श्‍येत रे प्रोंइतु। मेकोमी आ पशो कबल गेनायो मक्‍याम्‍चा कली सेल्‍शो बाक्‍त। मेको आ नें का ला मान पा हिंचा ङा बाक्‍ब।

भजन संग्रह 116:5

परमप्रभु यावे शिशी पाइब नु ठीक पाइब बाक्‍ब। आंइ परमप्रभु शुश दाक्‍ब बाक्‍ब।

भजन संग्रह 86:15

तन्‍न परमप्रभु, गे दाक्‍ब नु शिशी पाइब परमप्रभु बाक्‍नीनी। रीब पा मगाइक्‍ब, गेना हना यो दाक्‍शा मप्रोंइब बाक्‍नीनी। भजन संग्रह १०३:८; प्रस्‍थान ३४:६

भजन संग्रह 86:5

परमप्रभु, गे रिम्‍शो पाइब नु माफ गेब बाक्‍नीनी। इन कली पुंइब नेल्‍ल आन कली गेना हना यो दाक्‍नीनी।

प्रस्‍थान 6:8

मिनु गो अब्राहाम, इसहाक नु याकूब आन कली गेनुङ, दे कसम जशो रागीम इन कली चाक्‍दीत्‍नुङ। मिनु मेको रागी इन के दुम्‍ब। गो परमप्रभु यावे नङ’ दे गे इस्राएली आन कली देंचा माल्‍नेवे” दें‍त। उत्‍पत्ती २२:१६

येरमीया 14:21

इन नें आ पर्बम आंइ कली शोर गाक्‍शो ममिम्‍तीन। गो इन सक्ति पाइश्‍शो नित्‍तीक कली आइक्‍च मसेल्‍पाइक्‍नीकी। इन पशो कबल मिम्‍तीन। गे मेको मक्‍याम्‍दीन।

येरमीया 30:11

मारदे हना गो इ कली प्रोंइचा कली गे नु बाक्‍नुङ। इन कली फ्रशा वोइश्‍शो रागी रागी ङा मुर नेल्‍ल आन कली साइक्‍नुङमी। तन्‍न गो इ कली गेनायो मक्‍याम्‍नुङ। गो इ कली ठीक सजाइ गेनुङ। गो इ कली थमा पा सजाइ मगेथु, मप्रोंइनुङ” दे परमप्रभु यावेमी देंत। येरमीया १०:२४; ब्‍यवस्‍था ८:५

लेवी 26:42

गो याकूब, इसहाक नु अब्राहाम नु पशो आं कबल नु मेको रागी कली मिम्‍नुङ। प्रस्‍थान २:२४; २राजा १३:२३

लेवी 26:44

मिनु मोदेंशो पाम्‍तेक्‍म हना यो, गो मेको आन कली आन जोरी सत्रु आन रागीमी कोव़शा, ग्रांग्रा दिशा खतम मसेल्‍नुङमी। मिनु मेकोपुकी नु पशो आं कबल मप्रोंइनुङ। मारदे हना गो परमप्रभु यावे, मेको आन परमप्रभु नङ। होसे ११:९

लेवी 26:45

तन्‍न गो मेको आन कली मिम्‍शा, आन किकी पिपी नु पशो आं कबल मिम्‍नुङ। गो नेल्‍ल रागी ङा मुरपुकीम तचा ङा पा मेको आन परमप्रभु दुम्‍तीके, मेको आन कली इजीप्‍त रागी रे ग्रुंइशा चाक्‍ताक्‍मी। गो परमप्रभु यावे नङ” दे परमप्रभु यावेमी देंत। उत्‍पत्ती १२:७

योना 4:2

“परमप्रभु यावे, आं रागीम बाक्‍ङानु, गो एको तुइश्‍शो नङ। मोपतीके गो टारशीश गे प्रोक्‍शो नङ। गे नेल्‍ल कली शिशी पाइब नु दाक्‍ब परमप्रभु ननी। इन गाइक्‍चा रीब पा मबोक्‍ब। इन शिशी ठेयब बाक्‍ब। इन थुं श्‍येत गेचा बाक्‍त हना यो, इन थुं लेश्‍शा, मेको आन कली मारेइ मपाइनीनी, दे गो तुइश्‍शो नङ। प्रस्‍थान ३४:६

मीका 7:18

इन खोदेंशो परमप्रभु अर्को सु बाक्‍बा ङा? गे ठीक मपशो क्‍याम्‍ब बाक्‍नीनी। इन लीशो मुर आन मरिम्‍शो पतीके माफ गेनीनी। गे गेना हना यो गाइक्‍स ङा गाइक्‍स मबाक्‍नीनी। तन्‍न शिशी पचा कली ग्‍येरशा बाक्‍नीनी। भजन संग्रह १०३:३,८-१३

गन्‍ती 14:18

‘परमप्रभु यावे रीब पा मगाइक्‍ब नु गेना हना यो दाक्‍ब, प्रस्‍थान ३४:६-७ मेकोमी मरिम्‍शो पशो नु दूली पशो क्‍याम्‍ब, तन्‍न दोस ताइब कली दोस मताइब मदेंब। आन आंम आफ आन पशो पाप मेको आन आल, चच, युइ नु युइ आन आल सम्‍म रपाइक्‍ब’ दे थोक्‍शा लोव़ पशो बाक्‍तीनी।

लूका 1:72

‘परमप्रभु यावेमी आंइ किकी पिपी आन कली शिशी पाइनुङ’ दे आ पशो कबल मिम्‍ताक्‍व। उत्‍पत्ती १७:७

ब्‍यवस्‍था 31:6

बोल्‍यो नु महिंब दुमीन। मेको आन कली तशा महिनीन मारदे हना परमप्रभु यावे, इन परमप्रभु गेपुकी नु लाइब। मेकोम इन कली कोव़शा, मप्रोंइब” दे मोसामी देंत। ब्‍यवस्‍था १:२९-३०

ब्‍यवस्‍था 31:8

मिनु परमप्रभु यावे इ ङोंइती लाइब। मेको गे नु बाक्‍ब। मेकोम इन कली कोव़शा, मप्रोंइब। महिनीन नु मेको आन कली तशा इन थुं लुक्‍च मलने” दे मोसामी यहोसु कली देंत।

हिब्रू 13:5

क्‍येट चेम्‍चा गे इन थुं महिरदीने। गेपुकी नु मार मार बाक्‍मा, मेको मोशोमीन इन थुं नाइश्‍शा बाक्‍कीन। मारदे हना मेकोमी “गे नु बाक्‍नुङ, मिनु गेनायो मप्रोंइनन” देंब। यहोसु १:५; १तिमोथी ६:६

यहोसु 1:5

गे मबेक्‍ङे सम्‍म इ कली सुइमी यो फ्रुने मचाप्‍नीम। गो दोपा मोसा नु बाक्‍ङा, मोपा गे नु यो बाक्‍नुङ। गो इ कली गेना हना यो कोव़नुङ। मिनु गेनायो मप्रोंइनुङ। ब्‍यवस्‍था ३१:७,८; हिब्रू १३:५