ब्यवस्था 4:29 - Sunuwar Bible29 तन्न गे मेकेर बाक्शा, परमप्रभु यावे, इन परमप्रभु कली माल्नीनी। मिनु गे थमा पा इन थुं नेल्लेम माल्तीनी हना, गे मेको कली थित्नीनी। भजन संग्रह २७:८; येरमीया २९:१३-१४ အခန်းကိုကြည့်ပါ။ |
ब्यवस्था 4:29
31 ပူးပေါင်းရင်းမြစ်များ
मिनु पिप थाम आ पुंम राप्शा, परमप्रभु यावे आ ङोंइती कबल का पवा बाक्त। मेको कबल मार बाक्त देंशा हना, “गो परमप्रभु यावे आ शेंशो, आ देंशो लोव़, आ फुल्लुम मुशा ब्रेक्शो लोव़ आं थुं नु रां नेल्लेमी टिशा पाइनुङ। मोपा एको कागजम ब्रेक्शो कबल ङा लोव़ नेल्ल खाप्नुङ” देंमाक्त। मिनु मेको नोले मुर नेल्लेमी “गोपुकीम यो मेको कबल खाप्नीकी” देंमा बाक्त। प्रस्थान २४:३-८; यहोसु २४:२५
यहूदा ङा मुर नेल्लेमी मेको कसम जतीके ग्येरसमा बाक्त। मारदे हना मेकोपुकीमी आन थुं नेल्लेमी परमप्रभु यावे कली खोइक्चा थमा पा दाक्तमे बाक्त। मिनु परमप्रभु कली थिश्शो बाक्मा बाक्त। मोपतीके परमप्रभु यावेमी मेको नेल्ल आन रागीमी लडाइ मदुम्पाइक्थु, आन थुं नाइक्चा गेवा बाक्त। २इतिहास १४:५-६; २इतिहास २०:३०
मोपतीके गे मेको आन कली आन जोरी सत्रु आन गुइमी गेनी बाक्त। मेकोपुकीमी मेको आन कली शुश श्येत गेमे बाक्त। मिनु श्येत जामेनु ‘वारच पाइक्की’ दे इन कली पुन्मेनु, गे स्वर्ग रे आन पुंइशो नेंनी बाक्त। गे इन ठेयब शिशीमी मेको आन कली आन जोरी सत्रु रे प्रोंइचा कली मुर सोइक्तीनी बाक्त। मिनु मेकोपुकीमी मेको आन कली प्रोन्मे बाक्त। न्यायाधीस ३:९,१५; न्यायाधीस २:१४-२२
मिनु सामुएलमी इस्राएली नेल्ल आन कली “गे इन थुं नेल्लेमी परमप्रभु यावे गे लेत्चा दाक्ताक्नी हना, इन दाते रे अर्को रागी ङा देवी देवता नु अश्तारोथ माइश्शो मूर्ति पाइश्शो थाम नेल्ल ग्रुंइदीन। मिनु इन थुं नेल्लेमी परमप्रभु यावे कली ला ठेयब सेलीने। मिनु मेकोम इन कली पलिस्ती आन गुइ रे प्रोंइब” देंमाक्त। उत्पत्ती ३५:२; यहोसु २४:२३
ကြော်ငြာတွေ