ब्‍यवस्‍था 4:25 - Sunuwar Bible

²⁵ मिनु गेपुकी मेको रागीमी शुश बर्स बाक्‍शा, तमी तौ, चच युइ थिशा बाक्‍नीनी। तन्‍न परमप्रभु यावे, इन परमप्रभुमी मदाक्‍चा ङा पा मारेइ के मूर्ति सेल्‍शा, परमप्रभु यावे कली गाइक्‍पाइक्‍तीनी हना,

ब्‍यवस्‍था 4:25 ပူးပေါင်းရင်းမြစ်များ

२ राजा 21:2

मेकोम परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त। परमप्रभु यावेमी इस्राएली आन ङोंइती रे खेरशो रागी रागी ङा मुर आन ग्रांग्रा दिशो गेय पवा बाक्‍त।

भजन संग्रह 78:58

मेकोपुकीमी आन मूर्ति वोइश्‍शो डांडामी परमप्रभु कली गाइक्‍पाइक्‍तेक्‍म। मेको आन सेल्‍शो मूर्तिमी मेको कली गेहे पपाइक्‍तेक्‍म। ब्‍यवस्‍था ३२:२१

प्रस्‍थान 20:4

मूर्ति मसेलीन। सरीङम बाक्‍ब, रागीम बाक्‍ब नु ब्‍वाक्‍कु गाम बाक्‍ब तेकोइ जन्‍तु आन मूर्ति मसेलीने। ब्‍यवस्‍था ४:१५-१९; ब्‍यवस्‍था २७:१५; यसैया ४०:१८-२६; रोमी १:२३

प्रस्‍थान 32:7

मिनु परमप्रभु यावेमी मोसा कली “डांडा रे तोंइसो। इजीप्‍त रे ग्रुंइशा चाक्‍शो इ मुरपुकीमी आन द‍ला दाक्‍स पा पाप पाम्‍तेक्‍म।

इजीकीएल 8:10

मोपतीके गो आगा ओव़शा कोव़ता। मिनु एर ओंथ नेल्‍ल गारोमी नेल्‍ल खाल ङा ग्रेशा गाक्‍ब जन्‍तु, ग्रांग्रा दिशो जन्‍तु, इस्राएली आन खिं ङा मूर्ति नेल्‍ल मेकेर ब्रेक्‍स पा सेल्‍शो ताता। रोमी १:२३

होसे 9:17

आं परमप्रभुमी मेको आन कली प्रोंइब। मारदे हना मेकोपुकीमी आ देंशो मटीम। मोपतीके मेकोपुकी रागी रागी ङा मुर आन दातेमी हिरशा गाक्‍ब दुम्‍नीम।

होसे 9:9

गिबा ङा नाक्‍त खोदेंशो पा मेकोपुकी काइ मरिम्‍शो गेय पाम्‍तेक्‍‍म। परमप्रभु यावेमी मेको आन मरिम्‍शो पशो मिम्‍शा सजाइ गेब। होसे १०:९; न्‍यायाधीस १९:२२-३०; न्‍यायाधीस २०:१३

१ कोरिन्‍थी 10:22

गोपुकीम प्रभु कली रुश पपाइक्‍चा दुम्‍बा ङा? गो प्रभु क्‍येङा ठेयब नया ङा?

ब्‍यवस्‍था 16:22

गेपुकीमी तेकोइ अर्को मूर्ति वोइक्‍चा मदुम्‍ब। मारदे हना मेको नेल्‍ल परमप्रभु यावे, इन परमप्रभुमी कली ग्रांग्रा दीब” देंत। लेवी २६:१; येरमीया २:२७

ब्‍यवस्‍था 27:15

मिनु मेकोपुकीमी “सु मुरुमी मुशा, यपाइश्‍शा मूर्ति सेल्‍ब, मेको परमप्रभु यावे कली ग्रांग्रा दित्‍चा ङा बाक्‍ब। मिनु मेको जोक्‍ब मुरुमी आ सेल्‍शो मूर्ति कली ख्रुइश्‍शोमी वोइक्‍ब, मेको मुर सराप राइब” देंतेक्‍म। मिनु मुर नेल्‍लेमी “आमेन, मोदेंशो दुम्‍ल” देंचा माल्‍नीम। प्रस्‍थान २०:४,२३

ब्‍यवस्‍था 28:45

मिनु मेको सराप चीले नेल्‍ल गे मबेक्‍नी सम्‍म राइनीनी। मारदे हना गेपुकीमी परमप्रभु यावे, इन परमप्रभु आ शेंशो लोव़ नु आ फुल्‍लुम मुशा ब्रेक्‍शो लोव़ नेल्‍ल होस पा मटिनी।

ब्‍यवस्‍था 28:61

मिनु मेको अरेशो लोव़ ङा किताबम मब्रेक्‍शो रोइ नु बेक्‍तीक रोइ यो इन कली पपाइक्‍ब। परमप्रभु यावेमी गेपुकी खतम मदुम्‍नी सम्‍म मोदेंशो पपाइक्‍ब।

ब्‍यवस्‍था 30:18

गो इन कली मुलाक्‍ती “गेपुकी थमा पा बेक्‍नीनी। मिनु यर्दन आइक्‍ची हांबु इन के सेल्‍शो रागीमी गे शुश नाक्‍ती मब्रोंइनीनी” देंनुङ। ब्‍यवस्‍था ८:१९

ब्‍यवस्‍था 30:19

गो मुलाक्‍ती सरीङ नु रागी कली इन ङोंइती सांकछी वोइक्‍नुङ। गो इन कली ब्रोंइचा नु बेक्‍चा, आसीक नु सराप इन कली कोंइताक्‍ङ। गे नु इन चच युइ ब्रोंइतीक योव़ङीन। ब्‍यवस्‍था ४:२६

ब्‍यवस्‍था 31:29

मारदे हना गो बेक्‍ङा नोले गेपुकी थमा पा दूली पाइब दुम्‍नीनी। मेको गो तुइक्‍नुङ। मिनु गेपुकी आं अरेशो लां रे ङोन लाइनीनी। मिनु गेपुकीमी परमप्रभु यावे आ ङोंइती मरिम्‍शो पाइनीनी। मिनु मेको इन पतीकेमी मेको कली गाइक्‍पाइक्‍नीनी। नोले ङा नाक्‍तीमी इन कली शुश श्‍येत दुम्‍ब” देंत।

ब्‍यवस्‍था 32:5

तन्‍न मेको पाला ङा मरिम्‍शो दुम्‍शो मुरपुकीमी मेको कली मरिम्‍शो पाम्‍तेक्‍म। मेको दूली पाइब नु हेंथे गाक्‍ब ला ङा बाक्‍नीम। यसैया १:२-४; मत्ती १७:१७

ब्‍यवस्‍था 4:16

मिनु गे इन कली मूर्ति सेल्‍शा, खतम मसेल्‍सीन। गे होस पा बाक्‍कीन। तेकोइ वोंइश मुर, मीश मुर, प्रस्‍थान २०:४

ब्‍यवस्‍था 4:23

मिनु परमप्रभु यावे, इन परमप्रभुमी गे नु पशो कबल मप्रेक्‍थु, होस पा बाक्‍कीन। गे मप्रेंथु परमप्रभु यावे, इन परमप्रभुमी देंशो टिशा मारेइ के मूर्ति मसेलीन।

यहोसु 23:16

गेपुकी परमप्रभु यावे, इन परमप्रभु आ कबल कली प्रोंइशा, अरु देवी देवता आन कली ठेयब सेल्‍थ लाइतीनी हना नु मेको आन कली बाप्‍शा सेउ पाइतीनी हना, परमप्रभु यावे शुश चुरशा, मेकोमी इन कली एको रिम्‍शो रागी रे रीब पा खेरशा खतम सेल्ब” देंत।

यहोसु 24:20

गेपुकीमी परमप्रभु यावे कली प्रोंइशा, अरु देवी देवता आन कली पूजा पाइतीनी हना, इन कली ङोंइती रिम्‍शो पा, नोले मरिम्‍शो पचा गोइब। मिनु इन कली खतम पोक्‍ब” देंत।