ब्‍यवस्‍था 4:28 - Sunuwar Bible

²⁸ मिनु गेपुकीमी मेकेर ङा मुर आन सेल्‍शो शी के, फुल्‍लु के मताइब, मनेंब, मजाइब नु मनाम्‍ब मूर्ति आन कली पूजा पाइनीनी। ब्‍यवस्‍था २८:३६; भजन संग्रह ११५:४-७

ब्‍यवस्‍था 4:28 ပူးပေါင်းရင်းမြစ်များ

२ राजा 17:40

मो हना यो मेकोपुकीम मेको लोव़ मनेन्‍मे बाक्‍त। मिनु मेको आन ङोंइती ङा पशो खोदेंशो पामे बाक्‍त।

यसैया 26:14

बेक्‍शो मुर मब्रोंइनीम। वांकु मबोक्‍नीम। मारदे हना गे मेको आन कली साइश्‍शा, मेको आन कली मिम्‍तीक यो क्‍याम्‍ताक्‍नी।

यसैया 44:11

मेको आ नोले खोइक्‍ब नेल्‍ल मुने दोक्‍नीम। मेको मूर्ति सेल्‍चा जोक्‍ब मुर ला बाक्‍नीम। मेकोपुकी बुक्‍‍शा, राम्‍मल। ग्रीचोक पा हिंमल। मिनु गेना हना यो मुने दोक्‍मल। यसैया ४२:१७

यसैया 44:12

तुप्‍तीलमी मूर्ति चेम्‍ब। मेकोमी मीम गेय पाइब। बोल्‍यो गुइमी घनमी तुप्‍शा सेल्‍ब। मेको शोव़लु बेक्‍शा, आ बोल साम्‍ब। ब्‍वाक्‍कु मतूथु, गेय पने मचाप्‍ब। यसैया ४०:१८-२०

यसैया 44:9

मिनु “मूर्ति सेल्‍ब नेल्‍ल फश खोदेंशो बाक्‍नीम। मेको आन सेल्‍चा दाक्‍शो मूर्ति शोर गाक्‍शो बाक्‍नीम। मेको आन पर्बम शेंबपुकी मिक्‍च मताइब खोदेंशो दुम्‍शा, मारेइ मतुइक्‍नीम। मोपतीके मेको मुने दोक्‍नीम। यसैया ४५:१६; भजन संग्रह ११५:४-८; येरमीया १०:३-१६

यसैया 45:20

मिनु परमप्रभु यावेमी “गे नेल्‍ल खुम्‍सीशा बुक्‍कीन। गे रागी रागी ङा लीशो मुर आं नेक्‍था जाक्‍कीन। शी के मूर्ति कुरबपुकी मारेइ मतुइक्‍ब बाक्‍नीमी। मेकोपुकीमी आन मूर्ति कली पुंइना पुंइन बाक्‍नीमी। तन्‍न मेकोपुकीमी श्येत रे प्रोंइने मचाप्‍नीम।

यसैया 46:7

मिनु मेको कली गुप्‍शा, बलाम कुरशा, लाइश्‍शा, आ बाक्‍तीकेम वोदमेनु, मेकेर मदुक्‍थु, मगाक्‍थु बाक्‍ब। सुइमी मेको आ ङोंइती जाक्‍शा ‘प्रोंइ‍यीनी’ देंत हना, मेकोमी लोव़ मलेप्‍ब। सुइ आन कली श्‍येत रे प्रोंइने मचाप्‍ब” देंत। १राजा १८:२६

येरमीया 10:3

मारदे हना जात जात ङा मुर आन पतीक जोल बाक्‍ब। मेकोपुकीमी ब्‍वाकी ङा रवा का तिम्‍नीम। मिनु शी के मार, मार, सेल्‍ब जोक्‍बमी मुशा मूर्ति सेल्‍नीम। यसैया ४४:१३-१७

येरमीया 10:5

मेको आन मूर्ति वोबी‍स रूम वोइश्‍शो खेरच खोदेंशो बाक्‍नीम। मेको ब्‍वाक्‍ने मचाप्‍नीम। मेको आन कली कुरचा माल्‍नीम। मारदे हना मेकोपुकी गाक्‍ने मचाप्‍नीम। मेको तशा महिनीन। मारदे हना मेकोपुकीमी मारेइ मरिम्‍शो पने मचाप्‍नीम। मारेइ रिम्‍शो यो पने मचाप्‍नीम” देंत। भजन संग्रह ११५:७; यसैया ४६:७

येरमीया 10:9

टारशीश रे तुप्‍शो चांदी चाक्‍नीम। मिनु उफाज रागी रे सुन चाक्‍नीम। मेको मार मार सेल्‍स जोक्‍ब नु सुन चेम्‍बपुकी आन गेय बाक्‍ब। मिनु मेको आन कली नीलो नु प्‍याजी रङ ङा वा फेक्‍पाइक्‍नीम। मेको नेल्‍ल मार मार सेल्‍स जोक्‍ब मुर आन गेय बाक्‍नीम।

येरमीया 16:13

मोपतीके गो इन कली इन मतुइश्‍शो रागी नु इन किकी पिपी आन मतुइश्‍शो रागीम ताइक्‍नन्‍नी। मिनु गेपुकीम मेकेर नाक्‍दो नाक्‍ती देवी देवता आन कली पूजा पाइनीनी। मारदे हना गो इन कली शिशी मपाइ‍नुङ’ देनो” दे परमप्रभुमी आं कली देंत। ब्‍यवस्‍था २८:६४

इजीकीएल 20:32

मिनु परमप्रभुमी “इन थुंम ‘गोपुकी अर्को रागी ङा मुर नु अर्को जात ङा मुर खोदेंशो दुम्‍चा दाक्‍नीक’ देंतीनी। गेपुकीमी ‘रागी ङा जात जात ङा मुर खोदेंशो पा शी नु फुल्‍लु आन कली पूजा पाइब बाक्‍नीकी’ देंतीनी। तन्‍न इन मिम्‍शो गेनायो मजाक्‍दीप्‍ब” देंत। प्रस्‍थान २३:२४

इजीकीएल 20:39

ए इस्राएल आ खिं ङा मुरपुकी, परमप्रभु यावेमी इन कली ‘लन। गे आं देंशो टिचा मदाक्‍नीनी हना, मुल रे गे नेल्‍लेम इन इन मूर्ति आन कली पूजा पने। तन्‍न इन मूर्ति पूजा पतीकेमी आं नें कली गेनायो ग्रांग्रा दिशो मसेलीन।

प्रेरित 19:26

मुल चहिं एको पावल नें पाइश्‍शो मुरुमी एसीया नेल्‍ल हिरने थुम्‍शा, इं एफिससमी जाक्‍शा, मुर नेल्‍ल आन कली ‘मुर आन गुइ रे सेल्‍शो मूर्ति देवी ममाइ’ देंशा शुश मुर आन थुंमी मूर्ति पूजा पचा प्रोंइपाइक्‍तीमी। मेको इं मिक्‍चीम ताइतय।

प्रेरित 7:42

मेकोपुकीमी मो पशो तशा, परमप्रभु यावे गाइश्‍शा ‘मेकोपुकी नां नु तास्‍ला कली सेउ पाइब दुम्‍ल’ दे प्रोंइमी बाक्‍त। परमप्रभु यावे आ लोव़ पाइबमी ‘गे इस्राएलीपुकी, गोरशो रागीम ४० बर्स सम्‍म हिरशा गाक्‍नीनु, मार मार क्‍योरशा जारशा, आं कली चढ़ेनी ङा?

ब्‍यवस्‍था 28:36

मिनु परमप्रभु यावेमी इन कली नु इन योव़शो पिप कली, गेपुकी नु इन किकी पिपी यो मतुइश्‍शो जात ङा मुर आन रागी कोंइब। मिनु गेपुकीमी मेकेर रे शी नु फुल्‍लु के देवी देवता आन कली गेय पाइ‍नीनी। ब्‍यवस्‍था ४:२८

ब्‍यवस्‍था 28:64

मिनु परमप्रभु यावेमी इन कली जात जात ङा मुर आन दातेमी फ्राइब। मिनु गेपुकीमी मेकेर ङा इन किकी पिपी नु इन मतुइश्‍शो शी नु फुल्‍लु के देवी देवता आन कली गेय पाइनीनी।

ब्‍यवस्‍था 29:17

मिनु गे आन ग्रांग्रा दित्‍चा ङा शी, फुल्‍लु, सुन नु चांदी के देवी देवता आन कली यो तशो बाक्‍नीनी।

प्रकाश 9:20

मिनु मबेक्‍थु लीशो मुरपुकीमी मेको आन मरिम्‍शो पचा मप्रोनेम। मार मरिम्‍शो पाम्‍तेक्‍म देंशा हना, वोल नु देवी देवता आन कली खुम्‍की पा सेउ पाम्‍तेक्‍म। मताइब, मनेंब, मगाक्‍ब सुन, चांदी, कांसा, फुल्‍लु नु शी के सेल्‍शो मूर्ति आन कली खुम्‍की पा सेउ पाम्‍तेक्‍म। प्रकाश १६:९

१ सामुएल 26:19

मोपतीके आं प्रभु नु आं पिप, इन गेय पाइब, आं लोव़ नेनीन। परमप्रभु यावेमी इन कली आं कली खेदा पपाइक्‍चा कली पोक्‍शो बाक्‍त हना, मेकोमी चढ़ेतीक का ब्राइबा कों। तन्‍न बेक्‍शा लाइब मुरुम इन कली आं कली खेदा प‍चा कली पोक्‍शो बाक्‍त हना, मेको परमप्रभु यावे आ ङोंइती सराप रल। मारदे हना मेकोपुकीम मुलाक्‍त आं कली परमप्रभु यावे आ गेशो रू रे खेरशा ‘लावो, अरु देवी देवता आन कली सेउ पावो’ दे लोव़ पाम्तेक्‍म। उत्‍पत्ती ८:२१; ब्‍यवस्‍था ३२:९; २राजा ५:१७