ब्‍यवस्‍था 4:26 - Sunuwar Bible

²⁶ गो मुलाक्‍ती सरीङ नु रागी कली इन दूली पशो आ पर्बम सांकछी वोइक्‍नुङ। गे यर्दन आइक्‍ची हांबु ङा इन के सेल्‍चा चिक्‍शो रागीम रीब पा खतम दुम्‍नीनी। गे शुश नाक्‍त मेकेर बाक्‍चा मताइनीनी। गे क्‍याम्‍चा पुंइसीनीनी। ब्‍यवस्‍था ३०:१९; ब्‍यवस्‍था ३१:२८; ब्‍यवस्‍था ३२:१;

ब्‍यवस्‍था 4:26 ပူးပေါင်းရင်းမြစ်များ

उत्पत्ती 19:13

मारदे हना गो एको सहर कली क्‍याम्‍नस्‍कु। परमप्रभु यावे आ ङोंइती एको आन ग्रांग्रा दिचा ङा गेय आ पर्बम शुश रेयके बाक्‍ब। परमप्रभु यावेमी आंस कली एको सहर क्‍याम्‍चा, दे सोइश्‍शो बाक्‍ब” देंसा बाक्‍त। उत्‍पत्ती १८:२०

१ राजा 9:7

गो इस्राएली आन कली आं गेशो रागी रे खेरनुङमी। मिनु एको आं कली सेल्‍शो खिं कली प्रोंइशा मकोव़नुङ। मिनु इस्राएली चहिं मुर नेल्‍ल आन दातेमी मुने दोक्‍शा, ग्रांग्रा दित्‍तीक दुम्‍नीम। ब्‍यवस्‍था ४:२६; ब्‍यवस्‍था ८:१९-२०; मत्ती २३:३८

यसैया 1:2

सरीङ नु रागीम बाक्‍बपुकी नोफा दाइश्‍शा नेनीन। मारदे हना परमप्रभु यावेमी “गो आं आल आन कली थुल्‍शा, कोल्‍पाइक्‍तामी। मेकोपुकीम चहिं आं कली मटीयीमी। ब्‍यवस्‍था ३२:१; ब्‍यवस्‍था ३२:५-६

यसैया 6:11

मिनु गो “परमप्रभु, गेना सम्‍म मो पचा माल्‍नुङा?” देंती। मिनु मेकोमी “सहर ब्रेश्‍शा मुर मबाक्‍तीके मदुम सम्‍म, खिं नेल्‍ल श्‍येत्‍थ नु रागी नेल्‍ल मुर मबाक्‍शो मदुम सम्‍म मोदेंशो पावो।

येरमीया 16:13

मोपतीके गो इन कली इन मतुइश्‍शो रागी नु इन किकी पिपी आन मतुइश्‍शो रागीम ताइक्‍नन्‍नी। मिनु गेपुकीम मेकेर नाक्‍दो नाक्‍ती देवी देवता आन कली पूजा पाइनीनी। मारदे हना गो इन कली शिशी मपाइ‍नुङ’ देनो” दे परमप्रभुमी आं कली देंत। ब्‍यवस्‍था २८:६४

येरमीया 2:12

गे सरीङम बाक्‍बपुकी एको लोव़ नेंशा हिंशा, छक लाक्‍कीन। मिनु थाम्‍पा हिंशा थिर थिर पा ख्रिंख्रि पने।

येरमीया 22:29

ए रागी, रागी ङा मुर नेल्‍ल, परमप्रभु यावे आ लोव़ नेनीन।

येरमीया 32:24

कोव़ङीन, एको सहर आन के सेल्‍चा कली नु गारो ङोइक्‍चा कली लां सेल्‍चा कली मार मार तेल्‍तेक्‍म। मेको सहर कली तरवार, अन्‍काल नु मुर बेक्‍तीक रोइम पतीके, मेको लडाइ तोइब कल्‍दी आन गुइम दुम्‍त। गे मार देंनी, मेको दुम्‍त। गे आंमा ताइनीनी।

येरमीया 44:22

परमप्रभु यावेम इन मरिम्‍शो पशो नु इन पशो ग्रांग्रा दिशो गेय तशा फाल्‍ने मचब। मोपतीके इन रागी श्‍येत्‍थ नु मुर मबाक्‍तीके दुम्‍त। सराप चीले रशा, मुर मबाक्‍शो रागी दुम्‍त। मेको मुल सम्‍म मोदेंशोन बाक्‍ब।

येरमीया 6:19

रागी नेल्‍ल नेनीन। गो एको मुर आन कली ठेयब श्‍येत चाक्‍नुङ। मेको श्‍येत आन पशो आ पा ङा बाक्‍ब। मारदे हना मेकोपुकीमी आं पचा देंशो लोव़ मपामे। मिनु आं शेंशो लोव़ काइ मटीम। यसैया १:२

इजीकीएल 33:28

गो मेको रागी कली मुर मबाक्‍शो नु श्‍येत्‍थ सेल्‍नुङ। मिनु मेको आ ठेयब लेत्‍तीक जाम्‍ब। मिनु इस्राएल ङा डांडाम सुइ एर ओंथ पने मचाप्‍चा ङा पा मुर मबाक्‍तीके दुम्‍ब।

इजीकीएल 36:4

मोपतीके गे इस्राएल ङा पहाडपुकी, परमप्रभु, परमप्रभु यावे आ लोव़ नेनीन। परमप्रभु यावेमी डांडा, पहाड, खोल्‍सा, बेंसी, ब्रेश्‍शो सहर नु मुर मबाक्‍शो सहर गे इन कली इन एर ओंथ बाक्‍शो मुरपुकीमी रोइक्‍ताक्‍म। मिनु रिश्‍शा इन कली आइक्‍च सेल्‍तेक्‍म।

लेवी 18:28

मिनु आं अरेशो मपथु, मेको रागी ग्रांग्रा दिशो सेल्‍तीनी हना, मेको ङोंइती बाक्‍ब मुर आन कली खोदेंशो पा मेको रागीमी इन कली यो उक्‍बे पा ताइक्‍ब।

मीका 1:2

मिनु परमप्रभु यावेमी मार कोंइशो नु देंशो बाक्‍त देंशा हना “जात जात ङा मुर, गे नेल्‍लेमी नोफा दाइक्‍तीन। रागी नु मेकेर बाक्‍ब नेल्‍लेमी नेनीन। परमप्रभु, परमप्रभु यावे आ बाक्‍तीके रे पा इन मरिम्‍शो पशो आ पर्बम सांकछी दुम्‍ब।

मीका 6:2

गे डांडापुकी नु गेना हना यो लीब रागी ङा जग, परमप्रभु यावेमी दोपा निसाफ पाइबा, मेको नेनीन। मारदे हना मेकोमी आ मुर आन कली निसाफ पचा चिक्‍शो बाक्‍ब। आ दोस गे‍शो नोफा दाइश्‍शा नेनीन। मारदे हना आ मुर आन कली मेको के लोव़ बाक्‍ब। मेकोम इस्राएल कली निसाफ पाइब।

लूका 21:24

कोइ तरवारम बेक्‍नीमी। कोइ ग्‍याइश्‍शा अर्को रागीम लाइक्‍चा पुंइसीनीम। मिनु आन नाक्‍त मजाक्‍दीम सम्‍म अर्को जात ङा मुरपुकीमी यरूसलेम कली दिप्‍‍शा वोइक्‍नीम। यसैया ६३:१८; प्रकाश ११:२; रोमी ११:२५

ब्‍यवस्‍था 11:17

परमप्रभु यावेमी गाइश्‍शा रागीम रेउ मयिपाइक्‍ब। मिनु मारेइ खुप्‍चा मताइनीनी। मिनु परमप्रभु यावेमी इन कली गेशो रिम्‍शो रागी रे क्‍याम्‍ब। ब्‍यवस्‍था २८:२३-२४; लेवी २६:१९-२०

ब्‍यवस्‍था 28:20

मिनु परमप्रभु यावे कली टिचा प्रोंइशा बाक्‍तीनी हना, इन मार मार पतीकेमी इन थुं ग्‍यशा सराप राइनीनी। इन मरिम्‍शो पतीके गे रीब पा क्‍याम्‍चा पुंइसीनीनी।

ब्‍यवस्‍था 28:22

मिनु परमप्रभु यावेमी इन कली रां सोक्‍तीक रोइ, जोरो, शुश गार मुइक्‍तीके, रेउ मयितीके, नेल्‍ल बाली नाली सोव़‍तीके बुंखी ङाइक्‍तीके रोइ सोइक्‍ब।

ब्‍यवस्‍था 28:45

मिनु मेको सराप चीले नेल्‍ल गे मबेक्‍नी सम्‍म राइनीनी। मारदे हना गेपुकीमी परमप्रभु यावे, इन परमप्रभु आ शेंशो लोव़ नु आ फुल्‍लुम मुशा ब्रेक्‍शो लोव़ नेल्‍ल होस पा मटिनी।

ब्‍यवस्‍था 28:61

मिनु मेको अरेशो लोव़ ङा किताबम मब्रेक्‍शो रोइ नु बेक्‍तीक रोइ यो इन कली पपाइक्‍ब। परमप्रभु यावेमी गेपुकी खतम मदुम्‍नी सम्‍म मोदेंशो पपाइक्‍ब।

ब्‍यवस्‍था 29:28

मिनु परमप्रभु यावेमी चुरशा, गाइश्‍शा, आ ठेयब गाइश्‍शोम मेको आन कली आन रागी रे खेरशा, अर्को रागीम ताइक्‍ताक्‍व। मेको मोदेंशो मुलाक्‍त दुम्‍शो बाक्‍ब’ देंनीम।

ब्‍यवस्‍था 31:28

मिनु गे इन थर थर ङा खाल्‍पा नु ठेयब मुर नेल्‍ल आं बाक्‍तीकेम ब्रेश्‍शा खुम्‍सीन। मिनु गो मेको आन कली एको लोव़ नेंपाइक्‍नुङमी। मिनु मेको गो सरीङ नु रागी आन पर्बम सांकछी वोइक्‍नुङ। ब्‍यवस्‍था ३२:१

ब्‍यवस्‍था 32:1

“सरीङ, गो मार देंनुङा, नोफा दाइश्‍शा नेनो। रागीम, आं लोव़ नेनल। यसैया १:२

ब्‍यवस्‍था 7:4

मारदे हना मेकोपुकीमी इन तौ आन कली आंम देवी देवता गे कीनीम। परमप्रभु यावे कली गेय मपथु, देवी देवता आन नोले खोइक्‍पाइक्‍नीम। मो दुम्‍मेनु, परमप्रभु यावे शुश गाइश्‍‍शा, इन कली रीब पा साइक्‍ब।

ब्‍यवस्‍था 8:19

मिनु गे परमप्रभु यावे, इन परमप्रभु कली प्रेंशा, देवी देवता आन नोले खोइक्‍तीनी, मेको आन कली पूजा पाइतीनी नु मेको आन ङोंइती बाप्‍तीनी हना, गो इन कली ‘गेपुकी थमा पा साइक्‍चा पुंइसीनीनी’ दे मुलाक्‍ती लोव़ का पाइनुङ।

ब्‍यवस्‍था 8:20

मिनु परमप्रभु यावेमी इन ङोंइती रागी रागी ङा मुर आन कली खतम सेल्‍शो खोदेंशो पा, गेपुकीमी आ लोव़ मनेंथु, मटीतीनी हना, परमप्रभु यावे, इन परमप्रभुमी इन कली यो खतम सेल्‍ब” देंत।

यहोसु 23:16

गेपुकी परमप्रभु यावे, इन परमप्रभु आ कबल कली प्रोंइशा, अरु देवी देवता आन कली ठेयब सेल्‍थ लाइतीनी हना नु मेको आन कली बाप्‍शा सेउ पाइतीनी हना, परमप्रभु यावे शुश चुरशा, मेकोमी इन कली एको रिम्‍शो रागी रे रीब पा खेरशा खतम सेल्ब” देंत।

यहोसु 24:20

गेपुकीमी परमप्रभु यावे कली प्रोंइशा, अरु देवी देवता आन कली पूजा पाइतीनी हना, इन कली ङोंइती रिम्‍शो पा, नोले मरिम्‍शो पचा गोइब। मिनु इन कली खतम पोक्‍ब” देंत।